Luka 10:2 - Kibaku NT

² Dzǝ ka nkǝrɛ ala dar, “Dlǝ kari fwaku ni hang ama ndzǝr kǝthlǝrari nkyiɗu. Ka gǝri kǝgyǝ Thlakǝr dlǝ kari fwaku ni, kadǝbar ka dzǝ hyanti ndzǝr kǝthlǝr akwa fwakǝrni ni.

Luka 10:2 Iomraidhean Croise

Mata 20:1

“Kuhyikur nam atahyal ani apa thlakǝr fwaku nam tara lǝba kula-kula mbǝk ka bara ndzi ka dar kǝthlǝr akwa fwakǝrni.

Markusu 13:34

Ata ndzai apa sal tara tǝra alǝba: dzǝ ka ngyar kǝiyirni ba dzǝ ka hau akwa tsiya madar kǝiyirni yarɛ ka dar wulɛ kǝi ni, ba dzǝ la kǝlara ndɛ kǝthlǝr tǝ dzǝ ata 'ya ba la mbari ala ndǝr wul nyavǝr ka dzǝ ɓǝla.

Markusu 16:15

Dzǝ ka ɓakta nkǝrɛ ala dar apǝri, “Mwaramɛ akwa kuta dunya sang ka gǝri nkǝr ndǝrǝr Hyal nam sǝɗa ala kǝlara ndzǝ nam tǝ Hyal hǝnti.

Markusu 16:20

Antǝ ndzǝr nuwɛ ka tǝra tǝ dar ada nkǝr ndǝrǝr Hyal nam sǝɗa akwa kǝlara vui. Thlaku ada kǝthlǝr atar dar ka tsanti sǝ nam tǝ dar nkǝrɛ aka par sǝr ndati hang.]

Luka 9:1

Sakatǝ Yɛsu kǝga ndzǝr nuwurni kumɛ kapu sǝɗɛ ni atakǝmaduku, dzǝ ka la dar dǝna ba wada ka dar kǝdlǝba sanga mambǝl yarɛ nam kulɗa ba ka dar mbǝti ndzǝr kasuwa yarɛ.

'Ya Su 11:19

Ani ahani, ndzǝ nam aka mbǝrsa nam tara kikilntadzi akwa sakar bwanai aghǝla ntǝr Istafanus, nam tara tǝra pǝɗǝm apa Faunisiya, Kuburus ba Antakiya nǝr Suriya, dar nkǝr ndǝrǝr Hyal, ama ala ndzǝr Yahudi ɗiɗi.

'Ya Su 13:2

Vǝr laka apa tǝ ndzǝ yarni akwa fǝr vǝkǝr sǝlai ala Thlaku ba asam, Mambǝl Kartǝ nkǝrɛ, “Tsarba mɛ alai Barnabas aka Sawulu, ka kǝthlǝr nam tǝ Yi tara ka tǝ dar kari,”

'Ya Su 13:4

Ani Mambǝl Kartǝ hyanti Barnabas aka Sawulu alǝba. Dar ka mwari akwa vui fǝl sarǝr yimi nǝr Salukiya, antǝ dar ka lǝkwa Kuburus di nam tǝ yimi tara dlǝti.

'Ya Su 20:28

Wulamɛ kǝr gǝri ba sanga bǝri nam tǝ Mambǝl Kartǝ tara mǝrti tǝ gǝri ndzǝr wulari. Ka gǝri ndzai ndzǝr ɓǝla ikǝlizǝyar Hyal, nam tǝ dzǝ ɗǝlba aka masǝr kǝrni.

'Ya Su 22:21

“Antǝ Thlaku ka nkǝrɛ alai, ‘Mwari; Yi ata hya tǝngɛ pǝɗǝm atǝra ala ndzǝ kura Yahudi.’ ”

'Ya Su 8:4

Ndzǝ nam aka mbǝrsa nam tara kikilntadzi mwari akwa kǝlara vui ka nkǝr ndǝrǝr Hyal nam sǝɗa.

1 Ndzǝr Kwaranti 12:28

Ba akwa ikǝlizǝyar Hyal dzǝ vi tangkǝma ndzǝr hya yarɛ, sǝɗǝkur nabi yarɛ, makǝrkur malǝm yarɛ, antǝ ndzǝr kǝthlǝr sǝr ndati yarɛ, tsuwɛ ndzǝ nam aka sǝgar mbǝti ndǝ yarɛ, ndzǝ nam ada mǝzi ka mbana ndzǝ damwa yarɛ, ndzǝ nam aka sǝga yarɛ nǝr kǝthlǝr pwar ndzi, ba ndzǝ nam ada ndǝrɛ akwa nya yarɛ pam-pam.

1 Ndzǝr Kwaranti 15:10

Ama atar ɗakur Hyal Yi kǝ ndzai sǝ nam tǝ Yi ndzai, ba ɗakurni tǝbwarna ta ndzai ɓǝrtu wɛ. Pam ta ǝni Yi 'ya kǝthlǝr nam dzau ta kǝlara ndɛ akwa ntsa dar—wala ahani adi Yi dza 'ya wɛ, ama ɗakur Hyal ni nam akai.

