Vafiripi 2:3 - NOVO TESTAMENTO EM NDAU

³ Musikayiti chiro ngo hasha, nokuti ngo kujitundhumaja, asi ngo kupfava kwo mupinimijo, umwe ngaumwe ngaaverenge kuti vamweni vanomupinda ngo kunaka.

Bhaibheri Rakachena muChindau

³ Musaita chiro ngokudzida nokuti ngokudzitunhumadza, asi mukupfaa kwomupinimidzo umwe ngaumwe ngaaerenge kuti vamweni vanomupinda ngokunaka.

Vafiripi 2:3 Iomraidhean Croise

Ruka 18:14

Ndinoti kwomuri: Uwu mundhu wakabzuka kuenda ku nyumba yake echipembejwa kuno uwo umweni: Ngokuti mundhu wese unojikurisa unozopfaviswa; asi iye unojipfavisa unozokuriswa.”

Varoma 12:10

Disananyi umwe kuno umweni ngo rudo rukuru; mureremejane umwe kuno umweni;

Varoma 13:13

Ngatifambe ngo njira inosisira, kudari ngo masikati; tisikafambi ngo kuhisa no kuraja, tisikafambi ngo kushanja, nokuti ngo kuemura, tisikafambi ngo hasha no ndurumwa.

Varoma 2:8

asi kwavari vane hasha, vasikapurukiri gwinyiso, asi vanopurukira zvisikazivi kururama, kunozovapo ushungu no kutseneka,

1 VaK. 15:9

Ngokuti inini ndiri mudoko wo vapostori, andisisiri kudanijwa kuti ndiri mupostori, ngokuti ndakatambuja chiara cha Mwari.

1 VaK. 3:3

Ngokuti muchiri vo nyama; ngokuti kwechivoneka kuti kuripo pakati penyu ndurumwa no hasha, amurivopi here vo nyama, mwechifamba ngo muitiro wo vandhu?

2 VaK. 12:20

Ngokuti ndinotya, kuti pikija ngeiri njira, apo ndoviyeyo, ndingazomuvona musiri avo vondingada kuti muve vakadaro, neni pachangu ndivoneke kwomuri ndiri wo musikadi kuti ndiite wakadaro; pikija ngeiri njira kungazovapo hasha, no ndurumwa, no ushungu, no kusikazwana, no kurevana, no makuhwa, no kujikuja, no hohoho;

Vagaratiya 5:15

Asi kudari mwechirumana no kuhana ngo chenyu, ngwaranyi kuti musazopejana.

Vagaratiya 5:26

Tisajikuja, nokuti kutshenekerana, nokuti kuitirana thima.

Vaefesu 4:2

Ngo kujininipisa kwese no kupfava, na ngo kusengerera, mwechisengerera umwe no umweni ngo rudo;

Vaefesu 5:21

Mwechipfavirana umwe no umweni mukutya Kristu.

Vafiripi 2:14

Itanyi zvese pasina kun'un'uta nokuti kuyita hasha;

Vakorose 3:12

Ndizvo simiranyi, kudari ngo zvomuri vakatsananguhwa ndi Mwari, no vakacheneswa no vanodikana, muno mwoyo wo kuzwira, no kukungurira, no kuzvininipisa, no kupfava, no kusengerera;

Vakorose 3:8

Asi zvino rashanyivo zvese izvi; kutseneka, ushungu, kuvenga, kutuka, no kuvereketa zvinopsheruja ngo miromo yenyu.

1 Tim. 6:4

uwo unojikuja, asikazivi chiro, asi unodisisa mubvunjo no hasha jo mazwi, kwo zviri kunobva ndurumwa no hasha, no kutuka, no mipinimijo yakashata,

1 Pet. 3:8

Pakupejisira itanyi vanomupinimijo umwewo mwese, vanozwirana, idananyi kudari ngo hama, muno mwoyo ino nyasha, muno mipinimijo yakapfava.

1 Pet. 5:5

Ngo kudaro imwimwi vadoko pfaviranyi vakuru. Eya, imwimwi mwese jisimijenyi ngo kupfava, mu kushandirana umwe no umweni: “Ngokuti Mwari unorwisana no vanojikuja, asi unopa nyasha kuno vakapfava.”