1 Bitrusu 1:3 - Kibaku NT

³ Hǝmɛ ka dzǝ ndzai ala Hyal, dzǝ nam Tada ala Thlakǝr muri Yɛsu Kǝrsti! Kadǝbar kǝtǝrdzǝrni nam hang, muri yabadzi kadamwa, ndǝ ka la muri tǝmá nam aka mpikɛ, atar tǝ Hyal hyanti Yɛsu Kǝrsti akwa ntǝnti.

1 Bitrusu 1:3 Iomraidhean Croise

Yawhana 1:13

Dar ta ndzai madar Hyal atar kum aka masi wɛ, wala atar ɗǝngar ndɛ ba ngukur dzɛ wɛ, ama Hyal tǝ kǝrni ani tara mǝrti tǝ dar madarni.

Ndzǝr Rauma 12:12

Kutsariyamɛ akwa tǝmatsǝni, 'yamɛ kǝmar akwa bwanai, lǝkǝmamɛ aka 'ya aduwa tatang.

Ndzǝr Rauma 15:13

Ka Hyal nǝr tǝmatsǝni ni ghǝiyati tǝ gǝri aka sanga kutsari ba ndzai lapiya apa tǝ gǝr hau mbǝrsa akwa dza, ani ka gǝr ghǝi aka tǝmatsǝni nam hang atar dǝnar Mambǝl Kartǝ ni.

Ndzǝr Rauma 4:25

Hyal hamnta tǝni ka nti akuya bikǝr muri ba Hyal hyanti tǝni aka mpikɛ ka dzǝ mǝrti tǝ muri kal-kal akǝma Hyal.

Ndzǝr Rauma 5:10

Akuya ma, sakatǝ muri dawar Hyal, mur ɓui salautsǝnidzi atar ntǝr Zǝrǝrni ni, mǝmi hangkur, aghǝla tǝ muri ɓui salautsǝnidzi, tǝ muri ata ɓui mbatǝdzi atar mpikari!

Ndzǝr Rauma 8:11

Ba ma Mambǝlǝr ndǝ nam tara hyanti Yɛsu akwa ntǝnti ni ada ndzai akwa gǝri, dzǝ nam tara hyanti Kǝrsti akwa ntǝnti ni dzǝ ata la mpikɛ ala dza gǝr yarɛ nam ata nti ni atar Mambǝlǝrni, nam ada ndzai akwa gǝri ni.

Ndzǝr Rauma 8:24

Akuya akwa tǝmatsǝni ǝni Hyal mbatǝ tǝ muri. Ama tǝmatsǝni nam tǝ ndɛ ada wula adi tǝmatsǝni wɛ wala nkyiɗǝ laka. Wa ani ada 'ya tǝmatsǝni akuya ka sǝ nam tǝ dzǝ kurtaka ɓui?

1 Ndzǝr Kwaranti 13:13

Ba kulini sǝ yarni makǝr ni ata ndzai kura kurkuri: hamnta dzǝri, tǝmatsǝni, ba yiɗǝdzi. Ama nam ngga ta sang akwa ntsa dar ani yiɗǝdzi.

1 Ndzǝr Kwaranti 15:20

Ama dzǝri ndǝ hyanti Kǝrsti akwa ntǝnti, dzǝ dza tangkǝma nǝr tsaɓtsǝni kariyir fwaku nam ngga nǝr sanga dzǝ nam tara nti.

2 Ndzǝr Kwaranti 1:3

Hǝmɛ ka dzǝ ndzai ala Hyal ba Atǝgǝra Thlakǝr muri Yɛsu Kǝrsti, Tada nam ada kalhur ka ndɛ ba Hyal nam ada la ndɛ sanga sǝkǝtǝ ɗǝfu.

Ndzǝr Galatiya 6:16

Ani ala sanga ndzǝ nam ada nu sǝr hyipǝ ni pipikur ɗǝfu aka kǝtǝrdzi ka dzǝ ndzai ala dar, wala ala ndzǝ bǝlin nǝr Hyal.

Ndzǝr Afisa 1:17

Yi ada lǝkǝma aka kǝgyɛ apǝri Hyal, dzǝ nam ngga Atǝgǝra Thlakǝr muri Yɛsu Kǝrsti, dzǝ ata hau Mambǝlǝrni ka mǝrti tǝ gǝri bǝrkawa ba Mambǝlǝrni nda ata tsanti Hyal ala gǝri ani ka gǝri zǝndi tǝni ɗaku.

