Marku 9:25 - NOVO TESTAMENTO EM NDAU

²⁵ Jesu naavona kuti mbungano yaigogoma kuviya pamwepo, wakathusa mweya wakashata, echiti kwouri: “Iwewe mweya wo umbeveve no wo mandondo, ndinokupanga kuti ubude kubva kwaari, usatongozonghwinazve kwaari.”

Bhaibheri Rakachena muChindau

²⁵ Jesu aona kuti mbungano yairumba kuuya pamwepo, wakakaraidza mweya wakashata echiti kwouri, “Iwewe mweya wembeveve newedziiranzee, ndinokupanga kuti ubude kubva mwaari, usachazopoterazve mwaari.”

Marku 9:25 Iomraidhean Croise

Mateu 12:22

Naapo kwakaziswa kwaari umwe wayiva no mabzoka, uri bofu no umbeveve. Naye wakamurapa, ngokudaro mbeveve yakavereketa no kuvona.

Mateu 17:18

Na Jesu wakambirimbija iro bzoka; naro rakabuda kubva kwaari; no murumbwana wakarapwa kubvira nguva iyo.

Marku 9:15

Paripo mbungano yese yakamuvona yakashamiswa kakurutu, yakagogoma kuviya kwaari, yakamuchungamija.

Marku 9:24

Paripo baba vo mwana vakadanijira, vakati: “Ndinotenda; besera kutama kutenda kwangu.”

Marku 9:26

Nawo wakamima, no kumusukumija kakurutu, wakabuda kubva kwaari; no mwana uwo wakayita kudari ngo watofa, kwokuti vazhinji vavo vakati: Watofa.

Ruka 11:14

Iye waimbirimbija bzoka, rayiva mbeveve, kwakaitika bzoka rabuda, mbeveve yakavereketa. No mbungano yakashamiswa.

Ruka 4:35

Asi Jesu wakauthusa, wakati: “Nyarara, ubude kubva kwaari.” Kwakati bzoka rakamukandira pasi, pakati pavo, rakabuda kwaari, risikazivi kumuremaja.

Ruka 4:41

No mabzoka, akabudavo kubva kuvazhinji, echimima, echiti: “Iwewe uri Kristu Mwana wa Mwari.” Iye echianyaraja aazivi kutenda kuti averekete, ngokuti iwo aimuziva kuti uri Kristu.

Ruka 8:29

Ngokuti iye inga apanga mweya wakashata kuti ubude mumundhu. Ngokuti kazhinji waimubata; naye waingwarihwa ngo varindi, akasungwa ngo magaragajero, no matanda; asi waidajura zvisungo izvo, echikwehwa kuenda ku bani ngo mabzoka.

Ruka 9:42

Kwakati achaviya bzoka rakamuwisa pasi, rikamubvununguja kakurutu. Asi Jesu wakauthusa mweya wakashasa, akamurapa murumbwana akamupazve kuna baba wake.

Zvak. 16:18

Wakayita izvi mazuva mazhinji. Asi Pauri, echitambujwa kakurutu mu mweya mwake, wakakunukuka, akati kuno mweya uwo: “Ndinokupanga ngo zina ra Jesu Kristu kuti ubude kwaari.” Nawo wakabuda ngo nguva iyo.

Judha 1:9

Asi Mikaeri, ngirosi huru apo yairwa na Dhiabhorosi, yechikanija ngo ndava yo muviri wa Mosi, isikazivi kuchunga kumuitira kutukwa kwo kutonga, asi yakati: “Mambo ngaakukamise!”