Jakobe 4:8 - NOVO TESTAMENTO EM NDAU

⁸ Khwederanyi kuna Mwari, naye unozokhwedera kwomuri. Shambanyi nyara jenyu, imwimwi vashaishi; muchenese mwoyo yenyu imwimwi muno mipinimijo muviri.

Bhaibheri Rakachena muChindau

⁸ Kwedzerai pasinde naMwari, naye unozokwedzera pasinde kwomuri. Shambai nyara dzenyu, imwimwi vashaishi, muchenese mwoyo yenyu imwimwi munemipinimidzo miiri.

Jakobe 4:8 Iomraidhean Croise

Mateu 12:33

“Mwechiita kuti muti unake no michero yawo inake; nokuti muyite kuti muti ushate no michero yawo ishate. Ngokuti muti unozivikana ngo michero yawo.”

Mateu 15:2

“Ngenyi vajiji vako vanogura chirovejeso cho vokare, ngokuti avashambi nyara javo apo vachiha chimanda.”

Mateu 27:24

Naapo Piratu wavona kuti asayikona kubesera chiro, asi kwega kuti hohoho yayimuswa, wakatora kumwa, akashamba nyara jake pamberi po mbungano, echiti: “Inini andina ndava yo ngazi yo uwu mundhu: Jivonerenyi icho imwimwi.”

Zvak. 15:9

naye aazivi kuyita mupauko pakati pedu navo, echichenesa mwoyo yavo ngo kugonda.

2 VaK. 7:1

Ndizvo vanodikana, kudari ngozvotinazvo izvi zvigondiso, ngatijichenese kubva kwo zvinosvipisa zvese zvo nyama no zvo Mweya, techiperera mukucheneswa mukutya Mwari.

1 Tim. 2:8

Ndizvo ndinoda kuti vanarume vakumbire kundau jese, vechimiruja nyara jakacheneswa, kusina ushungu no hasha.

Vahebheru 10:22

ngatikwedere tino mwoyo uno gwinyiso, mukugonda kwakazarisika, tino mwoyo yedu yakafafazwa kubva kumikarakajo yakashata, no miviri yedu yakashambijwa ngo kumwa yakadora.

Vahebheru 7:19

(ngokuti mupango auzivi kuyita chiro nachimwe kuti chiperere) no kuzisa pandau yawo gonda rakapinda kunaka, ndiro tinokwedera kuna Mwari.

Jakobe 1:8

mundhu unomipinimijo miviri unotsanduka-tsanduka mu njira jake jese.

Jakobe 3:17

Asi ungwaru uhwo unobva mugore kutanga huri hwakachena, zve, unonyararisa, hwakapfava, hunoreruka kupotwa, hwakazara ngo nyasha no michero yakanaka, husina mukheto, husina kujiitisa.

1 Pet. 1:22

Kwechivoneka kuti mwakacheneswa mweya yenyu mukupurutana gwinyiso ngo mumwoyo mukuva no rudo rusikajiitisi kuhama, idananyi ngo mwoyo wakasukika kakurutu.

1 Pet. 3:21

No uwo muezaniso wo rubhapatiso, unomuponesa, andirwo runobvisa svina yo nyama, asi ruri mupinguro wo mwoyo isina ndava kuna Mwari, ngo kumuka kwa Jesu Kristu kwo vakafa.

1 Joh. 3:3

Mundhu wese uno iri gonda mukati mwake unojichenesa, kudari ndiye wakachena.