Ndzǝr Afisa 1:3

Ka hǝmɛ ndzai ala Hyal ni ba Atǝgǝra Thlakǝr muri Yɛsu Kǝrsti, dzǝ nam tara la muri barka akwa vui yarɛ nam atahyal aka kǝlara barka yarɛ nǝr mambǝlɛ kadǝbar paktsǝnidzǝr muri aka Kǝrsti.

Ndzǝr Afisa 1:7

Akuya atar masǝr Kǝrsti ni mur ɓui pǝlidzi, ani, bikǝr mur yarɛ kyifǝntadzi. Mǝmi hangkur ɗakur Hyal ni,

Ndzǝr Afisa 2:4

Ama kadǝbar yiɗǝdzǝrni nam ngga ala muri, Hyal, nam aka kǝtǝrdzi hang,

Ndzǝr Afisa 3:20

Kulini ala dzǝ nam ada mǝzi ka 'yati ɓwalta sanga sǝ nam tǝ muri kǝgyɛ wala tǝ muri ada ɗǝnga, atar dǝnarni nam ata kǝra kǝthlǝr akwa muri,

Ndzǝr Kwalausi 1:23

Ama ka gǝri ntsidzi ba ka gǝri ndzai ɓaɓal akwa hamnta dzǝrǝr gǝri ta gǝri ta sǝkur tǝmatsǝni nam tǝ gǝr dlutsi saka nam tǝ gǝri tara ngati ndǝrǝr Hyal nam sǝɗa ni. Ndǝ 'ya ndǝr ni akwa sanga dunya, ba Yi Bulusu tǝ kǝrna Yi ndzai ndǝr kǝthlǝr ndǝrɛ ǝni.

Ndzǝr Kwalausi 1:27

Hyal 'yati sǝ ǝni kadǝbar dzǝ ada bara gǝri nam kura ndzǝr Yahudi ka gǝr zǝndi sǝr kudǝra ba nggakurǝr dzǝri ɗǝwaɗǝwarni ni. Ba dzǝri ɗǝwa-ɗǝwa ni ani apǝri Kǝrsti ada ndzai akwa gǝri, ba dzǝ ani tǝmatsǝniyir gǝri nǝr ɓui nggakur Hyal.

1 Ndzǝr Tasalaunika 1:3

Tatang yar ada ɗǝngati tǝ gǝri akǝma Hyalǝr muri, Tada muri: kǝthlǝr gǝri nam tǝ gǝri 'ya kadǝbar hamnta dzǝri gǝri, ba sǝ nam tǝ gǝri 'ya akuya yiɗǝdzi gǝri, ba ɓatǝsur hau akwa ɗǝfu nam tǝ gǝri kǝri kadǝbar Thlakǝr muri Yɛsu Kǝrsti.

1 Ndzǝr Tasalaunika 4:13

Madar mama kaka nkwaiyir mama, yar adi ada bara ka gǝri ndzai bǝlku ata kǝra ndzǝ nam tara nti wɛ, wala ka sǝngǝlɛ apa tǝ laka ndzi ada 'ya, apa ndzǝ nam kura aka hau akwa ɗǝfu.

2 Ndzǝr Tasalaunika 2:16

Ka Thlakǝr muri Yɛsu Kǝrsti tǝ kǝrni ba Hyal Tada muri, dzǝ nam tara yiɗɛ tǝ muri ba atar ɗakurni dzǝ la muri dǝnautsǝnidzi nam kura kurkuri ba tǝmatsǝni nam ɗaku,

1 Timathlawus 1:14

Ɗakur Thlakǝr muri pukǝrdzi alai hangkurari, atakǝmaduku kaka hamnta dzǝri ba yiɗǝdzi nam akwa Kǝrsti Yɛsu.

Taitus 2:13

Akwa sakatǝ muri ada sǝkǝ tǝmatsǝni nam aka barka ni—siyir Hyalǝr muri nam ngga ba Ndǝr Mbati, Yɛsu Kǝrsti,

Ndzǝr Ibrahim 3:6

Ama Kǝrsti dzǝ zǝr nam aka hamnta dzǝri ata kǝra kǝiyir Hyal. Ba mur dza ndzǝr kǝiyirni ma mur ngǝzi dǝnautsǝnidzi ba tǝmatsǝniyir muri nam tǝ muri ada agula akǝri.

Yakubu 1:18

Dzǝ yiɗɛ ka la muri yabadzi bǝlin atar labarǝr dzǝrkur ni, ani ka muri ndzai apa munya nǝr tangkǝma nǝr sanga sǝ nam tǝ dzǝ mǝrti.

