Vafiripi 2:16 - NOVO TESTAMENTO EM NDAU

¹⁶ mwechibatisisa izwi ro kupona; kuti ndive nacho cho kuganza ndicho ngo zuva ra Kristu, kuti andizivi kugogoma pasina nokuti kushanda pasina shwiro.

Bhaibheri Rakachena muChindau

¹⁶ Ngokubatisisa izwi rokupona kunoita kuti ndiwe nacho chokuganza ndicho ngezuva raKristu, kuti andizi kutera kurumba pasina shwiro nokuti kutera kushanda pasina shwiro.

Vafiripi 2:16 Iomraidhean Croise

Mateu 10:27

Icho chondinomubvunja mu chidima, chiteketesenyi mukujeka, no icho cho munozwa munjeve chichumairenyi muri panyezuru po chachungu cho nyumba.

Ruka 12:8

“Neni ndinoti kwomuri, pikija ndiyani unozonditenda pamberi po vandhu, nayevo Mwana wo Mundhu unozomutenda pamberi po ngirosi ja Mwari.

Johani 6:63

Ndi mweya unopa kupona, nyama ayinyuri chiro: Mazwi endakavereketa kwo muri ari mweya no kurarama.

Johani 6:68

Simoni Pedru wakapingura: “Mambo, tingaenda kunani? Mazwi okupona kusikaperi ari kwouri.

Zvak. 13:26

Vamuna, hama, vana vo jinja ra Abrahama, naavo vari pakati penyu vanomutya Mwari, izwi iri ro ruponeso rakatumwa kwetiri.

1 VaK. 1:8

uwozve unozomugwinyisa mbhera kumagumo, kuti muyite vasina kuitihwa ndava ngo zuva ra Mambo wedu Jesu Kristu.

1 VaK. 9:26

Ndizvo inini ndinogogoma haiwa ngo kusikazivi kwakadaro: Ndinoambana, haiwa kudari ngo unorova dutu:

2 VaK. 1:14

Kudari ngo zvo mwakatendazve ngo zvimweni, kuti isisu tiri kukuja kwenyu kudari ndimwizve muri kukuja kwedu, ngo zuva ra Mambo wedu Jesu.

Vagaratiya 2:2

Neni ndakakwireyo ngo kuvoniswa; ndakavapangijira vhangeri rendinochumaira pakati po majinja, asi ndakaripangijira kuna vakuru vari vega, kuitira kuti ndisagogoma, nokuti ndayiva ndakagogoma pasina shwiro.

Vagaratiya 4:11

Ndinomutyira, kuti ngo njira nokuti yakadini ndakashanda pasina shwiro pakati penyu.

Vafiripi 1:10

kwokuti mueje muzive zviri zvakapinda kunaka; kuti muite vakacheneswa, vasina ndava mbhera rigume zuva ra Kristu.

Vafiripi 1:6

Ndechigonda ichi: Kuti iye wakatanga mushando wakanaka mukati mwenyu unozoupeja mbhera rigume zuva ra Jesu Kristu.

1 VaTes. 2:19

ngokuti chinyi chiri gonda redu, nokuti kudakara kwedu, nokuti junguja ro kuganza? Andimwipi here, pamberi pa Mambo wedu Jesu ngo kuviya kwake?

1 VaTes. 3:5

Ngo iyi ndava ininivo apo ndakakorera kushingirira, ndakatumira kuti ndizive kutenda kwenyu, kuti pamweni mueji inga wamueja, no mushando wedu ungaita usina shwiro.

Vahebheru 4:12

Ngokuti izwi ra Mwari rinopona, rinoshanda, rinopinja kupinda shoti ino upanga huviri. Inobaya mbhera kuparajane mwoyo no mweya, zvese ndhengo no mwongo, no kuzwisisa zvinotendwa no zvinorangarihwa mumwoyo.

1 Pet. 1:23

Muri vakabahwazve, haiwa ngo mbewu inovora, asi ngo isikavori ngo izwi ra Mwari, unopona aripo mbhera narini.

1 Joh. 1:1

Icho chayivapo kubvira pakutanga, chetakazwa, chetakavona ngo majiso edu, chetakaringira no nyara jedu jakabata, chiri izwi rokupona.

Chakapangijihwa 22:17

No Mweya no murovohwa vanoti: “Viya!” No uwo unozwa ngaati: “Viya!” Naye unozwa nyota, ngaaviye: Uwo unoda ngaatore kumwa yo kupona ngo nyasha.