Vafiripi 4:7 - NOVO TESTAMENTO EM NDAU

⁷ No kunyarara kwa Mwari, kunopinda kuzwisisa kwese, kunozongwarira mwoyo yenyu no mipinimijo yenyu kuna Kristu Jesu.

Bhaibheri Rakachena muChindau

⁷ Kunyarara kwaMwari, kunopinda kuzwisisa kweshe, kunozongwarira mwoyo yenyu nemipinimidzo yenyu munaKristu Jesu.

Vafiripi 4:7 Iomraidhean Croise

Ruka 1:79

Kujeka panyezuru paavo vanogara muchidima no mubvute ro kufa; kutungamirira tshoka jedu mu njira yo kunyarara.”

Ruka 2:14

“Ngaakujwe Mwari mu denga-denga, no kunyarara mu nyika pakati po vandhu, avo vaanonasa kudakara ndivo.”

Johani 14:27

Kunyarara ndinokusiya kwomuri, kunyarara kwangu ndinomupa: Andimupi kudari ngo kupa kwo nyika. Mwoyo yenyu isatambujika, isakarukazve.

Johani 16:33

Izvi ndakamuvhunja kuti kwendiri muwane kunyarara. Munyika munozova no nyatwa: Asi shinganyi mwoyo, ndainyisa nyika.”

Varoma 1:7

Kwaavo vese vari mu Roma, vanodikana ndi Mwari, mwakadanijwa kuyita vakacheneswa: Nyasha kwomuri, no kunyarara kunobva kuna Mwari Baba wedu na Mambo Jesu Kristu.

Varoma 14:17

Ngokuti Umambo hwa Mwari andihwopi hwo kuha nokuti kumwa, asi huri hwo kururama, no kunyarara, no kudakara mu Mweya Wakachena.

Varoma 15:13

Zvino Mwari wo gondero ngaamuzarise ngo kudakara kwese no kunyarara, mukutenda, kuti muwanjwe mukugonda, ngo simba ro Mweya Wakachena.

Varoma 5:1

Ndizvo techipembejwa ngo kugonda, tino kunyarara kuna Mwari ndiye Mambo wedu Jesu Kristu.

Varoma 8:6

Ngokuti kuva no mupinimijo wo zvo nyama kuri kufa, asi kuva no mupinimijo wo zvo Mweya kuri kupona no kunyarara.

2 VaK. 10:5

Kupwanya mikarakajo no zviro zvese zvinojikurisa kurwisana no kuziva kwa Mwari, no kuviisa mipinimijo yese muuranda hwo kupurutana Kristu.

2 VaK. 13:11

Pakupejisira, hama, chisaranyi. Itanyi vakaperera; embejerwanyi; itanyi vano mupinimijo umwewo; mugare mukunyarara: Na Mwari wo rudo no wo kunyarara unozova nemwi.

Vagaratiya 5:22

Asi michero yo Mweya iri: Rudo, kudakara, kunyarara, kusengerera, nyasha, kunaka, kugondeka,

Vaefesu 3:19

no kuziva rudo rwa Kristu, unopinda kuziva kwese, kuti muzariswe ngokuzara kwese kwa Mwari.

Vafiripi 1:1

Pauri na Timoti, varanda va Jesu Kristu, kwavari vese vakacheneswa vari kuna Kristu Jesu vari mu Firipi pamwepo no vavonisi no vashandi:

Vafiripi 1:2

Nyasha ngajive kwomuri no kunyarara zvinobva kuna Mwari Baba wedu na Mambo Jesu Kristu.

Vafiripi 4:19

Asi Mwari wangu unozomuzarisa ndizvo zvese zvomunotama, kudari ngo uwandu hwo upfumi hwake muuthende ndiye Kristu Jesu.

Vafiripi 4:21

Tambisanyi vakacheneswa vese vari kuna Kristu Jesu. Hama jineni jinomutambisa.

Vafiripi 4:9

Izvo zvomwakajija no kuashira, no kuzwa, no kuvona, kwendiri, itanyi izvozvo; na Mwari wo kunyarara unozova nemwi.

Vakorose 3:15

Tenderanyi kuti kunyarara kwa Kristu kutonge mu mwoyo yenyu; ukwo kwo mwakadanijihwazve ndiko mumuviri umwe; mwechibonga.

2 VaTes. 3:16

Zvino Mambo wo kunyarara wambwine ngaamupe kunyarara ngo nguva jese, na ngo njira jese. Mambo ngaave nemwi mwese.

Vahebheru 13:20

Zvino Mwari wo kunyarara, uwo wakamuvisazve kubva kwo vakafa muhushi mukuru wo mabvuta, Mambo wedu Jesu Kristu, ngo ngazi yo chitenderano chisikaperi,

Judha 1:1

Judha, muranda wa Jesu Kristu, no hama ya Jakobe, kwavari vakadanijwa, vanodikana kuna Mwari Baba, vanongwaririhwa Jesu Kristu.

Chakapangijihwa 1:4

Johani kuzviara zvinomwe zviri mu Aziya: Nyasha ngajive kwomuri no kunyarara, zvinobva kuna uwo uripo, wayivapo, no unoviya; nokubva kumweya minomwe iri pamberi po dendemaro rake;

Chakapangijihwa 2:17

Iye uno njeve ngaazwe zvinovereketwa ndi Mweya kuzviara. Kwaari unonyisa ndinozomupa mana yakafishika ndinozomupazve buwe rakachena, no panyezuru po buwe pakatahwa zina ibza, risikaziviki ngo umweni kwega ngo uwo unoriashira.