1 Bitrusu 1:13

Kadǝbar ǝni, ka gǝr dzǝkuti ɗǝnga gǝri ka 'ya su; ka gǝri ɓǝlati kǝr gǝri; vǝtamɛ tǝmár gǝri sang-sang ata ɗakur Hyal nam tǝ ndǝ ata la gǝri, sakatǝ Yɛsu Kǝrsti tsantǝdzi.

1 Bitrusu 1:21

Atarni antǝ gǝri tara mbǝrsa aka Hyal, nam tara hyanti tǝni akwa ntǝnti ba dzǝ ka lari nggakur ani ka mbǝrsa gǝri ba tǝmár gǝri ka dzǝ ndzai ata Hyal.

1 Bitrusu 1:23

Akuya gǝri yabadzi kadamwa, atar ndǝrǝr Hyal nam ada la ndǝ mpikɛ kura ada kuri. Labar ǝni apa munya nam kura awa 'yantadzi.

1 Bitrusu 2:2

Apa mbǝghyiwa hata ya, ka gǝri mau u'uwa nǝr mambǝl nam ndǝlang, ani ka gǝri kǝlí ɓaɓal akwa mbatǝdzi gǝri,

1 Bitrusu 3:15

Ama ka gǝr la nggakur ala Kǝrsti akwa ɗǝfa gǝri kadǝbar dzǝ ani Thlakǝr gǝri. Kǝlara saka ndziyamɛ aka ɗǝmhǝdzi ka gǝr sǝnau ala kǝlara ndǝ nam tara yu tǝ gǝri, ka gǝri nkǝrba ala dar ata kǝra tǝmá nam tǝ gǝri akǝri. Ama ka gǝri 'ya aka kanadikur ba vǝkǝr sǝlai

1 Bitrusu 3:21

ba yimi ǝni dludzǝr bamtizǝma nam kulini tara mbatǝ tǝ gǝri yɛ—bamtizǝma ni adi apǝri kǝtsǝnta diɗǝr dzɛ wɛ, ama alkawal nǝr ɗǝngar ɗǝfu nam ɗaku tǝbwar Hyal. Dzǝ mbatǝ tǝ gǝri atar hyatǝr Yɛsu Kǝrsti akwa ntǝnti ni,

1 Bitrusu 3:5

Akuya ǝni ani whal nam tǝ mwahyi nam tara ndzai kartǝ akwa zaman watsi, nam tara vǝti tǝmá ata Hyal, ada 'ya dakwikur dar akwa: dar ada kǝlǝngkǝr ala salǝr dar,

1 Yawhana 2:29

Ma gǝri zǝndi apǝri dzǝ ndǝ nam kal-kal, gǝri zǝndi apǝri kǝlara ndǝ nam ada lǝkǝma aka 'ya sǝ nam kal-kal dzǝ zǝrǝr Hyal.

1 Yawhana 3:3

Kǝlara ndǝ nam aka tǝmatsǝni ǝni akwa dza ka dzǝ kǝtsǝnta kǝrni, tsu apa tǝ dzǝ kǝtsǝkǝtsi.

1 Yawhana 3:9

Ndɛ adi nam tara ɓui yabadzi nǝr Hyal ada lǝkǝma aka 'ya biku wɛ, kadǝbar munyar Hyal ada ndzai akwa dza; dzǝ adi awa lǝkǝma aka 'ya biku wɛ, kadǝbar dzǝ ɓui yabadzi nǝr Hyal.

1 Yawhana 4:7

Pazi yarɛ nam tǝ Yi yiɗɛ, ka muri yiɗǝ kǝma muri, akuya yiɗǝdzi nǝr Hyal. Kǝlara ndǝ nam ada yiɗǝ ndɛ dzǝ zǝr Hyal, ba dzǝ zǝndi Hyal.

1 Yawhana 5:1

Kǝlara ndǝ nam tara mbǝrsa apǝri Yɛsu ani Kǝrsti, dzǝ ɓui yabadzi nǝr Hyal, ba kǝlara ndǝ nam tara yiɗǝ tada ni dzǝ yiɗǝ zǝr ni yɛ.

1 Yawhana 5:18

Muri zǝndi apǝri kǝlara ndǝ nam tara ɓui yabadzi nǝr Hyal dzǝ adi ada lǝkǝma aka 'ya biku wɛ; Zǝrǝr Hyal ni ada ɓǝla tǝni, ba ndǝ kulɗa ni adi awa mǝzi tsǝkwar tǝni wɛ.

1 Yawhana 5:4

akuya kǝlara ndǝ nam tara ɓui yabadzi nǝr Hyal dzǝ kǝ kwatsǝni dǝnar dunya ni. Ba muri ada ɓui sǝmkǝr ǝni atar hamnta dzǝrǝr muri.