Marku 10:14 - NOVO TESTAMENTO EM NDAU

¹⁴ Asi Jesu echivona wakahwajihwa, wakati kwavari: “Tenderanyi vana vadoko vaviye kwendiri, musavarambija; ngokuti Umambo hwa Mwari ngo hwavakadari ngaava.

Bhaibheri Rakachena muChindau

¹⁴ Asi Jesu echiona wakashishwa akati kwavari, “Tenderai vana vadoko vauye kwendiri, musavarambidza; ngokuti umambo hwaMwari ngehwevakadai ngeava.

Marku 10:14 Iomraidhean Croise

Mateu 18:10

“Ngwarayi kuti musazoshora umwe we ava vadoko. Ngokuti ndinoti kwomuri, mu denga ngirosi javo jinogara jichivona hope ya Baba wangu vari mu gore.

Mateu 18:4

Ndizvo iye unozojipfavisa kudari ngo uwu mwana mudoko, iye ndiye uri mukuru mu Umambo hwo mu gore.

Mateu 19:14

Asi Jesu wakati: “Tenderanyi vana vadoko kuti vaviye kwendiri, musavarambisa, ngokuti Umambo hwo mu gore ngo hwavakadaro.”

Mateu 5:10

Vanomuchena avo vanotambujwa ngo ndava yo kururama; ngokuti Umambo hwo mu gore ngo hwavo.

Mateu 5:3

“Vanomuchena varombo vo mweya, ngokuti ngo hwavo Umambo hwo mu gore.

Marku 3:5

Naapo ayinga avaringisisa ngo ushungu, echihwajihwa ngo kuchunga kwo mwoyo yavo, wakati ku mundhuwo: “Tambanuja nyara yako.” Naye wakatambanuja, no nyara yake yakarapika.

Marku 8:33

Asi iye, naatenderuka, avona vajiji vake, wakamurambisa Pedru, wakati: “Ibva uende sure kwangu, Sathani; ngokuti auzwisisi ngo zva Mwari, asi izvo zvo vandhu.”

Johani 3:3

Jesu wakapingura, akati kwaari: “Zvirokwazvo, zvirokwazvo, ndinoti kwouri, kudari mundhu asakabahwa ngo kwo mu denga, aangahuvoni Umambo hwa Mwari.”

Johani 3:5

Jesu wakapingura akati: “Zvirokwazvo, zvirokwazvo, ndinoti kwouri, kudari mundhu asikabahwi ngo kumwa na ngo Mweya, aana simba ro kunghwina mu Umambo hwa Mwari.

Zvak. 2:39

Ngokuti chigondiso chakagondiswa kwomuri, no kuvana venyu, no kwavari vese vari ndhambo, vese avo vanozodanijwa ndi Mambo Mwari wedu.”

Zvak. 3:25

Imwimwi muri vana vo vaprofeti, no vo chitenderano chaakaita Mwari no majibaba enyu, echiti kuna Abrahama, no ku rusinga rwako mbhuri jese jo mu nyika jinozodakajiswa.

Varoma 11:16

Nokudari mutanguro wo hlama uri wakachena, makanywa ari akachenavo; nokudari muji uri wakachena, matavi ari akachenavo.

Varoma 11:28

Ngo ndava yo vhangeri, vari vakorore ngo ndava yenyu; asi ngo ndava yo kutsananguhwa, vari vanodikana ngo ndava yo majibaba.

1 VaK. 14:20

Hama, musayita vana vokuzwisisa; asi muzvakashata itanyi vana, mukuzwisisa itanyi vabva mundanga.

1 VaK. 7:14

Ngokuti mwamuna usikatendi unocheneswa ngo mukaji, no mukaji usikatendi unocheneswa ngo mwamuna. Kudari zvisikazivi kudaro, vana venyu inga vasikazivi kucheneswa, asi zvino vari vakacheneswa.

Vaefesu 4:26

Tsenekanyi, musikashaishi; musatendera kuti zuva ribire mwakatseneka.

2 Tim. 1:5

ndechicherechejiswa ngo kugonda kwo gwinyiso kuri mukati mwako; ukwo kwayiva pakutanga kuna mbiya wako Roisi; no kuna mayi wako Unike kwo ndinoziva kuti kuri kwourizve.

2 Tim. 3:15

Zve kubvira paudoko hwako, wakaziva Matahwa Akachena ano simba rokuyita kuti ungware kuruponeso kubudikija ngo kugonda kuri kuna Kristu Jesu.

1 Pet. 2:2

Kudari ngo chiya jichaamba kuberekwa disisanyi mukaka wo Mweya usina kuchengeja, kuti mukure ndiwo, muponeswe.

Chakapangijihwa 14:5

No mumiromo yavo amuzivi kuvoneka kunyepa. Avana ndava pamberi po dendemaro ra Mwari.