Vafiripi 2:15 - NOVO TESTAMENTO EM NDAU

¹⁵ kuti muite vasina ndava, vasikashaishi, muri vana va Mwari musina chomunoitihwa ndava ndicho pakati po mubarihwana wakashongoroka no vakapaukiswa, pakati pavo muvoneke muri vanojeka kudari ngo zvivheneko mu nyika,

Bhaibheri Rakachena muChindau

¹⁵ kuti muite vasina chevanoitirwa ndaa, vakarurama, muri vana vaMwari musina ndaa pakati pomubarirwana wakashongoroka nowakapauka, mujeke pakati pavo kudai ngenyeredzi dzinojeka padera penyika.

Vafiripi 2:15 Iomraidhean Croise

Mateu 10:16

“Vonanyi, ndinomutuma kudari ngo mabvuta mukati mwo mathika. Ndizvo mwechingwara kudari ngo nyoka, mwakapfava kudari ngo njiva.”

Mateu 17:17

Jesu wakapingura, akati: “A! Mubarihwana usikatendi no unopauka, ndinozogara nemwi mukuvo wakadini? Muziseyi pano kwendiri.”

Mateu 5:45

kuti muyite vana va baba wenyu ari mu gore; ngokuti iye unoyita kuti zuva rake ribude panyezuru po vakashata, no vakanaka, unonisa mvura panyezuru po vakarurama, no vasikazivi kururama.

Mateu 5:48

Ndizvo imwimwi itanyi vakaperera kudari ndi Baba wenyu vari mu gore vari vakaperera.”

Ruka 1:6

Navo vese vayiva vakarurama pamberi pa Mwari, vechingwarira mipango no zviemeso zvese zva Jehovha, vasina ndava.

Ruka 6:35

Asi vadenyivo vakorore venyu, muvaitire zvakanaka, mwechivashongesa musikaveteri, no musharo wenyu unozoyita mukuru, nemwi munozoyita vana vo Uwo Uri panyezuru po zvese; ngokuti iye uno nyasha kwavari vasikabongi, no kwavari vakashata.

Johani 5:35

Iye wayiva chibani chinobwaka chinojekisa, nemwi mwakatenda kuti mudakare kwo nguva doko mukujeka kwake.

Zvak. 2:40

Na ngo mazwi amweni akawanda iye wakapupura no kuvapanga, echiti: “Jiponesenyi ngokwenyu kubva kuno uwu mubarihwana wakashongoroka.”

Zvak. 20:30

no pakati penyu mwambhwine, panozobuda vandhu, vechivereketa zvinopaukisa kukweva vajiji kuti vavatevere.

Varoma 16:19

Ngokuti kupurutana kwenyu kwakazwika kuno vandhu vese. Ndizvo ndinodakara ndimwi: Asi ndinoda kuti mungware kuno izvo zvakanaka, zve, musina ndava kuno izvo zvakashata.

1 VaK. 1:8

uwozve unozomugwinyisa mbhera kumagumo, kuti muyite vasina kuitihwa ndava ngo zuva ra Mambo wedu Jesu Kristu.

2 VaK. 6:17

Ndizvo, budanyi pakati pavo, muite vakaparajana, Mambo unoti, musapshasa chiro chinosvipisa; neni ndinozomuashira;

Vaefesu 5:27

kuti ajiviisire chiara kwaari chiri chiara chino uthende, chisina ndava nokuti kuonyana, nokuti chiro chimweni chakadaro; asi kuti chiite chakacheneswa chisina chishaishi.

Vafiripi 1:10

kwokuti mueje muzive zviri zvakapinda kunaka; kuti muite vakacheneswa, vasina ndava mbhera rigume zuva ra Kristu.

Vafiripi 3:6

ngo ndava yo kutsamwirira ndaitambuja chiara; ngo ndava yo kururama kwo mipango inga ndisina ndava.

1 VaTes. 5:23

Na Mwari wo kunyarara wambwine ngaamuchenese aembho; no mweya yenyu no mwoyo no muviri ngazvingwarihwe aembho, zvisina ndava, ngo kuviya kwa Mambo wedu Jesu Kristu.

1 Tim. 3:10

Avo navo ngavatange kuejwa; ngosure vozoita vashandi, kuti vasikashoreki.

1 Tim. 3:2

Ndizvo kunosisira kuti mutungamiriri ayite usina ndava, ari mwamuna wo mukaji umwe, echijibata, wakangwara mumupinimijo, unoreremejeka, unoashira vapfumba, unoziva kujijisa;

1 Tim. 5:14

Ndizvo ndinodisisa kuti shirikaji ipsha jirovohwe, jibereke vana jingwarire mizi yajo, jisikapi bandu ndau yo kutuka ndiyo.

1 Tim. 5:20

Avo vanoshaisha, uvarambije pamberi po vese, kuti vamweni navo vatye.

1 Tim. 5:7

Panga izvi zviro, kuti vayite vasikashoreki.

Titosi 1:6

kudari aripo mundhu usikashoreki, uno mukaji umwe, ano vana vanotenda, vasikaitihwi ndava yo kusikajibata, nokuti vasikapurutani.

Titosi 2:10

vasikabi, asi vechipangijira kugondeka kwese kwakanaka; kuti vanemese zvijijiso zva Mwari Muponesi wedu ngo zviro zvese.

Titosi 2:15

Vereketai izvi, no kuzvipanga no kurambisa ngo simba rese. Usatendera mundhu kuti akushore.

Vahebheru 7:26

Ngokuti mupristi wakadari ndiye wotaitama, wakachena usina kuchengeja, usina chinosvipisa, wakaparajana no vashaishi, wakaitwa ari wakapinda kukura kuno matenga;

1 Pet. 2:12

Muve no kupona kwenyu kunosisira pakati po vomajinja; kuti kune izvo zvo vanomureva ndizvo, inga muri vakashata, ngo mishando yenyu yakanaka yo vanovona, vangakuja Mwari ngo zuva ro kufambihwa.

1 Pet. 2:9

Asi imwimwi muri jinja rakasanwa, muri vo upristi hwo umambo, jinja rakachena muri vandhu vakajivonera, kuti mupangijire kunaka kwo uwo wakamudanija kubva muchidima, kuti munghwine mukujeka kwake kunoshamisa.

2 Pet. 3:14

Ndizvo, vanodikana, kwechivoneka kuti munogarira zvakadaro, tsamwiriranyi kuti muvoneke ndiye muri mukunyarara, musina vara no ndava mukuvona kwake.

Chakapangijihwa 2:5

Ndizvo cherecheja apo powakawa, utenderuke, uite mishando yokutanga kuti usikaiti kudaro, ndinozoviya kwouri ndibvise chigajikiro cho chibani chako pandau pacho, kuti usikatenderuki.

Chakapangijihwa 3:9

Vonayi, ndinokupa vamweni vo nyumba yo kudira ya Sathani, vanozwi vajudha, asivopi, asi vanonyepa: Vona ndinozoita kuti vaviye no kudira pamberi po tsoka jako, no kuziva kuti ndakakuda.