Jakobe 5:8 - NOVO TESTAMENTO EM NDAU

⁸ Nemwi itanyi vanosengerera kudaro; gwinyisanyi mwoyo yenyu: Ngokuti kuviya kwa Mambo kwaaphedo.

Bhaibheri Rakachena muChindau

⁸ Nemwiwo itai vanosengerera kudaro. Tsimisai mwoyo yenyu, ngokuti kuuya kwaMambo kwaapasinde.

Jakobe 5:8 Iomraidhean Croise

Ruka 21:19

Mukusengerera kwenyu munozoponesa ndaramo jenyu.”

Johani 21:22

Jesu wakati kwaari: “Kudari ndechida kuti agare mbhera ndiviye, unenyi nazvo iwewe? Nditevere.”

Varoma 8:25

Asi kudari tine gonda ro icho cho tisikavoni, naapo tinozochigarira ngo kusengerera.

Vagaratiya 5:22

Asi michero yo Mweya iri: Rudo, kudakara, kunyarara, kusengerera, nyasha, kunaka, kugondeka,

Vafiripi 4:5

Kupfava kwenyu ngakuzivikanwe ku vandhu vese. Mambo waaphedo.

1 VaTes. 1:10

no kugarira Mwana wake echibva mu gore, waakamusa kwo vakafa, ndi Jesu uwo unotinunura muushungu hunoviya.

1 VaTes. 2:19

ngokuti chinyi chiri gonda redu, nokuti kudakara kwedu, nokuti junguja ro kuganza? Andimwipi here, pamberi pa Mambo wedu Jesu ngo kuviya kwake?

1 VaTes. 3:13

Kuti iye agwinyise mwoyo yenyu isina ndava mukucheneswa pamberi pa Mwari wedu Baba, ngo nguva yo kuviya kwa Mambo wedu Jesu pamwepo no vakacheneswa vake vese.

2 VaTes. 3:5

Mambo ngaatungamirire mwoyo yenyu kuno rudo rwa Mwari, no kuno kusengerera kwa Kristu.

Jakobe 5:3

Mukore yenyu no sirivha yenyu zvaano furuju; no furuju yazvo inozoita chapupu cho kumuitira ndava, nayo inozoha nyama yenyu kudari ngo muriro. Mwakaunganijira upfumi hwenyu mu mazuva okugumisira.

Jakobe 5:9

Hama, musan'un'utirana, umwe kuno umweni, kuti musazotongwa; ringiranyi mutongi unoyima pamusuvo.

1 Pet. 4:7

Asi kupera kwo zviro zvese kwaaphedo; ndizvo itanyi vakangwara, murinde mukukumbira.

Chakapangijihwa 22:20

Iye unopupura izvi unoti: “Eya ndinokasira kuviya.” Ameni, viya Mambo Jesu.