Mateu 10:2 - NOVO TESTAMENTO EM NDAU

² Aya ndiwo mazina o vapostori vari gumi na vaviri; uwo wokutanga ndi Simoni waizwi Pedru, na Andreu munukuna wake; na Jakobe mwana wa Zebhedhi, na Johani munukuna wake,

Bhaibheri Rakachena muChindau

² Aya ndiwo mazina evapostori gumi navairi: uwo wokutanga ndiSimoni waizwi Petro, naAndreu munun'una wake; naJakobe mukororo waZebhedhi, naJohani munun'una wake,

Mateu 10:2 Iomraidhean Croise

Mateu 17:1

Ngosure kwo mazuva matandhatu Jesu wakatora Pedru, na Jakobe, na Johani munukuna wake, akakwira navo panyezuru po dundhu rakareba, vari vega.

Mateu 20:20

Naapo kwakaviya kwaari mayi wo vana va Zebhedhi, pamwepo no vana vake, akamudira, echikumbira kwaari chiro chakatikuti.

Mateu 26:37

Naye wakatora navo Pedru no vana vaviri va Zebhedhi, naye wakatanga kusururika no kutambujika kukuru.

Mateu 4:18

Echifamba phedo po jombe ro Garire, wakavona hama mbiri, ndi Simoni unozwi Pedru, na Andreu munukuna wake vechikandira juya ravo mu jombe; ngokuti vayiva vatandi.

Mateu 4:21

Echibva apo wakavona hama jimweni mbiri, ndi Jakobe mwana wa Zebhedhi no munukuna wake Johani, vari mu ngarava pamwepo na baba wavo Zebhedhi, vechinasirira majuya avo; naye wakavadanija.

Marku 1:29

Naabuda kubva mu nyumba yo kudira, wakaenda ku nyumba ya Simoni na Andreu, na Jakobe, na Johani.

Marku 13:3

Naagara pa dundhu ro Maorivhe wakayita maringwa no themperi, Pedru na Jakobe na Johani na Andreu vakamubvunjisa vari vega, vakati:

Marku 6:30

No vapostori vakaungana kuna Jesu, vakaverenga kwaari zvese zvovakaiita, no zvavayinga vajijisa.

Ruka 11:49

Ndizvozve, kungwara kwa Mwari kwakati, ndinozotuma kwavari vaprofeti no vapostori; vamweni vavo vanozovauraya, vechivatambuja no kuvateverera;

Ruka 22:14

Naapo nguva yaguma wakagara pasi no vapostori.

Ruka 22:8

Naye wakatuma Pedru na Johani, echiti: “Endanyi mutinasirire Phasika, kuti tirihe.”

Ruka 5:10

zve inga zvakadaro kuno Jakobe na Johani, vana va Zebhedhi avo vayiva shamwari ja Simoni. Na Jesu wakati kuna Simoni: “Usatya, kubvira zvino unozobata vandhu.”

Ruka 9:10

Vapetuka, vapostori vakamuverengera zvese izvo zvakaitika. Naye wakavatora, akajipaura kuenda vari vega ku dhoropa raizwi Bhetisaidha.

Johani 12:22

Firipi wakaviya, akabvunja Andreu; Andreu na Firipi vakamubvunja Jesu.

Johani 13:23

Wayivapo umwe wo vajiji vake wayinga akacheama pa diti ra Jesu waidiwa ndi Jesu.

Johani 20:2

Ndizvo wakagogoma wakaguma kuna Simoni Pedru no kuno mujiji umweni uwo waaida Jesu, akati kwavari: “Vakabvisa Mambo kubva mu guva, nesu atizivi po vakamurajika.”

Johani 21:2

Vayiva vari pamwepo Simoni Pedru, na Tomasi, unozwi Munyambiri, na Natanaeri, uwo waibva Kana ro Garire, no vana va Zebhedhi, no vamweni vaviri vo vajiji vake.

Johani 21:20

Ndizvo Pedru echikunukukira sure, wakavona mujiji uwo waaida Jesu, echimutevera, wiya wayinga akatsheyama paditi rake mukuha kwo madekoni, uwozve wakati: “Mambo, ndiyani unozokupira?”

