Marku 13:26 - NOVO TESTAMENTO EM NDAU

²⁶ Naapo vanozovona Mwana wo Mundhu echiviya mu makore uno simba guru no uthende.

Bhaibheri Rakachena muChindau

²⁶ Naapo vanozoona Mukororo woMunhu echiuya mumakore anesimba guru nouthende.

Marku 13:26 Iomraidhean Croise

Mateu 16:17

Na Jesu wakapingura, akati kwaari, “Unomuchena iwewe Simoni, mwana wa Jona, ngokuti nyama no ngazi azvizivi kuvonisa ichi kwouri, asi Baba wangu vari mu gore.

Mateu 16:27

Ngokuti Mwana wo Mundhu anozoviya mu uthende hwa Baba wake pamwepo no ngirosi jake; naapo unozopa mundhu wese kudari ngo mishando yake.

Mateu 16:28

“Zvirokwazvo, ndinoti, kuti varipo vamweni venyu vanoyima pano, avo vasikazozwi kufa mbhera vavone Mwana wo Mundhu echiviya mu Umambo hwake.”

Mateu 24:30

Naapo kunozovoneka chivoniso cho Mwana wo Mundhu mu gore, no majinja ese onyika anozochema, nao anozomuvona Mwana wo Mundhu echiviya panyezuru po makore o mu gore, unomasimba no uthende hukuru.

Mateu 25:31

“Asi apo Mwana wo Mundhu oozoviya mu uthende hwake, no ngirosi jake naye, naapo unozogara panyezuru po dendemaro ro uthende hwake.

Marku 14:62

Jesu wakati: “Ndiri iye; nemwi munozovona Mwana wo Mundhu wakagara ngo kumuho kwo Unosimba, echiviya mu makore wo mu gore.”

Marku 8:38

Ngokuti pikija ndiyani unozopsheruka ndini, no mazwi angu kuno uwu mubarihwana unoomba no unoshaisha, Mwana wo Mundhu unozopsherukavo ndiye apo oozoviya mu Muuthende hwa Baba wake, pamwepo no ngirosi jake jakachena.

Marku 9:1

Wakati kwavari: “Ngozvirokwazvo ndinoti kwomuri, varipo vamweni veavo vanoyima pano, vasikazozwi kufa mbhera vavone Umambo hwa Mwari hwechiviya ngo simba.”

Ruka 21:27

Naapo vanozovona Mwana wo Mundhu echiviya mu makore ano simba no uthende hukuru.

Zvak. 1:11

Avozve vakati kwavari: “Vamuna vo Garire, munoima ngenyi mwechiringira mu denga? Uwu Jesu waashihwa kubva kwomuri kuenda mu denga, unozoviyazve kudari ngo zvo mwakamuvona echienda mu denga.”

1 VaTes. 4:16

Ngokuti Mambo ambhwine unozobzuka kubva mu gore, ngo kudanijira na ngo izwi ro ngirosi huru, na ngo kurijwa kwo mbhayapaya ya Mwari; no vakafa vari kuna Kristu vanozotanga kumuka;

2 Pet. 1:16

Ngokuti atizivi kutevera ngano jakaizwa ngo urimbwi, apo takazivisa kwomuri simba no kuviya kwa Mambo Jesu Kristu, asi tayiva zvapupu zvo majiso zvo ukuru hwake.

Chakapangijihwa 1:7

Vonanyi unoviya no makore, no majiso ese anozomuvona, naavozve vakamubaya no majinja ese onyika anozochumba ngo ndava yake. Eya, Ameni.