Vafiripi 1:27 - NOVO TESTAMENTO EM NDAU

²⁷ Kwega kuti mufambe kudari ngo zvinosisira vhangeri ra Kristu; kuti pikija ndechiviya kumuvona, nokuti ndisipo, ndingazwa ngo ndava yokugara kwenyu kuti munoyima mwakagwinya ngo mweya umwewo, ngo mwoyo umwe mwechirwira ukwo kutenda kwo vhangeri;

Bhaibheri Rakachena muChindau

²⁷ Kwega kuti muhambe kudai ngezvinosisira vhangeri raKristu, kuti kunyazwi ndechiuya koomuona nokuti ndisipo, ndingazwa ngendaa yokugara kwenyu, ndinozozia kuti mwakaema mwakagwinya ngomweya umwewo, ngomwoyo umwe mwechirwira kugondwa kwevhangeri,

Vafiripi 1:27 Iomraidhean Croise

Mateu 12:25

Na Jesu echiziva murangariro yavo, wakati kwavari: “Umambo hwese hunojiparaja hunozopera; no madhoropa ese nokuti ukama hunojiparaja auzoimi akadi.”

Zvak. 2:46

Navo zuva ngo zuva vakagara pamwepo ngo chisungo chimwe mu themperi, vechigura chimanda kumakanyi avo, vakaha ngo kudakara na ngo mwoyo wo kuzwana,

Zvak. 24:24

Asi ngosure kwo mazuva akatikuti, Ferikisi wakaviya na Drusira mukaji wake, wayiva muJudha, naye wakadanija Pauri, akamuzwa ngo rutendo ruri kuna Kristu Jesu.

Zvak. 4:32

No mbungano yese yo avo vakatenda vayiva no mwoyo umwe, akuna naumwe wavo wainanga kuti zviro zvaaiva nazvo zvayiva zvake; asi zvese zvayiva zvavo vese.

Varoma 1:16

Ngokuti andina nyowa ngo vhangeri; ngokuti riri simba ra Mwari ro ruponeso kwavari vese vanotenda, kutanga ku vaJudha, no ku vagiriki navo.

Varoma 1:5

ndiye takaashira nyasha no upostori, ngo kupurutana kwo kugonda mukati mwo majinja ese ngo ndava yo zina rake,

Varoma 1:9

Ngokuti Mwari uri chapupu changu, wo ndinoshandira mu mweya wangu muvhangeri ro Mwana wake, kuti andiregi kumucherecheja ngo nguva jese mumikumbiro yangu,

Varoma 10:8

Asi zvinonangenyi? Izwi riri phedo pako, riri mumuromo mwako, no mu mwoyo mwako: Ukwo kunoti, izwi ro kugonda ro tinochumaira.

Varoma 15:16

Kuti ndiite mushandiri wa Kristu Jesu kuno vo majinja, ndechishanda kupa vhangeri ra Mwari, kuti mudiro unopihwa ngo vo majinja ungaita unoashirika, wakacheneswa ndi Mweya Wakachena.

Varoma 15:29

Neni ndinoziva kuti apo ndooviya kwomuri, ndinozoviya ngo kufumiswa kwakazara kwo vhangeri ra Kristu.

1 VaK. 1:10

Zvino ndinomupota, hama, ngo zina ra Mambo wedu Jesu Kristu, kuti mwese muverekete chiro chimwecho, zve, kuti usavapo muparajano pakati penyu; asi kuti muyite vakasungwa pamwepo mumupinimijo umwewo, no mukugura kumweko.

1 VaK. 15:58

Ndizvo hama, jangu jinodikana, itanyi vanogwinya, vasikatsukunuswi, ngo nguva jese, mwechitsamwirira mu mishando ya Mambo ngokuti munoziva kuti mishando yenyu airi isina shwiro kuna Mambo.

2 VaK. 13:11

Pakupejisira, hama, chisaranyi. Itanyi vakaperera; embejerwanyi; itanyi vano mupinimijo umwewo; mugare mukunyarara: Na Mwari wo rudo no wo kunyarara unozova nemwi.

2 VaK. 4:4

Kwavari mwari wo iyi nyika wakapofumaja mipinimijo yo vasikatendi, kuti kujeka kwo vhangeri ro uthende hwa Kristu, uwo uri muezaniso wa Mwari, kusazojeka panyezuru pavo.

2 VaK. 9:13

Kwechivoneka kuti ngo kuejwa kwenyu ngo uwu mushando, ivo vanoirikija Mwari ngo ndava yo kupurutana kwo kutenda kwenyu vhangeri ra Kristu na ngo ndava yo kuwanda kwo zvipo zvenyu kwavari, no kuna vese.

