Luka 12:5 - Kibaku NT

⁵ Ama Yi ata tsanti ala gǝr ndǝ nam tǝ gǝri ata hyivǝr tǝni: Ka gǝr hyivǝr ndǝ nam, aghǝla ma dzǝ tsai dzǝ ni, dzǝ aka wada nam tǝ dzǝ ata ɗalu tǝni akwa u'u kura kuri. Dzǝri, Yi ada nkǝrɛ ala gǝri, ka gǝri hyivǝr tǝni!

Luka 12:5 Iomraidhean Croise

Mata 10:28

Ta gǝri ta hyivǝr ndzǝ nam ata tsai dzǝ ni, ama dar adi ata mǝzi ka tsai sangura wɛ; ama ka gǝri hyivǝr Hyal dzǝ nam ata mǝzi ka santa dzɛ gyapu aka sangura akwa u'u kura kuri.

Mata 25:41

“Antǝ dzǝ ata nkǝrɛ ala ndzǝ nam ata bwar tsi aghyari, ‘Tǝramɛ adzǝra, gǝri nam tǝ Hyal tara sǝwunta tǝ gǝri, alǝkwa u'u kura kuri tǝ ndǝ tara ɗǝmhǝi ala Satan ba ndzǝr hyantǝrni.

Mata 25:46

“Antǝ dar ata mwari akwa bwanai nam kura kurkuri, ama ndzǝ nam kal-kal yarni dar ata mwari akwa mpikǝ nam kura kurkuri.”

Mata 5:22

Ama Yi ada gha ala gǝri apǝri kǝlara ndǝ nam tǝ ɗǝfari sǝwa ala zǝrangǝri ndǝ ata 'ya alari haka. Kadamwa, kǝlara ndǝ nam tara nkǝrɛ ala zǝrangǝri, ‘Dlang,’ ndǝ ata mwari aka dza akwa vui hakar ndzǝr Yahudi. Ama kǝlara ndǝ nam tara nkǝrɛ, ‘Gǝ dlang!’ dzǝ ata lǝkwa u'u kura kuri.

Markusu 13:23

Ama vǝdzamɛ hankal, Yi nkǝrɛ ala gǝri sanga su kǝma ta tǝ dzǝ awa 'ya.

1 Ndzǝr Tasalaunika 4:6

Akwa lamar ǝni, ta waima ta 'ya kulɗakur ala zǝrangǝri akwa Kǝrsti, wala bara mwalarni. Thlaku ata hakatsǝni dzǝ nam tara 'ya sanga sǝ yarni, apa tǝ yar kurtaka gha ala gǝri ka ɗǝmnya ala gǝri.

Ndzǝr Ibrahim 10:31

Dzǝ sǝr hyivǝr tǝ ndǝ awa ɗu akwa tsiya Hyal nam aka mpikɛ.

2 Bitrusu 2:4

Akuya ma Hyal ta ngyar ndzǝr hyantǝr Hyal yarɛ nam tara 'ya biku wɛ, ama dzǝ pughǝl tǝ dar akwa u'u kura kuri, ba dzǝ ka mbwai tǝ dar aka tsalala akwa kawur kuthlɛ nam dzǝgam, ka ndɛ ɓǝla tǝ dar ka la vǝr haka;

Wulsu 14:7

Dzǝ gha aka kuɗahu ngga, “Hyivǝra mǝ Hyal ba ka gǝri lar nggakur, kadǝbar sakar 'ya haka kǝ si. Vǝkǝramǝ sǝlai alari dzǝ nam tara mǝrti atahyal yarɛ, dai, manda ni ba whal whuyir yimi yarɛ.”

Wulsu 15:4

Wa ani kura awa hyivǝr tǝngɛ, Ya Thlaku, Ba si aka nggakur ala thlǝma gɛ? Akuya gǝ duku ani kartǝ. Sanga dai yarɛ ata si ka vǝkǝr sǝlai akǝma gɛ, akuya 'ya sǝr ngɛ nam kal-kal kǝ sǝba ata babal.”

Wulsu 20:14

Antǝ ndǝ ka ɗalu Nti ba Vui Ndzaiyir Ndzǝ Ntǝnti alǝkwa mandar u'u. Mandar u'u ni ani nti nǝr sǝɗǝkur.