Mateu 10:3 - NOVO TESTAMENTO EM NDAU

³ na Firipi, na Bhartoromeu; Tomasi, na Mateu mushabisi; Jakobe mwana wa Arifeu, na Tadheu;

Bhaibheri Rakachena muChindau

³ Firipi, Bhathoromeu; Thomasi naMateu mubharisi; Jakobe mukororo waArifeusi, naThadheusi;

Mateu 10:3 Iomraidhean Croise

Mateu 18:17

Asi kuti iye akazoramba kuvapurukira, bvunjayi vo chiara: Asi kudari akazoramba kupurutana vo chiara, ngaayite kwouri kudari ngo wo vo majinja, nokuti ngo mushabisi.

Mateu 27:56

Pakati pavo payivapo Mariya Magadhareni, na Mariya mayi wa Jakobe na Josefa, na mayi wo vana va Zebhedhi.

Mateu 9:9

Na Jesu echipinda mberi, wakavona mundhu unozwi Mateu, akagara pandau yo kushabisa shangu; naye wakati kwaari: “Nditevere.” Naye wakamiruka, akamutevera.

Marku 15:40

Zve kwayivapo majimayi, vairingira vari ngo ndhambo, pakati pavo vayivapo Mariya Magadhareni, na Mariya mayi wa Jakobe mudoko, na Jose, na Sarome.

Marku 2:14

Achipinda wakavona Revhi mwana wa Arifeu wakagara panoshabiswa, naye wakati kwaari: “Nditevere. Naye wakamuka, wakamutevera.”

Marku 3:18

Andreu, na Firipi, na Bhartoromeu, na Mateu, na Tomasi, na Jakobe mwana wa Arifeu, na Tadheu, na Simoni muKenani,

Ruka 18:10

“Vandhu vaviri vakakwira mu themperi kwookumbira; no umweni wavo wayiva mufarisi, no umweni wayiva mushabisi.

Ruka 18:11

Mufarisi wakayima, akakumbira kudari pachake, akati: Mwari, ndinokubonga kuti andizivi kudari ngo vandhu vamweni, vanoba, vasikazivi kururama, vanoomba, kudari ngo uwu mushabisi.

Ruka 18:13

Asi mushabisi echiyima ngo ndhambo aazivi kutenda no kumusa majiso ake kuringira mu gore, asi wakarova diti rake, echiti: Mwari, ndikungurirei inini mushaishi!

Ruka 19:2

Vonanyi, mundhu zina rake raizwi ndi Zakeu; iye wayiva mukuru wo vashabisi, wayiva mukhupuki.

Ruka 5:27

Ngosure kwo izvi wakabvapo, wakavona mushabisi zina rake ndi Revhi akagara pandau yo kushabisa, shangu wakati kwaari: “Nditevere.”

Johani 1:48

Natanaeri wakati kwaari: “Wandiita mazivirenyi?” Jesu wakapingura, akati kwaari: “Ngo pamberi Firipi asati akudanija uri pasi po mukuyu, ndakakuvona.”

Johani 11:16

Ndizvo Tomasi uwo unozwi, Munyambiri, wakati kuvajiji shamwari jake: “Nesu ngatiendevo, kuti tife naye.”

Johani 14:22

Judhasi (asiriye Isikariyoti), wakati kwaari: “Mambo, zvinoita ngenyi kuti unozojivonisa kwetiri, usikajivonisi ku nyika?”

Johani 14:5

Tomasi wakati kwaari: “Mambo, atizivi pounoenda; no njira tingaiziva ngenyi?”

Johani 14:9

Jesu wakati kwaari: “Ndakagara nemwi mukuvo wakareba, asi ausati wandiziva here, Firipi? Iye wakandivona inini wakavona na Baba: Unonanga ngenyi kuti, Tipangijire Baba?

Johani 21:2

Vayiva vari pamwepo Simoni Pedru, na Tomasi, unozwi Munyambiri, na Natanaeri, uwo waibva Kana ro Garire, no vana va Zebhedhi, no vamweni vaviri vo vajiji vake.

Zvak. 1:13

Naapo vayinga vanghwinemwo, vakakwira ku kamera ro muturika, apo po vayigara vese; vana Pedru, na Jakobe, na Johani, na Andreu, na Firipi, na Tomasi, na Bhartoromeu, na Mateu, na Jakobe mwana wa Arifeu, na Simoni, na Judhasi mwana wa Jakobe.

Zvak. 12:17

Asi iye wakayita chivoniso ngo nyara kuti vanyarare, wakadurujira kwavari njira yaakamubudisa ndiyo Mambo mu guniya. Wakati: “Zivisanyi izvi kuna Jakobe nokuno hama.” Wakabvapo, akaenda kundau imweni.

Zvak. 15:13

Ngosure vakanyarara, Jakobe wakapingura, echiti: Vanarume, hama, mwechindizwanyi.

Zvak. 21:18

Na ngo zuva raitevera Pauri wakanghwina nesu kuna Jakobe; no vandhu vese vayivapo.

Vagaratiya 1:19

Asi andizivi kuvona vamweni vo vapostori, kwega Jakobe hama ya Mambo.

Vagaratiya 2:9

Naapo vakavona nyasha jakapuwa kwendiri, Jakobe na Khefasi na Johani, avo vaizwi vari majiro vakatibata inini na Bharnabha ngo nyasha jo kumuho ngo ukama, kuti isisu tiende kuno vo majinja, navo vaende kuno vakachekwa.

Jakobe 1:1

Jakobe, muranda wa Mwari no wa Mambo wedu Jesu Kristu, kuno majinja ari gumi na maviri evakaparajika: Ndinomuchungamija.

Judha 1:1

Judha, muranda wa Jesu Kristu, no hama ya Jakobe, kwavari vakadanijwa, vanodikana kuna Mwari Baba, vanongwaririhwa Jesu Kristu.