Luka 16:2 - Kibaku NT

² Ani dzǝ ka kǝga tǝni ka yuwɛ tǝni, ‘Sǝr mi tǝ Yi ada ngati ata kǝra gǝ ni? Azǝrɛ ka gǝ tsǝba alai sǝ yarɛ nam tǝ gǝ 'ya aka kari, kadǝbar gǝ tsu adi ata ndzai nggar ndǝr kǝthlǝrǝrna kǝra wɛ.’

Luka 16:2 Iomraidhean Croise

Mata 12:36

Ama Yi ada gha ala gǝri apǝri, kǝlara labar ɓǝrtu nam tǝ ndzi ghaba dar ata tsǝnta akwa vǝrǝr haka ni

Mata 20:8

“Sakatǝ tǝhaku tara 'ya, thlakǝr fwaku ni ka nkǝrɛ ala mǝhyarni, ‘Kǝga ndzǝr kǝthlǝr ni, ka gǝ kyinta tǝ dar, baditsǝni aka ndzǝ nam aghǝli ka si ata kǝra ndzǝ nam tangkǝma.’

Luka 12:20

“Ama Hyal ka nkǝrɛ alari, ‘Gǝ ndǝ nam dlang! Akwa kuta vǝr ǝni ndɛ ata dlutsi mpika gǝ. Antǝ kari yarɛ nam tǝ gǝ tsaɓtsǝni ala kǝrngɛ ni ata ndzai nǝr wa?’

Luka 12:42

Thlaku ni ka sǝnau, “Wa dza zǝr kǝi nam aka dzǝrkur ba bǝrkawa, nam tǝ thlakǝr kǝiyirni awa lar ngǝzǝ kǝiyirni ka dzǝ lǝkǝma aka la dar sǝr sǝmǝr dar ata saka nam kal-kal?

Luka 16:1

Yɛsu nkǝrɛ ala ndzǝr nuwurni: “Ndǝ bǝrba laka adai nam tǝ ndǝ ada nkǝrɛ apǝri nggar ndǝr kǝthlǝrǝrni ada gyalnta alari gabakarni.

Luka 16:3

“Ani ba nggar ndǝr kǝthlǝr ni ka nkǝrɛ ala kǝrni, ‘Mi tǝ Yi awa 'ya kulini? Nda thlakǝrna angwa dlutsi kǝthlǝr akwa tsiyawai. Nda Yi adi aka dǝnar tsǝwhu wɛ, ka Yi ndzai ndǝr kǝgyǝ tsuwɛ Yi ada nga sǝlai—

Ndzǝr Rauma 14:12

Ani dza, kǝlara ndɛ akwa ntsa muri ata tsǝba sǝ nam tǝ dzǝ 'ya ala Hyal.

1 Ndzǝr Kwaranti 1:11

Madar mama, ndzǝr kǝiyir Kulawi yarɛ laka lai ndǝrɛ apǝri ɓwalnya adai akwa ɓwanga gǝri.

1 Ndzǝr Kwaranti 4:2

Kadamwa ndɛ ada bara apǝri ndzǝ nam tǝ ndǝ tara hau su akwa tsiya dar kǝ ndzai ntsakǝr ka dar 'ya su aka dzǝrkur.

1 Ndzǝr Kwaranti 4:5

Kadǝbar ǝni, ta gǝ 'ya haka ala mima kǝmata sakari; sǝkɛ har si ma Thlaku ni si. Dzǝ ata sǝba akǝri ata babal sǝ nam ɗǝwa-ɗǝwa akwa kuthlɛ ba dzǝ ata tsanǝba sǝ nam akwa ɗǝfa ndzi. Ata saka ǝnda, kǝlara ndɛ ata dlutsi hǝmǝr ni aka Hyal.

2 Ndzǝr Kwaranti 5:10

Akuya kǝ ndzai ntsakǝr ka mur tsaɓtsǝnidzi akǝma tsakurakǝr hakar Kǝrsti nam tǝ kǝlara ndɛ ata dlutsi wadzǝɓarni akuya ka sǝ yarɛ nam tǝ dzǝ 'ya sakatǝ dzǝ akwa dzɛ ǝni, wala ɗa wala kulɗa.

1 Timathlawus 4:14

'Ya kǝthlǝr aka sǝgar ngɛ, nam tǝ Hyal tara la gɛ atar ndǝrǝr nabi sakatǝ ndzǝ ngganggar ikǝlizǝya pukǝr tsiya dar ala gɛ.

1 Timathlawus 5:24

Bikǝr ndzǝ laka ata babal, ada tǝra alǝkǝma vui 'ya haka kǝmata dar; bikǝr ndzǝ laka ada siya sǝba aghǝli.

1 Bitrusu 4:10

Hyal la waima sǝga pam-pam; waima ka dzǝ 'ya kǝthlǝr ala kǝmani aka kǝlara sǝga nam tǝ Hyal lari.

1 Bitrusu 4:5

Ama dar ata lǝka tsǝnta aka nya dar ala ndǝ nam ata 'ya haka ala ndzǝ nam aka mpikɛ ba ndzǝ nam ntǝnti.

Wulsu 20:12

Ba Yi ka wula ndzǝ ntǝnti, ndzǝ ngga-ngga kaka ndzǝ nkyǝnkyiɗu, ada hyati akǝma dǝgǝl kuhyikur ni, ba ndǝ mburnta kakadǝ yarɛ. Ba ndǝ mburnta kakadǝ damwa, nam ani kakadǝr mpikɛ. Ndǝ ka 'ya haka ala ndzǝ ntǝnti ni ata kǝra sǝ nam tǝ dar tara 'yati tǝ ndǝ rǝbwai akwa kakadǝ yarni.