Marku 13:9 - NOVO TESTAMENTO EM NDAU

⁹ Asi jingwarirenyi imwimwi pachenyu ngokuti vanozomupira mubangano, nemwi munozorohwa mu nyumba jo kudira javo; munozoima pamberi po vatongi no majimambo ngo ndava yangu, kuyita chapupu kwavari.

Bhaibheri Rakachena muChindau

⁹ “Asi dzingwarirenyi imwimwi pachenyu; ngekuti vanozomupira kumakota; nemwi munozorohwa mumhatso dzavo dzokudira; munozoema pamberi pevatongi nemadzimambo ngepamusoro pangu, kuita chapupu pamberi pavo.

Marku 13:9 Iomraidhean Croise

Mateu 5:22

Asi inini ndinoti kwomuri, Mundhu wese uwo anotsenekera munukuna wake unozova no ndava yo kutongwa; no uwo unozotuka munukuna wake, kuti; Mundhu usina shwiro; unozova no ndava yo kutongwa ngo vatongi, no uwo unozoti, iwewe benji, unozova no ndava yo kurashwa mu Gehena ro muriro.

Marku 1:44

wakati kwaari: “Ngwarayi kuti uchazobvunja mundhu ngo izvi: Asi endayi kwojitatija kuno mupristi, upekeje ngo ndava yo kuponeswa kwako izvo zvaakaemesa Mosi, kuyita chapupu kwavari.”

Marku 13:5

Jesu wakatanga kuvabvunja, echiti: “Ngwaranyi kuti musazopaukiswa ngo mundhu pikija ndiyani.”

Marku 13:8

Ngokuti jinja rinozomukirana no jinja, no umambo hunozomukirana no umambo; kunozovapo kuzungunyika kwo nyika ku ndau jakaparajana; kunozovapo njara. Izvi zviri zvokutanga kwo matambujiko.

Marku 6:11

Pikija ngo yapi ndau yo musikazoashihwi, nokuti kupurukihwa mwoobvapo phumbujanyi bukuta pasi potshoka jenyu kuti riite chapupu ndivo.”

Ruka 9:5

Naavo vasikazomuashiri, mwoobva mu dhoropa iro, munozophumbuja bukuta pasi po tshoka jenyu kuitira chapupu kuvaitira ndava.”

Johani 15:20

Karakajanyi izwi iro ro ndakavereketa kwomuri, kuti: Muranda aatongopindi mambo wake. Kudari vakanditeverera inini, vanozomutevereravo: Kudari vakangwarira izwi rangu, vanozongwarira no renyuvo.

Johani 16:2

Vanozomumbirimbija kubva mu nyumba javo jo kudira: Eya, nguva inoviya apo mundhu wese, unozomuuraya, unozopinimija kuti uri kushandira Mwari.

Zvak. 21:11

Echiviya kwetiri, atora bhande ra Pauri, wakajisunga tshoka jake, no nyara, akati: Unonanga izvi Mweya Wakachena: Nokudaro vaJudha vari mu Jerusarema vanozosunga mune wo bhande iri, vanozomupira mu nyara jo vo majinja.

Zvak. 7:54

Naapo vechizwa izvi vakabaiwa mu mwoyo, navo vakamukwetsera mazino.

Zvak. 9:16

Ngokuti ndinozomupangijira uwandu hwaanozotambujwa ngo ndava yo zina rangu.”

Vafiripi 1:29

Ngokuti kwakatendehwa kwomuri ngo ndava ya Kristu, andikwo kwega kwo kumutenda, asi kuti mutambujikevo ngo ndava yake,

2 VaTes. 1:5

Izvo zviri chipangijiro cho kurungama kwo kutonga kwa Mwari; kuti muverengwe muri vanosisira Umambo hwa Mwari, hwo munotambujikiravo:

2 Joh. 1:8

Jingwarirenyi kuti musazorashikihwa ngo zvo takashanda, asi kuti muashire musharo wakaperera.

Chakapangijihwa 1:9

Inini Johani, hama yenyu no shamwari yenyu mukutambujika no mu umambo, no kusengerera kuna Jesu, ndiri pa chirundu chinozwi Patimosi, ngo ndava yo izwi ra Mwari, no yo uchapupu hwa Jesu.

Chakapangijihwa 2:10

Usatya izvo zvo unozotambujika ndizvo, vonai, Dhiabhorosi woda kunghwinisa vamweni venyu muguniya, kuti muejwe; nemwi munozova no dambujiko mazuva ari gumi. Ita unogondeka mbhera mukufa, neni ndinozokupa junguja ro kupona.

Chakapangijihwa 2:13

Ndinoziva pounogara, ndipo pano dendemaro ra Sathani; newe unobatisisa zina rangu, ausati waramba kutenda kwangu, eya, nokuti kumazuva a Antipasi chapupu changu chakagondeka, wakaurawa pakati penyu, ndipo paanogara Sathani.