Luka 10:7 - Kibaku NT

⁷ Ka gǝri ndzai tsu akwa kǝi ǝnda, ka gǝri sǝmɛ ba sa kǝlara sǝ nam tǝ dar la gǝri, akuya ndǝr kǝthlǝr dzǝ mǝzi ka dzǝ dlutsi wadzǝɓarni. Ta gǝri ta mwari tsǝdzǝ ata kǝi ata kǝi.

Luka 10:7 Iomraidhean Croise

Markusu 6:10

“Sakatǝ gǝri livi akwa kǝi, ndziyamɛ akwa kǝi nda tar ma vǝr tǝ gǝri ngyar vui nda.

Luka 10:6

Ma ndǝr yiɗǝ ndzai lapiya adai akwanda, ndzai lapiyar gǝri ata ndzai ata kǝrari; ma adi wɛ, ata ɓakta ɓiti ka si ala gǝri.

Luka 9:4

Kǝlara kǝi nam tǝ gǝri tara livi, ndziyamɛ akwa kǝi nda har vǝr nam tǝ gǝri ata siya ngyar di nda.

'Ya Su 16:15

Ndǝ 'ya alari bamtizǝma vwam kaka ndzǝr kuta kǝiyirni, ba dzǝ kǝgyǝ tǝ yar apǝri ka yar ndzai mǝthlǝɓiyirni, dzǝ nkǝrɛ, “Ma gǝri ɗǝnga apǝri dzǝri Yi mbǝrsa akwa Thlaku ni, azǝramɛ ka gǝri ndzai aharna.” Ba dzǝ ka ndǝrhǝ tǝ yar.

'Ya Su 16:34

Antǝ dzǝ ka sivi aka dar aharni ka la dar sǝr sǝmɛ; dzǝ ghǝi aka kutsari, kadǝbar dzǝ si ka mbǝrsa aka Hyal—dza ba sanga yalǝrni.

'Ya Su 16:40

Aghǝla tǝ Bulusu aka Silas sǝba akwa kuta fǝrsǝna, dar tǝra ahar Lidiya, vui nam tǝ dar kǝɓai kaka madar mama yarɛ ka dǝnautsǝni tǝ dar. Antǝ dar ka ngyar vui ǝnda.

Ndzǝr Galatiya 6:6

Ndǝ nam tǝ ndǝ tsǝli alari labar Hyal dzǝ ata ndǝghǝi sanga sǝ nam ɗaku tǝ dzǝ akǝri aka ndǝr hyipǝrni.

1 Timathlawus 5:13

Wala adi ǝni wɛ, dar lǝkwa halǝr ndzai kura 'ya su ba nuɗɛ ka kǝi ka kǝi. Ba adi ɗiɗi dar ndzai kura 'ya su wɛ, ama gha ndɛ yarɛ ba mandanakur, dar ada gha sǝ yarɛ nam kura kal-kal ka dar gha.

2 Timathlawus 2:6

Ndǝr tsǝwhɛ nam tara 'ya kǝthlǝr dzau ani ata baditsǝni sǝm sǝr fwaku ni.