Marku 4:11 - NOVO TESTAMENTO EM NDAU

¹¹ Wakati kwavari: “Kwakapuwa kwomuri, kuzwisisa zvakafishika zvo Umambo hwa Mwari, asi kwavari avo vari kunja zvese zvinoitwa ngo muezaniso,

Bhaibheri Rakachena muChindau

¹¹ Wakati kwavari, “Kwakapuwa kwomuri kuzwisisa zvakafishika zvoumambo hwaMwari, asi kwavari avo vari kubanze zveshe zvinoitwa ngemiedzaniso,

Marku 4:11 Iomraidhean Croise

Mateu 11:25

Ngo uwo mukuvo Jesu wakapingura, akati: “Ndinokutenda, Baba, Mambo wo mu gore no wo nyika, ngokuti iwewe wakazvifisha izvi kuno vakangwara no vanokuziva, wakazvipangijira kuchiya.

Mateu 13:16

Asi anomuchena majiso enyu, ngokuti anovona; no njeve jenyu, ngokuti jinozwa.

Mateu 16:17

Na Jesu wakapingura, akati kwaari, “Unomuchena iwewe Simoni, mwana wa Jona, ngokuti nyama no ngazi azvizivi kuvonisa ichi kwouri, asi Baba wangu vari mu gore.

Marku 3:23

Naye wakavadanija, wakavereketa kwavari, ngo muezaniso wakati: “Sathani ungaita mambirimbijirenyi Sathani?

Marku 4:10

Naapo ari ega, no vajiji gumi na vaviri naavo vayiva naye vakamubvunjisa ngo ndava yo muezaniso.

Marku 4:2

Wakavajijisa zvakawanda ngo miezaniso, wakati kwavari mukujijisa kwake:

Ruka 8:10

Wakati kwavari: “Kwakapuwa kwomuri kuziva zvakafishika zvo Umambo hwa Mwari, asi kuno vamweni, kuti vazwe ngo muezaniso, kuti pikija vechivona, avavonesesi, vechizwa avazwisisi.”

1 VaK. 4:7

Ngokuti ndiyani wakakuita kuti uparajane? Unenyi chousikazivi kuashira? Asi kuti wakachiashira, unoganza ngenyi, kudari ngousikazivi kuchiashira?

2 VaK. 4:6

Ngokuti Mwari wakati, kujeka kunozojeka kwechibva muchidima, ndiye wakajeka mumwoyo mwedu, kuti atipe kujeka kwokuziva uthende hwa Mwari muhope ya Jesu Kristu.

Vaefesu 1:9

ngo kutizivisa chakafishika chokuda kwake, kudari ngo kunaka kwokuda kwake kwaakaemesa ndiye;

Vakorose 4:5

Fambanyi muungwaru kwavari vari kunja mwechitenga mukuvo.

1 VaTes. 4:12

kuti mufambe ngo njira inosisira kwavari vari kunja, musina chomunotama.

1 Tim. 3:7

Zve kunodikana kuti ayite wo vanopupura zvakanaka ndiye avo vari kunja kuti asazowa mukushohwa no muravo wa Dhiabhorosi.

1 Joh. 5:20

Nesu tinoziva kuti Mwana wa Mwari wakaviya, akatipa kuzwisisa kuti tizive uwo uno gwinyiso. Nesu tiri mukati mwo uwo uri gwinyiso, mukati mwo Mwana wake Jesu Kristu. Uwu ndiye Mwari wo gwinyiso, no kupona kusikaperi.