Aposel 10:4 - Chuave: Yai Guman Gunom Kam

⁴ yaromi toren kanere kuri fire “Yae, ta beme?” di tongoro nuwi kokonan gan ta mokom bairo “Ne ka make ei tenga te ari yai opai guwai gainom ako nekeinga yokamai taikan akire di erenga Yai Gumam kanere mun ori wom fi erome.

Aposel 10:4 Iomraidhean Croise

Matiyu 26:13

Ena iran na kawom di ereiye, ‘Man man muruwo na arinama gunom kam di mari dowainga ena yokama oparomi taiyom bengua di mari de erowaingoro ena ari inokore ei towaime,’ na di ereiye,” Yesu epe di erome.

Luka 1:29

ka dungua i fingua nomanem ipun dongoro dem miriyomdi “Ka i tora ka dume?” epe di fime.

Luka 24:5

Ena opai yokamai kuri fire kaunom gurom boiro gumanom gome dero kan mansinomdi de moingoro te yai surai “Tora bengoro ne yokama ari goinga akai yai yokori moingua wandouime? Yaromi ‘Yai ta na ari gaunom wam nandiro furo ari bianom fainga yokamai okonomdi erowamie. Ena yokamai na nandiro furo eri yoro bakomdi nai goraimba aro suraiye kakom gounangoro na tokoi arowaiye,’ epe di erome. Ena yaromi tawa moikemie. Yaromirai aromie. Ena ne yokamai koma Gariri tei yo moingarai yaromi ka di eronguairai inokore ei fiyo!” di ereipikoro

Aposel 10:31

‘Koniria, ne ka make enga Yai Gumam mora fime. Te ne ari tai ako nekeinga yokamai akire di erenga ama kanumie.

Aposel 14:9

Te yaromi Pauro ka dungua fingoro Pauro kanungua yaromi “Yai Gumam akire di narowangua na nokapu moraiye,” di fingoro ena Pauro toren kanere

Aposel 22:10

Ena na ka ta di teiye, ‘Yai Ori yo, na epena tora benaiye?’ di teikoro ena Yai Ori i ‘Ne arere fu Damasusi tei fo! Ne akai tei morangero yai ta ure na ne gunom boi ereika kokonan di erowamie,’ di narongoro

Aposel 3:4

yai surai toren kanere ena Pita ka epe “Ne no surai toren nokano!” di tongoro

Firipai 4:18

Ena ne yokamai kaniyo! Ne yokamai tai kan i iro Epaforaita yaromi okomdi tei eingai naronguai muruwo mora ika ena na fai si di naromie. Yai ta fi mun ei tongua tarom ire Yai Gumam tere gaingoro kipom nokapu wom sungua ena Yai Gumam mun fi tonguamere epe ne yokamai kongo nareinga ena Yai Gumam ama mun fime.

Firipai 4:6

Te ne yokamai inokore unanan eikeiyo! Tamanume. Tai ipun dongua ne yokamai fuka di erowangua kakom i ne yokamai ka make ei tere “Na tai epe inaiye,” diro Yai Gumam di teiyo! Te kakom kakom ka make ei towainga ne yokamai “Mun fi eropune,” epe di teiyo!

Ipuru 13:16

Te ne yokamai bei moiro ari yai opai bei nokapu de erere te tai ne yokamai moingi tei dunguai bon tere koro i yai ta tai ako nekengua yaromi teiyo! Koma Yura ari non sipsip ta siro akiyom i Yai Gumam fi mun ei teingoro ena Yai Gumam mun fi eronguamere epe ne yokamai mapunom i dourom borainga Yai Gumam ne yokamai mun fi erowame.

Ipuru 6:10

Ne yokamai bei moiro yaromi gama yo teinga yokamai akire di erere kokonan nokapu bei ereinga ena ne yokamai Yai Gumam denom minom mun fi teinga mapunom opom di teimie. Yai Gumam yo tere moingua iran i bei nokapu de erowame.

Reweresen 8:4

Ena gan i Yai Gumam gumamdi tei moiro eri muku kipom sungua tarom gaingoro ena kipom sunga tarom iro te Yai Gumam gama yo teinga yokamai ka make einga tarom ama iro Yai Gumam tongoro ena yaromi kipom sungua te ka make einga fimie.