1 Bitrusu 1:2 - Kibaku NT

² Hyal Tada zǝndi tǝ gǝri dzǝ ka tsarba tǝ gǝri tsu din, ba Mambǝlǝrni ka mǝrti tǝ gǝri kulini gǝri kǝ ndzai nǝr Hyal. Akuya ka gǝri hamnta kǝr ala Yɛsu Kǝrsti, gǝri ka kǝtsǝntadzi aka masǝrni. Ka Hyal la gǝri ɗakur Hyal ba ndzai lapiyakur hangkurari!

1 Bitrusu 1:2 Iomraidhean Croise

Mata 24:22

Ma Hyal ta dǝltsi vǝr yarɛ nda ka 'ya nkusu wɛ, ndǝr ɓui mbatǝdzi adi wɛ, ama akuya ata nyar ndzǝ nam tǝ Hyal tsarba ndǝ mǝrti vǝr yarɛ nda ka 'ya nkusu laka.

Mata 24:24

Akuya ndzǝr hawiyir Kǝrsti yarɛ ba nabiyir hawi yarɛ ata sǝba ka 'ya sǝr ndati yarɛ ba parsu yarɛ nam ngga-ngga ka zǝlanta wala ndzǝ nam tǝ Hyal tsarba—ma apǝri ǝndari awa 'ya.

Mata 24:31

Ba dzǝ ata hyanti ndzǝr hyantǝrni aka kuɗahu nam ngga nǝr aligǝta ada kǝga, ba dar ata tsaɓtsǝni ndzǝ nam tsartsarǝrni akwa kuɗǝma yarɛ fwaɗu, baditsǝni ata kǝla dǝntar dunya ka la ǝnda.

Markusu 13:20

Ma adi Thlaku tara kǝnta vǝr yarnda wɛ, ndɛ adai nam ata ɓui mbatǝdzi wɛ. Ama kadǝbar ndzǝ tsartsari ni dzǝ kǝnta vǝr yarnda.

Markusu 13:22

Akuya ndzǝr hawiyir Kǝrsti yarɛ ba nabiyir hawi yarɛ ata sǝba ka tsan parsu yarɛ ba 'ya sǝr ndati yarɛ nam ata zǝlanta ndzǝ nam tǝ Hyal tsarba—ma apǝri ǝndari awa 'ya.

Markusu 13:27

Antǝ dzǝ ata hyanti ndzǝr hyantǝrni yarɛ ka dar tsaɓtsǝni ndzǝ nam tsartsarǝrni akwa kuɗǝma fwaɗu, aka dǝntar dunya ba aka dǝntar ati.

Luka 18:7

Ma apani, Hyal adi ata 'ya sǝ nam kal-kal ala ndzǝrni nam tǝ dzǝ dza tsarba, nam ada tuwa alari vǝri aka tsǝtsi wɛ? Dzǝ awa santa saka akwa mbana tǝ dar ya?

'Ya Su 15:18

nam tǝ ndǝ zǝndi tǝng watsi.

'Ya Su 2:23

Ndǝ ni tǝ ndǝ hamnta ala gǝri aka zǝndi ba yiɗǝr Hyal; ba gǝri, aka mbanar ndzǝ kulɗa-kulɗa tǝ dar ka tsi tǝni ka kukwanta tǝni ata undzum kadlǝkadlɛ.

'Ya Su 20:32

“Kulini Yi hau tǝ gǝri akwa tsiya Hyal ba sanga labarǝr ɗakurni, nam ata kǝlati tǝ gǝri alǝti ba la gǝri warta akwa ntsa sanga ndzǝ nam tara ndzai nǝr Hyal.

Ndzǝr Rauma 1:5

Atarni ba akuya ata nyar thlǝmari, muri dlutsi ɗakur ba ndzǝr hyakur ka kǝga ndzi akwa ntsa sanga ndzǝ kura Yahudi ka dar ngandǝrɛ nam tara si atar hamnta dzǝri.

Ndzǝr Rauma 1:7

Yi ada rǝbwa ala sanga ndzi akwa Rauma nam tǝ Hyal yiɗɛ ba kǝga ka dar ndzai ndzǝr Hyal. Ka Hyal Tada ni ba Kǝrsti Yɛsu Thlakǝr muri la gǝri ɗakur Hyal ba ndzai lapiyakur.

