Aposel 26:1 - Chuave: Yai Guman Gunom Kam

¹ Ena Akipa bei moiro Pauro “Ne nenen ka duwanga firapune. Ena ne ka do!” di tongoro ena Pauro okom akire diro nen kam wayom epe dume,

Aposel 26:1 Iomraidhean Croise

Yoane 7:51

“Nonon ka di guwo dupunga i ‘Nenta yo morangua meinam bei to!’ dumo? Ma deiyo! Koma yaromi kam firapunga yaromi tai bengua mapunom firo ena ka kori diro meinam bei topune. Ena no yokamai Yesu kam dungua koma firapune,” epe di erongoro

Aposel 22:1

“Emenamao, Aunamao, Nenamao, ne yokamai na kanam duwaika fiyo! Nanan koro koro wan fuka mapunom duwaro beye,” epe di erongoro

Aposel 25:16

na ka epe mokom bairo ‘Nonon Roma ari yaromi ka kori di teinga yaromi koma yokamai gumanom kanere ka kori di teinga mapunom fire ka mokom bairo di erongoro ena okome ka kori finga yai yaromi awi mena dombo “Ne tai niki dongua benie,” dumie,’ epe di ereiye.

Aposel 25:27

Te na kan fainga yaromi awi yai ori Sisa moingui tei dere ka kori bei teinga mapunom imari dekenaika i faikeme,” epe dume.

Aposel 26:2

“Yai ori Akipao, ne Yura ari mapunom beinga te yokamai kanom di ipo ka deinga muruwo mora finie. Ne mora epe finga na mun fiye. Yura ari ka kori bei nareinga na ka mokom bairo duwaika ne firo! Ne kene kene eire niki de fikeyo!

Aposel 9:15

“Yaromi moingui tei ne fo! Na yaromi gunom boi tongoro ena i fure ari Yura ari moikeinga yokamai te ari ori yokamai te Isirae kapakom yokamai na kanam di mari de erowame.

Roma 10:21

yaromi Isirae ari kam wayom epe dume: Yai Gumam “Na ‘Isirae ari na kanam si dero mounom wako nareinga yokamai inako dero u na moiki tei unaime,’ diro aro kakom kakom yokamai moingi tei okonam de ereipa yokamai kuime,” epe dume. Aisaiya yaromi epe dume.