Vafiripi 1:18 - NOVO TESTAMENTO EM NDAU

¹⁸ Ndizvo chinyi? Kwega kuti ngo njira jese, pikija ngo kujiitisa, nokuti ngo gwinyiso, Kristu unochumaihwa; neni ndinodakara ndizvo, eya, ndinozodakara.

Bhaibheri Rakachena muChindau

¹⁸ Zvinendaa yenyi izvi? Kwega kuti ngenjira dzeshe, kunyazwi ngokudziitisa nokuti ngegwinyiso, Kristu unochumairwa; neni ndinodakara ndizvo. Eya, ndinozoangira kudakara,

Vafiripi 1:18 Iomraidhean Croise

Mateu 23:13

“Asi ikhombo kwomuri vatari no vafarisi, vajiitisi! Ngokuti munokonyera Umambo hwo mu gore ku vandhu; ngokuti imwimwi amunghwini, zve amutenderi avo vanoda kunghwina kuti vanghwine.

Marku 12:40

Avo vanochakata nyumba jo shirikaji, vechirebesa kukumbira ngo chakwenye vanozoashira kurashwa kwakanyanyisa kukura.”

Ruka 9:45

Asi avazivi kuzwisisa izwi iro, rakafishika kwavari, kuti vasazoriziva; navo vakatya kumubvunjisa ngo iro izwi.

Ruka 9:50

Asi Jesu wakati kwaari: “Musazomurambisa, ngokuti iye usikaambani nemwi, unomurwira imwimwi.”

Varoma 3:9

Ndizvo chinyi? Isisu tiri mundau yakapinda kushata kuna avo here? Haiwa, akuzivi kudaro; ngokuti ngo pamberi tambovaitira ndava vese vaJudha no vagiriki kuti vese vari pasi po kushaisha;

Varoma 6:15

Ndizvo chinyi? Tinozoshaisha here, ngokuti atiri pasi po mipango, asi pasi po nyasha? Haiwa zvisazodaro!

1 VaK. 10:19

Ndizvo ndinozoti kudini? Ndinozonanga here kuti chiro chakabaihwa miezaniso yo kudira chine shwiro?

1 VaK. 14:15

Ndizvo ndinozoitenyi? Ndinozokumbira ndi Mweya, ndechikumbira ngokuzwisisazve: Ndinozoemba ndi Mweya, ndechiemba ngokuzwisisazve.

1 VaK. 15:11

Ndizvo pikija ndini nokuti ndivo, ndiyo njira yo tinochumaira ndiyo, no njira yo mwakatenda ndiyo.

Vafiripi 1:19

Ngokuti ndinoziva kuti izvi zvinozokunukuka kuyita ruponeso rwangu, ngo kukumbira kwenyu na ngo kubesera kwo Mweya wa Jesu Kristu.