Luka 17:2 - Kibaku NT

² Ata ndzai kudzǝ alari ka ndǝ ɗalu tǝni akwa manda aka burɛ nam ngga tǝ ndǝ mbau akwa wuyari ta tǝ dzǝ awa hau duku akwa ntsa waza yarni ka 'ya biku.

Luka 17:2 Iomraidhean Croise

Mata 17:27

Ama ani ka ta muri ta sǝwati ɗǝfa dar, mwari akwa manda ka gǝ ɗalu kwangyalar ngɛ. Ka gǝ kǝtǝ kulfa nam tangkǝma tǝ gǝ ɗalba; ka gǝ mburnta nyari gǝ ata ɓui dinar fwaɗu nam ata mǝzi kyinta tsǝmǝr fǝr Hyal ni. Kǝtǝ ka gǝ la dar ka nana ba nǝngɛ.”

Mata 18:10

“Ka gǝri 'ya hankal ta gǝri ta rutsǝni wala duku akwa ntsa waza yarni. Akuya Yi ada gha ala gǝri apǝri ndzǝr hyantǝr Hyal atahyal tatang dar ada wula kǝma Bana nam atahyal. [

Mata 18:14

Tsu apani Tada gǝri nam atahyal adi ada bara ka kǝlara duku akwa ntsa waza yarni ka dzǝ sa wɛ.

Mata 26:24

Zǝr Ndɛ ni ata nti tsu apa tǝ ndǝ rǝbwai ata kǝrari. Ama bwasam ala ndǝ ǝnda nam tara ɓǝlai Zǝr Ndɛ ni! Ata 'ya kudzǝ ala ndǝ ni kura ndǝ ta ya tǝni.”

Markusu 9:42

Yɛsu lǝkǝma aka nkǝrɛ, “Ba ma kǝlara ndǝ nam tara hau duku akwa ntsa waza yarni nam tara mbǝrsa akwa yɛ ka 'ya biku, ata ndzai kudzǝ alari ka ndǝ mbau burɛ nam ngga akwa wuyari ba ka ndǝ ɗalu tǝni akwa manda nam saɓǝl.

Yawhana 21:15

Sakatǝ dar kurai sǝm sǝr sǝmɛ, Yɛsu nkǝrɛ ala Simaun Bitrusu, “Bitrusu zǝr Yawhana, dzǝri gǝ yiɗǝ tǝra ɓwalnta ndzǝ yarni ya?” Dzǝ ka sǝnau, “A, Thlaku. Gǝ zǝndi apǝri Yi yiɗǝ tǝngɛ.” Yɛsu nkǝrɛ, “La sǝr sǝmɛ ala madar tǝmarna.”

1 Ndzǝr Kwaranti 9:15

Ama Yi ta kǝthlǝr aka sanga whal ǝni yarni tǝ Yi akǝr ni wɛ. Ba Yi adi ada rǝbwa sǝ ǝni akwa tǝmatsǝni apǝri gǝri ata 'ya alai sǝ yarni wɛ. Kudzǝ ka Yi nti ta tǝ kǝlara ndɛ awa kanti alai agularna ni.

1 Ndzǝr Kwaranti 9:22

Ala ndzǝ nam kura dǝna Yi ndzai kura dǝna, ka Yi si aka ndzǝ nam kura dǝna. Yi ndzai sanga su ala sanga ndzi ani ka atar sanga whal nam ata mǝzi ka 'ya ka Yi mbati nakuma dar.