Luka 16:9 - Kibaku NT

⁹ Yi ada nkǝrɛ ala gǝri, ka gǝri 'ya kǝthlǝr aka gabakar gǝri kadǝbar ka gǝri ɓui pazi yarɛ akwa dunya ni, kadǝbar saka nam tǝ gabaka ni kuri, ndɛ ata dlutsi tǝ gǝri akwa kǝi yarɛ ka gǝri ndzai kura kurkuri.

Luka 16:9 Iomraidhean Croise

Mata 19:21

Yɛsu ka nkǝrɛ alari, “Ma gǝ ada bara ka gǝ ndzai kal-kal, mwari ka gǝ ɗǝlnta sanga sǝ nam tǝ gǝ akǝri ka gǝ la ndǝ nam ngudi, ba gǝ ata siya ɓui gǝna atahyal. Antǝ ka gǝ siya nu tǝra.”

Mata 6:19

“Ta gǝri ta tsaɓtsǝni gǝna ala kǝr gǝri akwa dunya, vui nam tǝ mutaɓur aka kǝlamku ata sǝwati, ba vui nam tǝ ndzǝr hǝlɛ ata ɓǝlnta ka hǝlti.

Mata 6:24

“Ndɛ adi nam ata mǝzi 'ya kǝthlǝr ala Thlaku sǝɗǝ wɛ. Tar ma dzǝ ngǝla pathlu ka dzǝ yiɗǝ pathlari, wala ka dzǝ tsu pathlu akwa kǝr ba ka dzǝ rutsǝni pathlari. Gǝ adi ata mǝzi kǝthlǝr ala Hyal gyapu aka kwapa wɛ.

Luka 11:41

Ama ka gǝri la sǝ nam tǝ gǝri akǝri akwa kuta ntasa ni ala ndzǝ nam kura aka su, antǝ sanga su ata ndzai kǝtsǝkǝtsi ala gǝri.

Luka 12:33

Ɗǝgǝltamɛ sǝ yarɛ nam tǝ gǝr akǝr, ka gǝr la ndzǝ nam ngudi. Ka gǝr ɓui pǝrki ala kǝr gǝri nam kura ada hali, dzǝ ani, gabaka nam kura ada kuri atahyal, vui nam kura ndzǝr hǝlɛ ada tsǝbti ba vui nam kura hǝhǝtu awa sǝwati.

Luka 14:14

Gǝ ata ɓui barka, akuya ka dar adi aka whal nam tǝ dar awa nkyinta ala gǝ wɛ, tar ka ndǝ nkyinta ala gǝ vǝr hyatǝr ndzǝ nam whuya yarɛ.”

Luka 16:11

Ani ma apǝri ndɛ ta mbǝrsa aka gǝri akwa ngǝzǝ gabakar dunya ni wɛ, wa ani ata hau akwa tsiya gǝri gabaka nam dzǝri?

Luka 16:13

“Zǝr kǝi adi nam ata mǝzi ka 'yati kǝthlǝr ala thlakǝr kǝi pam-pam sǝɗɛ wɛ. Si ma dzǝ ngǝla pathlu ka dzǝ yiɗǝ pathlu, wala ka dzǝ tsu pathlu akwa kǝr ba ka dzǝ rutsǝni pathlari. Gǝ adi ata mǝzi kǝthlǝr ala Hyal gyapu aka kwapa wɛ.”

Luka 16:4

Yi zǝndi sǝ nam tǝ Yi ata 'ya, nam ma sakatǝ ndǝ kǝlba tǝra akwa kǝthlǝrna akwani, ndzi ata dlutsi tǝra alivi ahar dar.’

'Ya Su 10:31

Ba dzǝ ka nkǝrɛ alai, ‘Karnaliyus, ndǝ ngati aduwar ngɛ, ba satakar ngɛ ala ngudi yarɛ kǝ ɗǝngatǝdzi adzǝ Hyal.

'Ya Su 10:4

Karnaliyus sǝzǝrkǝr ntsɛ alari akwa hyivǝr ka nkǝrɛ, “Thlaku, mǝrɛ ǝni?” Ndǝr hyantǝr Hyal ni sǝnau, “'Ya aduwar ngɛ ba sataka ala ngudi yarɛ Hyal dlutsi apa sǝr hamnta!

2 Ndzǝr Kwaranti 4:17

Akuya parakǝr muri ba bwaniyir muri nǝr saka nkyiɗǝ laka ni ada ɓui ala muri hǝmɛ nam kura ada kuri nam ɓwalta dar sang.

Yahuda 1:21

Ka gǝri ɓǝlati kǝr gǝri akwa yiɗǝdzǝr Hyal, tǝ gǝri ada sǝkɛ kǝtǝrdzǝr Thlakǝr muri Yɛsu Kǝrsti, tǝ dzǝ ata si ala gǝri aka mpikǝ nam kura kurkuri.