Ndzǝr Rauma 11:2

Hyal ta ngǝla ndzǝrni, nam tǝ dzǝ tsarba kǝmata tǝ dar awa 'ya adai wɛ. Gǝr ta zǝndi apǝri Labar Hyal nkǝrɛ ata kǝra Iliya—whal nam tǝ dzǝ kákǝr Hyal ala ndzǝr Izǝraila:

Ndzǝr Rauma 11:28

Tǝbwar ndǝrǝr Hyal nam sǝɗa ndzǝr Yahudi kǝ ndzai dǝgun aka Hyal ata nyar gǝri; ama tǝbwar tsarɛ nam tǝ Hyal 'ya, Hyal yiɗǝ tǝ dar ata nyar kakár-kakár muri yarɛ,

Ndzǝr Rauma 15:16

ka Yi ndzai ndǝr kǝthlǝr nǝr Kǝrsti Yɛsu ala ndzǝ kura Yahudi aka kǝthlǝr fǝrist nǝr nkǝr ndǝrǝr Hyal nam sǝɗa, ani ka ndzǝ kura Yahudi yarɛ ka dar ndzai sǝr hamnta nam tǝ Hyal ada dluwɛ, tǝ Mambǝl Kartǝ vi pam ala Hyal ɗiɗi.

Ndzǝr Rauma 16:19

Kǝlara ndɛ kurtaka ngati ata kǝra ngandǝrǝr gǝri, ani kutsariyirna ghǝi-ghǝi tǝbwar gǝri; ama Yi ada bara ka gǝri ndzai bǝrkawa ata kǝra sǝ nam ɗaku, ba ka gǝri ndzai ndzǝ kura ta zǝndi su ata kǝra su kulɗa.

Ndzǝr Rauma 16:26

ba ndǝ ka zǝndi tǝni kulini atar rǝbwar nabi yarɛ atar tsawur Hyal nam kura kurkuri ni, ani ka sanga mǝlmǝ yarɛ mbǝrsa ba ngandǝrǝrni—

Ndzǝr Rauma 8:13

Akuya ma gǝri ndzai apa tǝ dzǝr biku ni ada bara, gǝri ata nti; ama ma gǝri ndzai atar Mambǝlɛ gǝri tsai sǝr 'ya kulɗa-kulɗa nǝr dzǝ ni, gǝri adi ata nti wɛ,

Ndzǝr Rauma 8:33

Wa ani awa si aka kǝlara bǝrkwɛ ata kǝra ndzǝ nam tǝ Hyal tara tsarba? Hyal dza ani ada mǝrti ndǝ kal-kal.

1 Ndzǝr Kwaranti 1:30

Ani kadǝbar ka Hyal ani tǝ gǝri paktsǝnidzi kaka Kǝrsti Yɛsu. Dzǝ kǝ ndzai ala muri bǝrkawakur adzǝ Hyal—nam ani, kadǝbar ka Kǝrsti muri ndzai kal-kal akǝma Hyal, muri dza ndzǝrni, ba muri ɓui pǝlidzi ta biku.

1 Ndzǝr Kwaranti 6:11

Ba nakuma gǝri watsi gǝri apani. Ama ndǝ kǝtsǝnta tǝ gǝri, dzǝ vi tǝ gǝri pam ala kǝrni, ba ndǝ mǝrti tǝ gǝri kal-kal akwa thlǝma Thlaku ni Yɛsu Kǝrsti ba aka Mambǝlǝr Hyalǝr muri.

2 Ndzǝr Kwaranti 10:5

Yar ada whuzanta kampiku yarɛ ba kǝlara ɗǝngar agular ndɛ nam tǝ ndɛ vi ati ata kǝra zǝndi su nǝr Hyal, ba yar ada ngǝti kǝlara ɗǝnga ka dzǝ ndzi fali ba mǝrti tǝni ka dzǝ ngandǝrǝr Kǝrsti.

2 Ndzǝr Kwaranti 13:14

Ka ɗakur nǝr Thlaku Yɛsu Kǝrsti, ba yiɗǝdzǝr Hyal, ba mwardzi nǝr Mambǝl Kartǝ ndzai ata kǝra gǝr sang.

Ndzǝr Kwalausi 3:12

Kadǝbar ka ǝni, Hyal kǝ tsarba tǝ gǝri ka ndzai ndzǝrni nam tǝ dzǝ yiɗɛ, hadzamɛ ala kǝr gǝri kalhur, hankalkur, tǝrghǝlkǝr, kanadikur, ba kǝmar.

2 Ndzǝr Tasalaunika 2:13

Ama kǝ ndzai ntsakǝr tatang ka yar gwaditsǝni ala Hyal akuya ka gǝri, madar mama kaka nkwaiyir mama yarɛ nam tǝ Thlaku yiɗɛ, kadǝbar akwa baditsǝni Hyal tsarba tǝ gǝri ka ɓui mbatǝdzi atar dǝnar Mambǝl ni ka mǝrti tǝ gǝri ndzǝrni atar mbǝrsar gǝri akwa dzǝrkur.

