Jakobe 2:21 - NOVO TESTAMENTO EM NDAU

²¹ Abrahama baba wedu, aazivi kupembejwa here ngo mishando, ngo kupira Isaka mwana wake kuyita mudiro paaltari?

Bhaibheri Rakachena muChindau

²¹ Abrahama, baba edu, avazi kupembedzwa here ngemishando, apo pevakapira Isaka mukororo wavo kuita mudiro paarita?

Jakobe 2:21 Iomraidhean Croise

Mateu 12:37

Ngokuti ngo mazwi ako unozopembejwa, na ngo mazwi ako unozopariswa ndava.

Mateu 3:9

Musarangarija mwechiti mukati mwenyu, tina Abrahama baba wedu; ngokuti ndinoti kwomuri, kuti Mwari uno simba ngaaya mapuwe kumusira vana kuna Abrahama.

Ruka 1:73

mbhiko iyo yaakapika kuna baba wedu Abrahama,

Ruka 16:24

Naye wakadanijira, akati: Baba Abrahama, ndiyitire nyasha, utume Razaro kuti abije ku magumo echikunwe chake mu kumwa, atondhoje rurimi rwangu; ngokuti ndiri mukuhwajihwa mu murazvu uwu.

Ruka 16:30

Asi iye wakati: Haiwa, baba Abrahama, asi kudari umwe echienda kwavari echibva kwo vakafa, vanozotenderuka.

Johani 8:39

Vakamupingura, vakati kwaari: “Baba wedu ndi Abrahama.” Jesu wakati kwavari: “Kudari mwayiva vana va Abrahama, mwaizoyita mishando ya Abrahama.

Johani 8:53

Iwewe uri mukuru here kuna baba wedu Abrahama, vakafa, no vaprofeti vakafa; unojiyita iyani?”

Zvak. 7:2

Naye wakati: “Vanarume, vakoma, no majibaba, purutanayi, Mwari wo uthende wakavoneka kuna baba wedu Abrahama, apo wayigara mu Mesopotamiya, asati agara mu Harani,

Varoma 3:20

Ngokuti ngo mishando yo mipango akuna mundhu ungapembejwa pamberi pake; ngokuti ngo mipango kushaisha kunozivikanwa.

Varoma 4:1

Ndizvo tinozonangenyi ndi Abrahama baba wedu vokwenyama? Kuti wakavonenyi?

Varoma 4:12

Zve kuti ayite Baba vo vakachekwa kwavari, andivo vo vakachekwa vega, asi wo avozve vanofamba muzvitsiko zvo kugonda kwavaiva anakwo Baba wedu Abrahama, apo ayinga asati achekwa.

Varoma 4:16

Ndizvo kuri kwo kugonda, kuti kuitwe kupuwa ngo nyasha; ngo ndava yokuti chigondiso icho chigwinyiswe kumibarihwana yese, haiwa kwavari vega vari vo Mipango, asi no kwavari vari vo kugonda kwa Abrahama, uri Baba wedu tese.

Vahebheru 11:17

Ngo kugonda Abrahama, echiejwa, wakapira Isaka kuyita mudiro: Eya, uwo wakaashira ngo kudakara zvigondiso, akapira mwana wake wakabahwa ari ega.

Jakobe 2:18

Asi mundhu unozoti: “Iwewe uno kugonda, inini ndino mishando; ndipangijire kugonda kwako kusina mishando yako, neni ndinozokupangijira kugonda kwangu ngo mishando yangu.”

Jakobe 2:24

Munovona kuti mundhu unopembejwa ngo mishando, andikwopi ngo kugonda kwega.