1 Tim. 1:4 - NOVO TESTAMENTO EM NDAU

⁴ nokuti kupurutanazve kungano no kuverenguja kusikaperi kwo majibaba mukuru, izvo zvinoamba hasha, paugaro po kuvakiwa ndi Mwari mukugonda.

Bhaibheri Rakachena muChindau

⁴ nokuti kupurutanazve kungano nokuerengudza kusikaperi kwemazina emadzibaba ekaretu, izvo zvinoamba hasha, zvisikadzidzisi zvakarongwa ndiMwari zvinoziikanwa ngokugonda.

1 Tim. 1:4 Iomraidhean Croise

2 VaK. 1:12

Ngokuti uku ndikwo kukuja kwedu, kuri chapupuzve mu mipinimijo yedu, kuti takajibata mu nyika mukucheneswa no mugwinyiso ra Mwari, kakurutu takaita kudaro kwomuri, kusiri ungwaru hwenyama akadi asi ngo nyasha ja Mwari.

Vaefesu 3:2

kudari mwakazwa ngokukura kwo nyasha ja Mwari jakapuwa kwendiri ngo ndava yenyu,

1 Tim. 3:16

Kunotendehwa kuti chakafishika cho uMwari chikuru; iye wakapangijihwa mu muviri, echipembejwa mu mweya, wakavoneka ngo ngirosi, wakachumaihwa pakati po vo majinja, wakatendwa mu nyika, akaashihwa mu gore mu uthende.

1 Tim. 4:7

Asi ramba ngano jinopsheruja, no jo harahwa. Asi ujirovejese kudira Mwari.

1 Tim. 6:11

Asi iwewe, mundhu wa Mwari, tiza izvi; utevere kururama, kudira Mwari, kugonda, rudo, kusengerera, kupfava.

1 Tim. 6:20

Iwewe Timoti, ngwarira icho chakagondiswa kwouri, wechifuratira kuvereketa kusina shwiro, no kuramba kuziva zviri zvokunyepa;

2 Tim. 2:14

Vacherechejise izvi, wechivapanga mukuvona kwa Mambo, kuti vasaita hasha ngo mazwi asikabetseri chiro, asi anopaukisa avo vanozwa.

2 Tim. 2:22

Asi tiza kubva mukuemura kwo vapsha, utevere kururama, kugonda, rudo, kunyarara, pamwepo navo vanokumbira kuna Mambo ngo mwoyo wakasukika.

2 Tim. 2:23

Asi ramba mibvunjo yo upenji no isina kuziva, wechiziva kuti inopara hasha.

2 Tim. 4:4

vanozoreesa njeve javo kubva kugwinyiso, vechienda kungano.

Titosi 1:1

Pauri, muranda wa Mwari, no mupostori wa Jesu Kristu, kudari ngo kugonda kwo vakatsananguhwa va Mwari, no kuziva gwinyiso riri ro uMwari,

Titosi 1:14

vasikapurutani kungano jo vajudha, no mipango yo vandhu vanofuratira gwinyiso.

Titosi 3:9

Asi tiza mibvunjo yo upenji no kuverenguja kwo majibaba mukuru; no hasha, no kukanijana ngo ndava yo mipango; ngokuti izvo azvibetseri, azvina shwiro.

Vahebheru 13:9

Musapaukiswa ngo zvijijiso zvakaparajana no zvisikazivikanwi. Ngokuti kwakanaka kuti mwoyo igwinyiswe ngo nyasha, haiwa ngo zvokuha, zvo vasikazivi kudetsehwa ndizvo avo vakafamba kwo zviri.

2 Pet. 1:16

Ngokuti atizivi kutevera ngano jakaizwa ngo urimbwi, apo takazivisa kwomuri simba no kuviya kwa Mambo Jesu Kristu, asi tayiva zvapupu zvo majiso zvo ukuru hwake.