2 Timathlawus 2:10

Akuya ǝni Yi ɓati sanga su akuya ka ndzǝ nam tǝ Hyal tsarba, apǝri dar yɛ ka dar ɓui mbatǝdzi, nam akwa Kǝrsti Yɛsu, aka nggakur nam kura kurkuri.

Taitus 1:1

Kakadu ǝni hyati aka Bulusu, zǝr kǝiyir Hyal ba ndǝr hya nǝr Yɛsu Kǝrsti, akuya hamnta dzǝrǝr ndzǝ nam tǝ Hyal tara tsarba ba zǝndi su nǝr dzǝrkur nam ada mwari aka ndɛ akwa ndzai apa tǝ Hyal ada bara—

Ndzǝr Ibrahim 10:22

ngyar ka mur si kudzǝghɛ adzǝ Hyal aka ɗǝfu duku akwa mbǝrsa nam kura hyivǝr, aka ɗǝfa muri tǝ ndǝ ɓutsǝba ka kǝtsǝnta tǝ muri ta ndzai aka ɗǝngar ɗǝfu nam aka aibai ba dzá mur kǝtsǝntadzi aka yimi nam lau-lau.

Ndzǝr Ibrahim 11:28

Atar hamnta dzǝri dzǝ ɓǝlati Wudzǝr Ngǝmba ni ba ɓutsǝti masǝr mawi ata nyatǝfu, ani ka ta ndǝr tsǝtsa yarkǝma ni kura awa tsǝkwa yarkǝmar Izǝraila.

Ndzǝr Ibrahim 12:24

gǝri si adzǝ Yɛsu dzǝ nam akwa dabwa muri kaka Hyal akwa sakar sǝ mbwa-mbwa bǝlin ni, ba adzǝ vui nam tǝ ndǝ ɓutsǝnta masi nam ada nkǝrɛ labar ɗaku ɓwalnta masǝr Habila.

Ndzǝr Ibrahim 5:9

ba, aghǝla tǝ dzǝ tara ghǝiyabadzi, dzǝ kǝ ndzai vui tǝ ndǝ ada ɓui mbatǝdzi nam kura ada kuri ala sanga ndzǝ nam tara ngandǝrǝrni

1 Bitrusu 1:14

Ka gǝri ndzai apa madar Hyal nam ada hamnta kǝr, ta gǝri ta nu barar gǝri nam kulɗa nam watsi akwa sakatǝ gǝri bǝlku.

1 Bitrusu 1:19

ama aka masǝr Kǝrsti nam dzau wur-wur, dzǝ nam apa zǝr agam nam kura aka mangivǝr.

1 Bitrusu 1:20

Hyal kurtaka tsarba tǝni kǝmata hǝnti dunya, ama akuya ka gǝri tǝ ndǝ tsanǝba tǝni akwa dǝntar vǝr yarni.

1 Bitrusu 1:22

Kulini nam tǝ gǝri kǝtsǝnta kǝr gǝri atar ngandǝrǝr dzǝrkur, ani ka gǝr 'ya aka yiɗǝdzi ala madar mama gǝri, ka gǝri yiɗǝ kǝma gǝri aka ɗǝfu duku.

1 Bitrusu 2:9

Ama gǝri ndzǝ nam tsartsari, gǝri fǝrist nǝr kǝthlǝr ala Kuhyi, ndzǝr diyir Hyal, gǝri ndzǝ nam tǝ Hyal vi pam ka kǝrni, ani ka gǝr ghaba ala ndzǝ damwa ɗakur Hyal, akuya dzǝ kǝga tǝ gǝri akwa kuthlɛ ka sǝba aka gǝri akwa parakǝrni nǝr sǝr kudǝra.

2 Bitrusu 1:2

Ka Hyal la gǝri ɗakur Hyal ba ndzai lapiya hangkurari atar zǝndi Hyal ba Yɛsu Thlakǝr muri.

2 Yawhana 1:1

Kakadu ǝni hyati aka Yawhana ndǝ nam ngga ni. Yi ada rǝbwa ala mwala nam tsartsari ni ba madarni, nam tǝ Yi yiɗɛ akwa dzǝrkur ni—ba adi Yi ɗiɗi wɛ, ama sanga ndzǝ nam ada zǝndi dzǝrkur—

2 Yawhana 1:13

Madar nkwar mama gǝri nam tsartsari ada hyanti thlawardzǝr dar ala gǝri.

Yahuda 1:2

Ka Hyal la gǝri ɗakur Hyal ba ndzai lapiyakur ba yiɗǝdzi hangkurari!