2 Ndzǝr Kwaranti 6:1

Apa tǝ muri ndzǝr kǝthlǝr vwam kaka Hyal yar ada kǝgyǝ tǝ gǝri ta muri ta dlu ɗakur Hyal ɓǝrtu.

Ndzǝr Filibi 2:21

Akuya sanga mambiya ndzi ada damitsǝnidzi ka sǝ nam tara tsǝkwar bwar dar ɗiɗi, dar adi ada damitsǝnidzi ka sǝ nam tǝbwar Yɛsu Kǝrsti wɛ.

Ndzǝr Filibi 2:25

Ama Yi ada ɗǝnga apǝri kǝ ndzai ntsakǝr ka Yi hyanti ala gǝri Ipafǝraditus, zǝr mana, ndǝr kǝthlǝrna ba saudza kǝmana nam tǝ dzǝ mǝhyar gǝri yɛ, ndǝ nam tǝ gǝri hyanti ka dzǝ siya wulhǝ sǝ nam tǝ Yi ada bara.

Ndzǝr Filibi 2:30

kadǝbar dzǝ baga nti akuya ka kǝthlǝrǝr Kǝrsti, dzǝ ɗalnta mpikari ka mbana tǝra akwa sǝ nam kura gǝri ta 'yati alai.

Ndzǝr Kwalausi 1:29

Ani sǝ nam tara 'ya tǝ Yi ada 'ya kǝthlǝr ba bǝbǝkǝi aka dǝna nam tǝ Kǝrsti tara lai nam ada kǝthlǝr akwa dzawai.

Ndzǝr Kwalausi 4:12

Abafarasu, dzǝ nam pathlu akwa ntsa ndzǝr gǝri ba dzǝ zǝr kǝiyir Kǝrsti Yɛsu, dzǝ ada thlawar tǝ gǝri. Dzǝ ada ha dǝna akwa aduwa akuya ka gǝri kǝlara saka, apǝri ka gǝri hyati ɓaɓal akwa sanga sǝ nam tǝ Hyal ada bara, tǝ gǝri kuraba kǝlí ba kura aka hyivǝr.

1 Ndzǝr Tasalaunika 2:9

Dzǝri gǝr ɗǝngati, madar mama, kǝthlǝr yar aka dzaukur; yar kǝthlǝr vǝri aka tsǝtsi ata vuiya ta yar ta ndzai kǝlɛ ala kǝlara ndɛ ma yar ada nkǝr ndǝrǝr Hyal nam sǝɗa nǝr Hyal ala gǝri.

1 Ndzǝr Tasalaunika 5:12

Kulini, madar mama kaka nkwaiyir mama yar kǝgyǝ tǝ gǝri, ka gǝri la sǝlai ala ndzǝ nam ada kǝthlǝr dzau nam akwa ntsa gǝri, ndzǝ nam ada pwar tǝ gǝri akwa Thlaku, ndzǝ nam ada ɗǝmnya ala gǝri.

2 Ndzǝr Tasalaunika 3:1

Ata dǝnta, madar mama kaka nkwaiyir mama yarɛ ka gǝri 'ya ala yar aduwa ka labar Thlaku ɓui kikilntadzi bǝtǝbǝtu ba ka dzǝ ɓui nggakur, apa tara ɓuidzi akwa gǝri.

1 Timathlawus 4:10

(ba akuya ka ani tǝ yar ada 'ya kǝthlǝr ba bǝbǝkǝi), apǝri yar kurtaka hau tǝmatsǝniyir yar akwa Hyal nam aka mpikɛ, Ndǝr Mbati sanga ndzi, apamá ndzǝ nam aka mbǝrsa.

2 Timathlawus 4:5

Ama gɛ, ka gǝ ɓǝlati kǝrngɛ akwa sanga su, ɓati bwanai, 'ya kǝthlǝrǝr ndǝr nkǝr ndǝrǝr Hyal, ka gǝ 'ya sanga sǝ yarɛ nam akwa kǝthlǝr ngɛ ni.

Filimaun 1:1

Kakadu ǝni hyati aka Bulusu, ndǝr fǝrsǝna akuya ka Kǝrsti Yɛsu, ba zǝr mama muri Timathlawus. Yi ada rǝbwa ala Filimwaun pazǝr yar nam tǝ yar yiɗɛ ba ndǝr kǝthlǝr kǝma yar,

Ndzǝr Ibrahim 3:6

Ama Kǝrsti dzǝ zǝr nam aka hamnta dzǝri ata kǝra kǝiyir Hyal. Ba mur dza ndzǝr kǝiyirni ma mur ngǝzi dǝnautsǝnidzi ba tǝmatsǝniyir muri nam tǝ muri ada agula akǝri.

Wulsu 2:1

“Rǝbwai ala ndǝr hyantǝr Hyal nǝr ikǝlizǝya nam akwa Afisa: Əni yarni ani ndǝrǝr ndǝ nam tara ngǝzi tsambiya yarɛ murfwɛ akwa tsisǝmari ba ada mwari akwa ɓwanga thlǝmthlǝmǝr dinar murfwɛ nǝr hai pitǝla yarɛ: