Vafiripi 4:8 - NOVO TESTAMENTO EM NDAU

⁸ Pakugumisira, hama, izvo zviri zvo gwinyiso, izvo zvinoreremejeka, izvo zviro zvakarurama, izvo zviri zvakachena, izvo zvinodikana, no izvo zvine mbiri yakanaka; kudari kuripo kunaka, kudari kuripo kukujwa, pinimijanyi ngo izvi zviro.

Bhaibheri Rakachena muChindau

⁸ Pakugumisira, hama, zveshe zviri zvegwinyiso, zveshe zvinoremeredzeka, zveshe zviro zvakarurama, zveshe zviri zvakachena, zveshe zvinodikanwa, zveshe zvine mbiri yakanaka, kudai kuripo kunaka, kudai kuripo kukudzwa, pinimidzai ngeizvi zviro.

Vafiripi 4:8 Iomraidhean Croise

Mateu 22:16

Navo vakatumira kwaari vajiji vavo pamwepo no vaHerodhiya, vechiti: “Mujijisi, tinoziva kuti iwewe uri wo gwinyiso, unojijisa njira ya Mwari ngo gwinyiso, autundhumaji mundhu; ngokuti auringisi hope yo mundhu.

Marku 6:20

Ngokuti Herodhi waimutya Johani, echiziva kuti wayiva mundhu wakarurama, wakacheneswa; wakamungwarira. Apo amuzwa, wakatambujika kakurutu; asi waimuzwa ngo kudakara.

Ruka 16:15

Naye wakati kwavari: “Imwimwi muri avo vanojipembeja pamberi po vandhu, asi Mwari unoziva mu mwoyo mwenyu. Ngokuti icho chinoreremejwa pakati po vandhu, chiri chinonyangaja pamberi pa Mwari.

Ruka 2:25

Vonanyi, kwayivapo mundhu mu Jerusarema zina rake raizwi ndi Simiyoni, no mundhu uwu wayiva wakarurama, no waidira Mwari, echigarira kuembezehwa kwa Israeri; no Mweya Wakachena vayiva panyezuru pake.

Ruka 23:50

Kwayivapo, mundhu waizwi ndi Josefa, wayiva umwe wo vatongi, mundhu wakanaka, no wakarurama.

Johani 7:18

Iye unojivereketera unopshaka kuirikijwa kwake, asi iye unopshaka kuirikija uwo wakandituma, ndiye uri wo gwinyiso, apana kusikarurami mukati mwake.

Zvak. 10:22

Navo vakati: “Kornorio, nduna yo zana, mundhu wakarurama, no unomutya Mwari, uno mbiri yakanaka kujinja rese ro vaJudha, wakapangwa ngo ngirosi yakachena kukutumira kuti uviye ku nyumba yake, no kuzwa mazwi anobva kwouri.”

Zvak. 22:12

No umwe ndi Ananiya, uri mundhu wakarurama kudari ngo kuverengwa kwo mipango, uno mbiri yakanaka mukati mwa vaJudha vese vayigara apo.

Zvak. 6:3

Ndizvo hama, pshakanyi vanarume vanomwe kubva pakati penyu, vari vanogondeka, vakazara ndi Mweya, na ngo kungwara, vatingaimisa panyezuru po uwu mushando.

Varoma 13:13

Ngatifambe ngo njira inosisira, kudari ngo masikati; tisikafambi ngo kuhisa no kuraja, tisikafambi ngo kushanja, nokuti ngo kuemura, tisikafambi ngo hasha no ndurumwa.

Varoma 13:3

Ngokuti vatongi avatyisi kwavari vanoyita mishando yakanaka, asi kwevanoita yakashata. Unoda here kuyita usikatyi mambo? Ita zvakanaka newe unozokujwa ndiye.

Varoma 14:18

Ngokuti iye unoshandira Kristu ngo kuyita izvi unonasa kudakaja Mwari, unoashirikazve kuno vandhu.

Varoma 2:29

Asi uri mujudha uri wakadaro ngo mukati; no kuchekwa kuri ukwo kwo mu mwoyo, mu mweya, andikwopi kwo zina; kukujwa kwake andikwopi kuri kwo vandhu, asi kuri kwa Mwari.

1 VaK. 4:5

Ndizvo musatonga chiro ngo pamberi nguva isati yaguma, mbhera Mambo aviye, uwo unozoviisa mukujeka zviro zvakafishika zvo chidima, naye unozopangijira mipinimijo yo mwoyo; naapo mundhu wese unozova no kukujwa kwake kunobva kuna Mwari.

2 VaK. 13:7

Zvino tinokumbira kuna Mwari kuti musaita zvakashata; andikwopi kuti isisu tivoneke tiri vanotendwa, asi kuti muite zvinoreremejeka, pikija isisu tinoverengwa tiri vanorashwa.

2 VaK. 6:8

Mukukujwa nokuti mukusikakujwa, mukureviwa no mumbiri yakanaka; kunonga tiri vachengeji, asi tiri vo gwinyiso;

2 VaK. 8:18

Nesu takatuma pamwepo nayo hama iyo yaitendwa kuzviara zvese;

2 VaK. 8:21

ngokuti tinongwarijira kuti zviite zvinoreremejeka, haiwa kwega mukuvona kwa Mambo, asi no mukuvona kwo vandhuzve.

Vagaratiya 5:22

Asi michero yo Mweya iri: Rudo, kudakara, kunyarara, kusengerera, nyasha, kunaka, kugondeka,

Vaefesu 4:25

Ndizvo mwechiregera kunyepa, vereketanyi gwinyiso mundhu wese kuno muvakihwana wake, ngokuti tiri ndhengo umwe kuno umweni.

Vaefesu 5:9

(ngokuti michero yo kujeka iri kunaka kwese no kururama no gwinyiso),

Vaefesu 6:14

Ndizvo imanyi, mwakasimira gwinyiso muzviunu zvenyu, mwadira chihlangu cho paditi, chiri kururama,

Vafiripi 3:1

Pakugumisira, hama jangu, dakaranyi kuna Mambo. Kutara kudaro kwomuri akunesi kwendiri, asi kwomuri kuri kungwaririka.

Vakorose 4:5

Fambanyi muungwaru kwavari vari kunja mwechitenga mukuvo.

1 VaTes. 4:12

kuti mufambe ngo njira inosisira kwavari vari kunja, musina chomunotama.

1 Tim. 2:2

ngo ndava yo majimambo naavo vese vari kundau jo kureremejwa; kuti tipone mukuiyana no kunyarara mukudira Mwari no kugondeka.

1 Tim. 3:11

Vanakaji ngokudaro ngavayite vanoreremejeka, vasikarevi, vanojibata, vanogondeka ngo zviro zvese.

1 Tim. 3:4

unonasa kutonga muzi wake, uno vana vake vanomupurutana ngokureremeja kwese;

1 Tim. 4:12

Usatendera mundhu kuti ashore upsha hwako; asi ita chivonero kwo vanotenda, ngo izwi, na ngo kupona kwako, na ngo rudo, ngo kugonda, na ngo kusukika.

1 Tim. 5:10

Ine mbiri yakanaka yo mishando yakanaka; kudari yakarera vana, kudari yakaashira vapfumba, kudari yakasuka tshoka jo vakacheneswa, kudari yakabesera vanotambujika, kudari yakagwinya kubatirira kumishando yese yakanaka.

1 Tim. 5:2

no majimbiya kudari ngo majimayi no vanakaji vapsha kudari ngo hanzvaji, mukusukika kwese.

Titosi 1:8

asi unoashira vapfumba, unoiyana no vandhu vakanaka, wakangwara, wakarurama, wakacheneswa, unojibata;

Titosi 2:14

uwo wakajipira ngo ndava yedu kuti atiripire kubva mukushata kwese, nokuti ajichenesere vandhu vayite vake vambhwine, vanotsamwirira kuyita mishando yakanaka.

Titosi 2:2

Kuti harahwa jijibate, jechireremejeka, jakangwara, jinogwinyisira mukugonda, no murudo no mukusengerera.

Titosi 2:7

Ngo zviro zvese wechijipangijira uri chivonero cho mishando yakanaka; muzvijijiso zvako wechipangijira kusikavori, no kureremejeka,

Titosi 3:14

No vandhu veduzve ngavajije kuyita mishando yakanaka kuti vavone zvinosisira, nokuti vasazoita vasina michero.

Vahebheru 11:2

Ngokuti ngo ndava yakwo vo karetu vakapupurihwa zvakanaka.

Vahebheru 13:18

Tikumbirirenyi: Ngokuti tinoziva kuti tino mwoyo isina ndava, tinoemurira kugara takagondeka ngo zviro zvese.

Jakobe 1:27

Kutenda kwakachena no kusikazivi kusvipiswa pamberi pa Mwari wedu na Baba ndikwo uku, kufambira vasina baba no shirikaji mukutambujika kwavo, no kujingwarira kuti asasvipiswa ngo zvonyika.

Jakobe 3:17

Asi ungwaru uhwo unobva mugore kutanga huri hwakachena, zve, unonyararisa, hwakapfava, hunoreruka kupotwa, hwakazara ngo nyasha no michero yakanaka, husina mukheto, husina kujiitisa.

1 Pet. 1:22

Kwechivoneka kuti mwakacheneswa mweya yenyu mukupurutana gwinyiso ngo mumwoyo mukuva no rudo rusikajiitisi kuhama, idananyi ngo mwoyo wakasukika kakurutu.

1 Pet. 2:12

Muve no kupona kwenyu kunosisira pakati po vomajinja; kuti kune izvo zvo vanomureva ndizvo, inga muri vakashata, ngo mishando yenyu yakanaka yo vanovona, vangakuja Mwari ngo zuva ro kufambihwa.

1 Pet. 4:8

Kupinda izvo zvese muve no rudo rukuru pakati penyu; ngokuti rudo runofukijira zvishaishi zvakawanda;

2 Pet. 3:1

Vanodikana, zvino iyi iri tshamba yochipiri yo ndinotara kwomuri; ndijo jese ndinomusira mipinimijo yenyu ino gwinyiso ngo kumucherechejisa;

1 Joh. 3:18

Vana vadoko, tisada ngo izwi, nokuti ngo rurimi, asi ngo zviito na ngo gwinyiso.

1 Joh. 3:3

Mundhu wese uno iri gonda mukati mwake unojichenesa, kudari ndiye wakachena.

1 Joh. 4:1

Vanodikana, musatenda mweya yese, asi ejanyi mweya muvone kuti iri ya Mwari here, ngokuti vaprofeti vazhinji vokunyepa vakabuda kuenda mu nyika.