Luka 11:9 - Kibaku NT

⁹ “Ani Yi ada gha ala gǝri: Ka gǝri yuwɛ ndɛ ata la gǝri; ka gǝr bara, gǝri ata ɓui; tsamɛ nyavǝr ndɛ ata mburnta ala gǝri.

Luka 11:9 Iomraidhean Croise

Mata 21:22

Ma gǝri mbǝrsa, gǝri ata dlutsi kǝlara sǝ nam tǝ gǝri yuwɛ akwa aduwa.”

Mata 21:31

“Madi akwa ntsa dar sǝɗǝ ni tara 'ya sǝ nam tǝ tada dar ni tara bara?” Dar ka sǝnau, “Nam kǝmani.” Yɛsu ka nkǝrɛ ala dar, “Yi ada gha ala gǝri dzǝri, ndzǝr dlu tsǝmɛ kaka zawar yarni ata lǝkwa kuhyikur Hyal kǝma ta gǝri.

Mata 6:29

Wala apani Yi ada gha ala gǝri apǝri wala Sulaimanu akwa dzǝgu dzǝrni sang dzǝ ta saga 'yati dzǝgudzi dzǝli nǝr duku akwa ntsa dar wɛ.

Markusu 11:24

Ani ahani Yi ada nkǝrɛ ala gǝri apǝri kǝlara sǝ nam tǝ gǝri yuwɛ akwa aduwa, mbǝrsamɛ apǝri gǝr kǝ ɓui, ka dzǝ ndzai nǝgǝri.

Markusu 13:37

Sǝ nam tǝ Yi tara nkǝrɛ ala gǝri, ani, Yi nkǝrɛ ala ndzi sang, ‘Ka gǝr wulɛ!’ ”

Luka 11:10

Akuya kǝlara ndǝ nam tara kǝgyɛ dzǝ ata dlutsi; ndǝ nam tara bara dzǝ ata ɓui; ba ala kǝlara ndǝ nam tara tsa nyavǝr ndǝ ata mburnta alari.

Yawhana 14:13

Antǝ Yi ata 'ya kǝlara sǝ nam tǝ gǝri yuwɛ akwa thlǝmawai, ani ka nggakur Tada tsantǝdzi atar Zǝrari.

Yawhana 15:16

Adi gǝri dza tsarba tǝra wɛ, ama Yi dza tsarba tǝ gǝri ba kǝlba tǝ gǝri ka gǝri tǝra lǝka ya munya hang kura kurkuri. Antǝ Tada ata la gǝri kǝlara sǝ nam tǝ gǝri yu akwa thlǝmawai.”

Yawhana 15:7

Ma gǝr ndzai akwa yɛ, ba labarna ada ndzai akwa gǝri, gǝri ata yuwɛ kǝlara sǝ nam tǝ gǝri ada bara ndǝ ata la gǝri.

Yawhana 4:10

Yɛsu sǝnau alari, “Ma gǝ zǝndi hamntar Hyal, ba tsuwɛ ndǝ nam tara nkǝrɛ ala gɛ apǝri, pu alai yimi ka Yi sa ni, ai, gǝ ata kǝgyǝ tǝni, dzǝ tsuwɛ dzǝ ata la gǝ yimǝr mpikɛ.”

Ndzǝr Rauma 2:7

Ala ndzǝ nam ada lǝkǝma kura ngyar-ngyar akwa 'ya su ɗa tǝ dar ada bara ka Hyal la dar nggakur, ba kura nti, dzǝ ata la dar mpikǝ nam kura kurkuri.

2 Ndzǝr Kwaranti 6:2

Akuya dzǝ nkǝrɛ, “Ata saka nam kal-kal Yi si thlǝmɛ ala gɛ, ba akwa vǝrǝr ɓui mbatǝdzi Yi mbana tǝngɛ.” Yi nkǝrɛ ala gɛ, kulini ani saka nam kal-kal ala Hyal, asǝna ani vǝrǝr ɓui mbatǝdzi.

Ndzǝr Ibrahim 11:6

Ma kura aka hamnta dzǝri adi awa mǝzi ka 'ya tǝ ndɛ awa panyi ɗǝfa Hyal wɛ, kadǝbar kǝlara ndɛ nam ata si adzǝni kǝ ndzai ntsakǝr ka dzǝ mbǝrsa apǝri dzǝ adai ba dzǝ ada la wadzǝɓa ala ndzǝ nam ada bara tǝni.

Ndzǝr Ibrahim 4:16

Ngyar dzá ka muri mwari adzǝ dǝgǝl kuhyikur nǝr ɗakur Hyal aka mbǝrsa, ani ka mur dlutsi kǝtǝrdzi ba ka mur ɓui ɗakur Hyal ka dlar tǝ muri akwa saka nam tǝ mur ada bara.

Yakubu 1:5

Ma kǝlara ndɛ akwa ntsa gǝri nam tǝ bǝrkawakur kǝtǝ alari, ka dzǝ kǝgyǝ Hyal, nam ada la su ala sanga ndzi kura aka whunɛ akwa ɗakur, ba dzǝ ata lari.

Yakubu 5:15

Ba aduwa nam tǝ ndɛ tara 'ya akwa hamnta dzǝri ata mbǝti ndǝ kura kalang ni; Thlaku ni ata hyanti tǝni. Ma dzǝ 'yati sǝr biku, dzǝ ata ɓui kyifǝnta biku.

1 Yawhana 3:22

ba muri ada ɓui kǝlara sǝ nam tǝ mur kǝgyɛ, kadǝbar muri ada ngandǝrǝr tsawurni yarɛ ba muri ada 'ya sǝ nam ada panyi ɗǝfari.

Wulsu 2:24

Kulini Yi gha ala mambiya gǝri akwa Thliyatira, ala gǝri nam kura ta ngǝzi sǝr tsǝlǝrni ba ndzǝ nam kura ta tsǝli sǝ nam tǝ ndzǝ laka ada kǝga tǝ sǝ ɗǝwaɗǝwar Satan yarɛ (Yi adi ata vǝkǝr kǝlara kǝl damwa ata kǝra gǝri wɛ):