1 VaTes. 1:5 - NOVO TESTAMENTO EM NDAU

⁵ ngokuti vhangeri redu arizivi kuviya kwomuri ngo izwi rega, asi ngo simbavo, no mu Mweya Wakachena, na ngo kugwinyiswa kukurutu; kudari ngo zvomunoziva kuti tainga tiri vandhu vakadini pakati penyu.

Bhaibheri Rakachena muChindau

⁵ ngokuti vhangeri redu arizi kuuya kwomuri ngeizwi rega, asi ngesimbawo nomuMweya Wakachena nokugwinyiswa kukurutu; kudai ngezvomunozia kuti taiya tiri vanhu vakadini pakati penyu ngendaa yenyu.

1 VaTes. 1:5 Iomraidhean Croise

Marku 16:20

Navo vakaenda, vakachumaira ku ndau jese, Mambo echishanda pamwepo navo, echigwinyisa izwi ngo mivoniso yaiva navo.

Ruka 1:1

Ngokuti vazhinji vakaeja kurongeja tshamba ngo ndava yo izvo zvakaitika pakati pedu,

Zvak. 11:21

No nyara ya Mambo yayiva navo, no vazhinji vakatenda, vakatenderukira kuna Mambo.

Zvak. 16:14

No mujimayi wakatikuti zina rake raizwi Ridhiya, mutengesi wo machira akapshukuruka, wo dhoropa ro Tiatira, uwo waidira Mwari, wakatizwa. Uwo Mambo wakabewura mwoyo wake kuti apurutane izvo zviro zvakavereketwa ndi Pauri.

Zvak. 2:33

Ndizvo iye echikuriswa ngo kumuho wa Mwari, aashira chigondiso cho Mweya Wakachena kubva kuna Baba, wakadurura ichi cho munovona, no cho munozwa.

Varoma 1:16

Ngokuti andina nyowa ngo vhangeri; ngokuti riri simba ra Mwari ro ruponeso kwavari vese vanotenda, kutanga ku vaJudha, no ku vagiriki navo.

Varoma 15:13

Zvino Mwari wo gondero ngaamuzarise ngo kudakara kwese no kunyarara, mukutenda, kuti muwanjwe mukugonda, ngo simba ro Mweya Wakachena.

Varoma 2:16

ngoiro zuva raanozotonga ndiro Mwari zvakafishika zvo vandhu, ndiye Jesu Kristu, kudari ngo vhangeri rangu.

1 VaK. 1:24

Asi kwavari vakadanijwa, vese vaJudha no vagiriki, Kristu uri simba ra Mwari, no ungwaru hwa Mwari.

1 VaK. 10:33

Kudari ndinivo ndinodakajisa vandhu vese ngo zviro zvese, ndisikapshaki kuviyihwa kwangu, asi kuviyihwa kwo vazhinji, kuti vaponeswe.

1 VaK. 3:16

Amuzivi here kuti imwimwi muri themperi ra Mwari, nokuti Mweya wa Mwari, unogara mukati mwenyu?

1 VaK. 3:6

Inini ndakasima, na Aporo wakadirijira, asi Mwari wakameresa.

1 VaK. 4:20

Ngokuti Umambo hwa Mwari andihwopi hwo izwi, asi hwo simba.

1 VaK. 9:14

Ngokudaro Mambo wakapanga kuti avo vanochumaira vhangeri, vapone ngo zvo vhangeri.

2 VaK. 3:6

uwozve wakatiita vanokwanisa tiri vashandiri vo chitenderano chipsha; andichopi cho kubatirira kumazwi, asi cho Mweya: Ngokuti kubatirira izwi kunouraya, asi Mweya unopa kupona.

Vagaratiya 2:2

Neni ndakakwireyo ngo kuvoniswa; ndakavapangijira vhangeri rendinochumaira pakati po majinja, asi ndakaripangijira kuna vakuru vari vega, kuitira kuti ndisagogoma, nokuti ndayiva ndakagogoma pasina shwiro.

