Matiyu 11:2 - Chuave: Yai Guman Gunom Kam

² Di mari de erongoro Yoane nuwi bui erongua yaromi kan fairo Mesia kokonan bengua muruwo firo ena Yoane mouwomdi finga ari suwo koropane ewi dongoro yokamai Yesu moingui tei furo

Matiyu 11:2 Iomraidhean Croise

Matiyu 1:17

Ena Aparam ariyoma moi winga ure Dawiri moingui tei fuka dinga ariyoma okonom koro koro muruwo te kaunom suwo suwo. Te Dawiri ariyoma muruwo moi winga ure kakom i yokamai kan iki Bapiron fainga fuka dinga ariyoma okonom koro koro muruwo te kaunom suwo suwo. Te kakom i Bapiron iki kan fainga moi winga ure Mesia kui nongua kakom i fuka dungua ariyoma okonom koro koro muruwo te kaunom suwo suwo.

Matiyu 14:3

Koma Eroti yaromi opai ta i kam Erotiasi kau eme. Te Erotiasi oparomi Eroti emerom Firipi efem biyai moimba Eroti bei moiro oparomi kau eme. Ena Yoane kakom kakom Eroti “Ne opai kau enga i faikemie,” di tomie. Ena Erotiasi oparomi Eroti “Yoane si goro,” di tongoro te Eroti furo Yoane si gorangua kakom tei “Yura ari muruwo ‘Yoane i ka mapunom yaromi moimie,’ epe di fingoro ena na kuriyom fiye. Ena Yoane si goikenaiye,” yaromi epe di fire ena kiminem yokamai di eromie, “Yoane yaromi akore okom kan sire te kan iki tei eiyo,” di eromie.

Matiyu 4:12

Okome ari yokamai bei moiro Yoane yaromi akiro furo kan si teingoro Yesu firo ma dere Gariri man tei furo

Matiyu 9:14

Ena boromdi Yoane mouwomdi finga ari u Yesu moingui tei ure “Nonon mapunom i epe: Kakom kakom nonon te Feresi ari yokama kopuna ‘Nekenapune,’ dire moi topungoro ena tora bengoro ne mounumdi finga ari epe beikeime?” di teingoro

Mako 6:17

Tora bengoro Eroti ka epe dume? Mapunom i epe: Komari Eroti emerom Firipi efem biyai i kam Erotiasi ingero ena Yoane yaromi “Ne emerom yokori moingui ne yaromi efem biyai inga faikeme,” di tongoro ena Eroti kiminem ka di erongua yokamai fu Yoane okom a ki sire kan ikom de teime.

Luka 3:19

yaromi yai ori Eroti kura kam di tomie. Yai ori Eroti emerom efem biyai Erotiasi koma kunei nere te tai ta ta niki dongua mapunom ama bengua ena Yoane kura kam di tomie.

Luka 9:7

Ena Gariri ikinom akainom kiapam yai ori Eroti tai fuka dungua kam firo nomaneyom unanan fume. Te ari suwo “Yoane goingua tokoi arome,” dingoro

Yoane 4:1

Ena kakom tei Yura ari mapunom finga yokamai kanom i Feresi yokamai mora finga “Yesu yaromi dourom boinga yokamai munmane endire nuwi bui erero te na yai donam Yoane dourom boinga yokamai ime de erome,” dingoro