Vafiripi 2:7 - NOVO TESTAMENTO EM NDAU

⁷ asi wakajiita usina mbiri, echijitorera muemo wo muranda, wakayita unomuemo wo mundhu;

Bhaibheri Rakachena muChindau

⁷ asi wakadziita usina shwiro, echidzitorera muemo womuranda, akabarwa mumuemo womunhu. Naapo echioneka anomuemo womunhu,

Vafiripi 2:7 Iomraidhean Croise

Mateu 12:18

“Ringiranyi muranda wo ndakatsanangura; mudikani wangu uwo mweya wangu unodakara ndiye; ndinozodira mweya wangu panyezuru pake, naye unozoteketesa kutonga ku majinja.

Mateu 20:28

Kudari ngo Mwana wo Mundhu aazivi kuviya koshandihwa, asi kushandira no kupa kupona kwake kuyita muripo wo vazhinji.”

Marku 9:12

Wakati kwavari: “Ngozvirokwazvo Erija unotanga kuviya, amusijire zvese; na ngo njira yo zvakatahwa ndiye Mwana wo Mundhu kuti atambujike ngo zviro zvakawanda nokuti areruswe.

Ruka 22:27

Ngokuti ndiyani mukuru, uwo unogara pa thafura, nokuti uwo unoshandira? Andiye here uwo unogara pa thafura? Asi inini ndiri pakati penyu ndinonga uwo unoshandira.

Johani 1:14

No izwi rakaitwa muviri, wakagara pakati pedu, nesu takaringira uthende hwake, uthende huri hwo uwo wakabahwa ega ndi Baba, wakazara ngo nyasha no gwinyiso.

Varoma 1:3

ngo ndava yo Mwana wake, wakabahwa ari wo ruji rwa Dhavhidha ngo kwenyama,

Varoma 15:3

Ngokuti Kristu naye aazivi kujidakajisa; asi kudari ngo zvakatahwa: “Kutuka kweavo vakakutuka iwewe, kwakawira panyezuru pangu.”

Varoma 15:8

Ngokuti ndinoti Kristu wakaitwa mushandiri wo kuchekwa ngo ndava yo gwinyiso ra Mwari, kuti agwinyisise zvigondiso zvakaitwa ku majibaba,

Varoma 8:3

Ngokuti izvo zvo yakakorera Mipango kuyita, ngo ndava yo kutama simba kwo nyama, Mwari echituma Mwana wake ari mu muemo wo nyama ino kushaisha, na ngo ndava yo kushaisha iye wakarasha kushaisha kuri nyama;

2 VaK. 13:4

Ngokuti pikija wakakohomehwa pa muchinjiko ngo ndava yo kurembejeka, asi unopona ngo simba ra Mwari. Ngokuti nesuvo tiri vakarembejeka kwaari, asi tinozopona naye ngo simba ra Mwari kwomuri.

2 VaK. 8:9

Ngokuti imwimwi munoziva nyasha ja Mambo wedu Jesu Kristu, kuti pikija iye wayiva mupfumi, asi ngo ndava yenyu wakayita murombo, kuti imwimwi ngo urombo hwake muite vapfumi.

Vagaratiya 4:4

Asi apo kwaguma kuzarisika kwo nguva, Mwari wakatitumira Mwana wake wakabahwa ngo mujimayi, wakabahwa ari pasi po mipango,

Vafiripi 2:6

Iye wayiva mumuemo wa Mwari, aazivi kupinimija kuti chiri chiro cho kukara kuezana na Mwari,

Vahebheru 12:2

techiringira kuna Jesu, muambi no mupeji wo kugonda kwedu, uwo ngo ndava yo kudakara kwakadihwa pamberi pake, wakashingirira muchinjiko, asikanyowejeki ndiwo, wakagara pasi ngo kumuho kwo dendemaro ra Mwari.

Vahebheru 13:3

Cherechejanyi vakasungwa inga mwakasungwa pamwepo navo; naavo vanoitihwa zvakashata, kudari ndimwivo mumuviri yenyu.

Vahebheru 4:15

Ngokuti atina mupristi mukuru akadi asikakoni kutizwira urombo pakurembejeka kwedu; asi tina uwo wakaejwa ngo njira jese kudari ndisu, asina zvishaishi.