Vagaratiya 5:5

Ngokuti isisu ngo Mweya wo kugonda tinogarira gonda ro kururama.

Vaefesu 2:10

Ngokuti isisu tiri mushando wake, takasikihwa kuna Kristu Jesu, kuti tiite mishando yakanaka, yaakatinasirira kare Mwari kuti tifambe mukati mwayo.

Vaefesu 3:20

Zvino kwaari uno simba ro kuyita kukuru kupinda zvese zvotinokumbira, no zvotinopinimija, kudari ngo simba rinoshanda mukati mwedu.

Vafiripi 2:13

Ngokuti ndiye Mwari unoshanda mukati mwenyu, zvese kuda no kuyita, kudari ngokuda kwake.

Vafiripi 4:9

Izvo zvomwakajija no kuashira, no kuzwa, no kuvona, kwendiri, itanyi izvozvo; na Mwari wo kunyarara unozova nemwi.

Vakorose 2:2

kuti mwoyo yavo iembezehwe, vechibatana pamwepo murudo no muupfumi hwese hwo kugonda hwakaperera hwo kuzwisisa, kuti vazive chakafishika cha Mwari, chiri Kristu,

1 VaTes. 2:13

Ngo iyi ndava tinobonga Mwari tisikaregeri, kuti, apo mwaashira kwetiri, iri shoko ra Mwari, mwakariaashira kunonga risiri izwi ro vandhu, asi, kudari ngo zvoriri gwinyiso, izwi ra Mwari, rinoshandazve mukati mwenyu, imwimwi munotenda.

2 VaTes. 2:14

Kweriri wakamudanija ngo vhangeri redu, kuti muashire uthende hwa Mambo wedu Jesu Kristu.

2 Tim. 2:10

Ndizvo ndinochungirira zvese ngo ndava yo vakatsananguhwa, kuti vawanevo ruponeso ruri kuna Kristu Jesu pamwepo no uthende husikaperi.

2 Tim. 2:8

Cherecheja Jesu Kristu wo ruji rwa Dhavhidha, wakamuka kwo vakafa kudari ngo vhangeri rangu;

Vahebheru 10:22

ngatikwedere tino mwoyo uno gwinyiso, mukugonda kwakazarisika, tino mwoyo yedu yakafafazwa kubva kumikarakajo yakashata, no miviri yedu yakashambijwa ngo kumwa yakadora.

Vahebheru 6:11

Nesu tinodisisa kuti umwe naumwe wenyu apangijire kutsamwirira kwakadaro kuno kugonda kwakazarisika mbhera mukugumisira.

1 Pet. 1:12

Kwavari kwakapangijihwa kuti avasaijishandira, asi vaitishandira isisu ngo izvi, zvakateketeswa kwomuri ndivo vakachumaira vhangeri kwomuri ndi Mweya Wakachena wakatumwa kubva mugore: Izvo zviri ngirosi jinoda kuzvizwisisa.

1 Pet. 1:3

Ngaakuriswe Mwari baba wa Mambo wedu Jesu Kristu, uwo ngo kukungurira kwake kukuru wakatibarazve kuti tive no gonda rinopona ngo kumuka kwa Jesu Kristu kwo vakafa,

1 Pet. 5:3

Musikaiti kunonga muri vatongi panyezuru po zvakakovanisihwa kwomuri, asi mwechiita zvivonero kumushambi.

2 Pet. 1:10

Ndizvo hama, tsamwiriranyi zvikuru kuyita kuti kudanijwa kwenyu no kutsananguhwa kwenyu zvigwinyiswe, ngokuti kudari mwechiita izvi amutongozokhugunyi.

2 Pet. 1:19

Nesu tino izwi rakaprofetwa rakapinda kugwinya; kweriri munonasa kuripurutana iro riri ruvhenu runojeka mundau ino chidima, mbhera zuva rieje, no ndhondo masase ibude mumwoyo yenyu,