Johani 21:24

Uwu ndiye mujiji uwo unopupura ngo izvi zviro, no wakatara izvi: Nesu tinoziva kuti uchapupu hwake ngo hwo gwinyiso.

Johani 6:67

Ndizvo Jesu wakati kuna vari gumi na vaviri: “Munoda kuendavo here?”

Johani 6:70

Jesu wakapingura akati: “Andizivi kumutshanangura here muri gumi no vaviri? No umwe wenyu uri dhiyabhorosi?”

Johani 6:71

Asi wakavereketa ndi Judhasi Isikariyoti, mwana wa Simoni, ngokuti ndiye waizomupira, ari umwe wo vari gumi no vaviri.

Johani 6:8

Umwe wo vajiji vake, Andreu munukuna wa Simoni Pedru wakati kwaari:

Zvak. 1:13

Naapo vayinga vanghwinemwo, vakakwira ku kamera ro muturika, apo po vayigara vese; vana Pedru, na Jakobe, na Johani, na Andreu, na Firipi, na Tomasi, na Bhartoromeu, na Mateu, na Jakobe mwana wa Arifeu, na Simoni, na Judhasi mwana wa Jakobe.

Zvak. 1:26

Navo vakaringija hakata javo; no hakata jakabata Matiasi; naye wakaverengwa pamwepo no vapostori vari gumi naumwe.

Zvak. 12:2

Naye wakauraya Jakobe mukoma wa Johani ngo shoti.

Zvak. 3:1

Zvino Pedru na Johani vayikwira ku themperi ngo nguva yo kukumbira, kunoti, nguva yochipfumbamwe.

1 VaK. 15:7

Na ngosure wakavoneka kuna Jakobe; na ngosure wakavoneka kuvapostori vese;

Vaefesu 4:11

Ndiye wakapa vamweni kuti vayite vapostori; no vamweni kuyita vaprofeti, no vamweni kuyita vavhangeri, no vamweni kuyita vahavisi no vajijisi,

Vahebheru 3:1

Ndizvo hama jakacheneswa, jinoashiravo kudanijwa kwo mugore, pinimijanyi ngo Mupostori no Mupristi Mukuru wo kutenda kwedu, ndiye Jesu.

1 Pet. 1:1

Pedru mupostori wa Jesu Kristu, kwavari vakatsananguhwa vari zvigarandimo, vakaparajika mu Pontu, no Garatiya, no Kapadhokiya, no Aziya, no Bhituniya,

2 Pet. 1:1

Simoni Pedru, muranda no mupostori wa Jesu Kristu, kwavari vakakovehwa kugonda kuno mutengo mukuru pamwepo nesu, kwakadari ngo kwedu mukururama kwa Mwari wedu no Muponesi Jesu Kristu.

2 Joh. 1:1

Musharuka kuna mayi vakatsananguhwa no vana vavo, vondinoda ngo gwinyiso, andinipi ndega, asi navo vese vanoziva gwinyiso.

3 Joh. 1:1

Musharuka kuna Gaiyo unodikana wo ndinoda ngo gwinyiso.

Chakapangijihwa 1:1

Chakapangijihwa cha Jesu Kristu, chaakapuwa ndi Mwari, kuti apangijire kuvaranda vake izvo zvinosisira kuitika ngo kukasira, naye wakatuma, akazvipangijira ngo ngirosi yake kumuranda wake Johani,

Chakapangijihwa 1:9

Inini Johani, hama yenyu no shamwari yenyu mukutambujika no mu umambo, no kusengerera kuna Jesu, ndiri pa chirundu chinozwi Patimosi, ngo ndava yo izwi ra Mwari, no yo uchapupu hwa Jesu.

Chakapangijihwa 18:20

Dakaranyi ngo ndava yake, iwewe denga, nemwi vakacheneswa, nemwi vapostori, nemwi vaprofeti; ngokuti Mwari wakamutongera kutonga kwenyu.

Chakapangijihwa 22:8

Inini Johani ndakazwa ndikavona izvi. Naapo ndazwa no kuvona, ndakawa pasi kudira pamberi po tshoka jo ngirosi yakandipangijira izvi.