Vagaratiya 1:7

iro richipi vhangeri rimweni akadi, kwega variyo vamweni vanomukhanganisa, vanoda kupaukisa vhangeri ra Kristu.

Vaefesu 1:13

Kwaarizve imwimwi, apo mwakazwa izwi ro gwinyiso, riri vhangeri ro kuponeswa kwenyu; kwaari apo mwakatendavo, mwakadihwa chinamiro cho Mweya Wakachena, wo mwakagondiswa.

Vaefesu 1:15

Ngo ndava iyi, ininivo, ngosure kwokuzwa kwangu kutenda kwenyu kwo munakwo, kuna Mambo Jesu, no rudo hwenyu kuna vakacheneswa vese,

Vaefesu 4:1

Ndizvo inini, musungwa wa Mambo, ndinomupota kuti mufambe ngo zvinosisira kudanijwa kwo mwakadanijwa ndikwo.

Vafiripi 1:5

ngo ndava yo kuiyana kwenyu mukufambisa vhangeri kubvira kuzuva rokutanga mbhera zvino.

Vafiripi 2:12

Ndizvo vanodikana vangu, kudari ngo zvomwakapurutana ngo nguva jese andipopi pega pondiri, asi zvino kakurutu apo ndisipo, shandisanyi ruponeso rwenyu mukutya no kuhuta.

Vafiripi 2:24

Asi ndinogonda kuna Mambo kuti nenivo ndinozokasira kuviyeyo.

Vafiripi 3:18

Ngokuti vazhinji vanofamba, kudari ngo zvo ndakamubvunja ndivo kazhinji, na zvino ndinomubvunja ngo kuchema, ivo vari vakorore vo muchinjiko wa Kristu;

Vafiripi 3:20

Asi nyika yedu iri mu gore; kubveyozve tinogarira kuviya kwo Muponesi, Mambo Jesu Kristu,

Vafiripi 4:1

Ndizvo, hama jangu, jinodikana no jinosuwira, muri kudakara kwangu no junguja rangu, ngokudaro imanyi mwakagwinya kuna Mambo, vanodikana vangu.

Vakorose 1:10

kuti mufambe kudari ngo zvinosisira kuna Mambo mumudakajise ndizvo zvese, mwechibereka michero mumishando yese yakanaka, mwechikura mukumuziva Mwari;

Vakorose 1:4

ngokuti takazwa ngo kugonda kwenyu kuna Kristu Jesu, no rudo rwomunarwo kwavari vese vakacheneswa,

1 VaTes. 3:6

Asi apo Timoti apetuka zvino kwetiri kubva kwomuri, akativiisira masoko anodakaja okutenda kwenyu no rudo rwenyu, nokuti unonasa kuticherecheja ngo nguva jese, mwechisuwira kutivona, kudari tisuvo tasuwira kumuvona;

1 VaTes. 4:1

Ndizvo pakugumisira, hama, tinomukumbira no kumupota ndiye Mambo Jesu kuti kudari ngo zvomwakaashira kwetiri njira inosisira yo kufamba ndiyo no kumudakaja Mwari, kudari ngo zvomunofamba, kuti muwanjise kudaro.

1 Tim. 1:11

kudari ngo vhangeri ro uthende hwa Mwari unomuchena, rondakapuwa ngo kugondwa.

1 Tim. 1:19

wechibatisisa kugonda no mwoyo wakanaka; vamweni vakakurasha, vakapwanyikihwa ngo ngarava yo kugonda kwavo,

2 Tim. 4:7

Ndakaambana kuambana kwakanaka, ndakapeja mujaho wangu, ndakangwarira kugonda;

Titosi 2:10

vasikabi, asi vechipangijira kugondeka kwese kwakanaka; kuti vanemese zvijijiso zva Mwari Muponesi wedu ngo zviro zvese.

Firimoni 1:5

ndechizwa ngo rudo rwako no kugonda kwounakwo kuna Mambo Jesu, no kwavari vese vakacheneswa.

Jakobe 3:18

No michero yo kururama inokushwa mukunyarara ngaavo vanoyita kunyarara.

2 Pet. 3:11

Kwechivoneka kuti izvi zvese zvinozonyunguruka kudaro, kunodikana kuti muite vandhu vakaitawani mukupona kwese kwakachena no mukudira Mwari;

2 Pet. 3:14

Ndizvo, vanodikana, kwechivoneka kuti munogarira zvakadaro, tsamwiriranyi kuti muvoneke ndiye muri mukunyarara, musina vara no ndava mukuvona kwake.

Judha 1:3

Vanodikana, apo ndechidisisa zvikuru kutara kwomuri ngo ruponeso ruri kwetiri tese, ndakavangirijwa kutara kwomuri, ndechimupota kuti murwire kakurutu kutenda kwakapuwa kamwe kuna vakacheneswa.