Matiyu 4:9 - Chuave: Yai Guman Gunom Kam

⁹ “Ne kaunum gurom boire te na kanam akire di towangere ena tai i muruwo erowaikoro ena ne tai i muruwo kiapam benane,” di tongoro

Matiyu 4:9 Iomraidhean Croise

Matiyu 26:15

Yurasi yaromi fure “Na Yesu i mari de erowaikoro ena ne yokama tora tai narowaime?” di erongoro ena yokama kongo siwa mukom 30 kerere teime.

Matiyu 4:10

“Satanyo, ne fakai fo. Ka mapunom dumia, ‘Ne Yai Wanopanum kam akire do. Yaromi ne Yai Gumanum moingua ena ne yaromi kokonanom towane bei teyo!’ epe dume,” di tome.

Yoane 12:31

Te epena Yai Gumam mangi ari tawa moinga ipu suwaro bemie. Te epena Yai Gumam mangi ari kiapanom bengua yaromi Satan si ime de towame.

Yoane 13:3

Te Yesu “Na aunam tai ta ta muruwo okonamdi narongoro te na aunam moingui tei ma dere wiya te epena dere aunam moingua naro beiye,” epe di firo

Yoane 14:30

Ena mangi ari kiapanom yai Satan unangua ena na ka munmane ne yokamai di erekenaiye. Satan yaromi na kiapanam bei narekenamba

Yoane 16:11

Te Yai Gumam bei moiro ari kiapanom yai Satan ka kori mora di tongoro ena Murom Sumuna bei moiro Yai Gumam ka kori yokamai di erowangua mapunom opon di erowame.

2 Korin 4:4

Te yai gumam kasu yai mangi tawa moingua yaromi bei moingua ena ari fi ki sikeinga yokama gunom kam kankenaro beinga inokore eikenaro beinga i okonom murom si fere de eromie. Ena iran Kirisito Yai Gumam kuiam moinguarai gunom kam keranom sungua yokamai denom minomdi ikai koi nangua faikeme.

1 Timoti 3:6

Te yaromi Yai Gumam fi ki si towangua kakom arari moikenangua ena Yai Gumam gama kene kene eire kiapanom bei morangua faikename. Tamanume. Yaromi kene kene eire kiapanom bei morangua nenen kam akire duwangoro Yai Gumam Satan ipu si towanguamere yaromi ama epe ipu si towame.

Reweresen 19:10

ena na ka i firo “Nuwi kokonan gan kam i akire duwaiye,” diro yaromi kauwomdi tei ako faipa yaromi “Ne epe bei narekeiyo! Ne te ne arinuma yokamai gere bei moiro Yesu gunom kam di mari deinga a ki singamere epe na Yesu yaromi kokonan bei teiye. Ena ne Yai Gumam towane wom kam bawom do!” epe di narome. Te tora bengoro yaromi ka i epe di narongoro na fiye? Yesu yaromi nenen bei moiro gunom kam ari di mari de erongua iran ari gunom kam di mari deinga yokamai yoporam boingua iro ka di mari deime.

Reweresen 19:16

Te yai ta bei moiro yaromi gai suna tei te yaromi kauwom kinomdi tei kam i epe boime: “Yaromi bei moiro ari mangi ari wanopanom yokamai muruwo bire ime de erere te ari ori yokamai muruwo ama ime de erome,” epe boime.