Firemon 1:2 - Chuave: Yai Guman Gunom Kam

² Te no surai ama bei moiro nonon kepenom Apia oparomi te yai ta Akipa mapunom niki dongua kura boi tongua yaromi te ari yai opai “Yai Gumam kam firapune,” diro ne ikinumdi tei kuku boinga yokamai munom ganom i ama boi eropuiye.

Firemon 1:2 Iomraidhean Croise

Roma 16:1

Ena nonon arinom opai ta kam Fipi kon wanongua kam di mari de erowaiye. Oparomi furo Yesu fi ki si teinga yokamai iki birom ori kam Senia tei moinga yokamai akire di erongua ena ne yokamai moingi tei unangua bei nokapu de teiyo!

Roma 16:5

Ena ne yokamai furo na kanam “Ne yokamai moi dimio” di ereika ari surai ikinomdi tei kuku boinga yokamai di ereiyo! Ena ne yokamai furo Epainetu na yokoinam kawom moingua moingui tei furo na kanam “Ne moi denio?” di teika i furo di teiyo! Yaromi Yai Gumam koma wom fi ki si tongoro te ari fi ki si teinga yokamai muruwo Eisia ari ikinom akainomdi tei okome fi ki si teime.

1 Korin 16:19

Ena Yesu fi ki si teinga yokamai Eisia man koro koro tei moinga “Ne yokamai moi dimio?” di ereime. Te ne yokamai Ari Wanopanom fi ki si teinga ena Akuira te efem biyai Pirisira surai te ari Yai Gumam kam mapunom firaro beinga yokamai yai surai ikinomdi tei kuku boinga yokamai “Ne yokamai moi dimio?” di ereime.

Firipai 2:25

Ena na di fikai “Na Epaforaita yaromi ama awi ne yokamai moingi tei dowaiye,” epe di fiye. Yaromi no yokamai arinom moiro te gunom kam di mari dopunga kokonan ama iro “Gunom kam i kawom dume,” diro ari di mari de erome. Koma ne yokamai bei moire yaromi awi na moiki tei deingoro ena yaromi uro na kokonanam i akire di narome.

Korosi 4:15

Ena na bei moiro “Ne yokamai moi deimio?” epe dikai ne yokamai ama Leorisia Yai Gumam gama yokamai di ereiyo! Te ne yokamai fu ari Yesu fi ki si teinga Nifa oparomi ikomdi tei kuku bei moinga yokamai moingi tei furo na “Ne yokamai moi deimio?” dikai ama di ereiyo!

Korosi 4:17

Ena ne yokama furo Akipa yaromi “Ne Ari Wanopanum si dauinga ena Yai Gumam bei moiro kokonan ne erongua ena ne kokonan i bei gouwo!” di teiyo!