Luka 10:41 - Kibaku NT

⁴¹ Ama Thlaku ka sǝnau alari, “Marthla, Marthla, gǝ ada damitsǝni kǝrngɛ ba hankala gǝ ada hyati ka sǝ hang,

Luka 10:41 Iomraidhean Croise

Markusu 4:19

Ama kadǝbar damitsǝnidzi ka sǝr dunya, ba yiɗǝ bara bǝrbakur kaka sanga su damwa, kǝ tsaɓtsǝnidzi ka kǝlnta labar ni, antǝ dar ta ya munya wɛ.

Luka 10:38

Sakatǝ Yɛsu ba ndzǝr nuwurni ata kǝra mwari akwa whalɛ, dzǝ ka si akwa mǝlmǝ nkyiɗu laka vui nam tǝ mwala laka tǝ thlǝmari Marthla ka dlutsi tǝni aharni.

Luka 10:40

Ama kǝra Marthla kǝlntadzi ka 'ya kǝthlǝr ɗǝmhǝ sǝr dlu mǝthlǝɓi. Dzǝ ka si adzǝ Yɛsu dzǝ ka yu tǝni, “Thlaku, gǝ adi ada ɗǝnga tǝ nkwar mana ngyar tǝra tǝ Yi ani ada 'ya kǝthlǝr yarni Yi duku ni wɛ? Nkǝrɛ alari ka dzǝ siya mbana tǝra!”

Luka 12:22

Antǝ Yɛsu ka nkǝr ala ndzǝr nuwurni: “kadǝbar ǝni Yi ada nkǝrɛ ala gǝri, ta gǝr ta damitsǝnidzi ata kǝra mpika gǝri ata kǝra sǝ nam tǝ gǝri awa sǝmɛ, wala ata kǝra dzá gǝri, sǝ nam tǝ gǝri awa ɓui ka hati.

Luka 21:34

“Ka gǝri 'ya hankal, ta ɗǝfa gǝri ta tǝra ka sǝm su ba sǝsa su ba damitsǝnidzi ka sǝr dunya ni, har kura aka zǝndi ka vǝr ǝnda ngǝti tǝ gǝri apa kyal.

Luka 8:14

Kulfǝ nam tara puyidzi akwa ntsǝkǝɗa yarɛ ni, dar ani ndzǝ nam tara ngati ndǝrǝr Hyal ni, ama sakatǝ dar akwa kǝlí, tǝkǝma damitsǝnidzǝr sǝr dunya yarɛ, ba bara bǝrbakur aka nga sǝɗar ndzai, mbwa kǝr tsai ala dar, antǝ dar ta kǝli wɛ.

Yawhana 11:1

Ndǝ laka adai tara 'ya kura kalang, tǝ thlǝmari Laizǝru, ndǝr Baitanya, mǝlmǝr Maryamu yarɛ aka nkwar angǝri Marthla.

Yawhana 11:5

Yɛsu yiɗǝ Marthla aka nkwar angǝri ba Laizǝru.

Yawhana 12:2

Akwani tǝ ndǝ 'ya alari sǝr sǝmǝr vǝri, Marthla ani tara 'ya wudzǝrari, Laizǝru tsuwɛ dzǝ akwa ntsa ndzǝ nam ata sǝm vwam kaka dza.

Ndzǝr Filibi 4:6

Ta gǝri ta damitsǝnidzi ata kǝra kǝlara su, ama akwa sanga su, atar aduwa ba kǝgyɛ aka Hyal, aka gwaditsǝni, siyamɛ aka kǝgyir gǝri ala Hyal.