Genesis 39:6 - Jesus Isht Anno̱pa Mark i̱ Holisso

⁶ Makátoko̱ Potiphar hat Joseph a̱ nánah mák isht a̱yáchi̱ho̱ i̱mokófattók. Hihmat nán isht ataklamma ikimikshottók, pí nánah apáchi̱kak ósh ahni makillattók. Joseph at pisah achokmakmat innipi mákósh lha̱kkoh achokmattók.

Chahta Holisso Holitopa 1886

⁶ Mihma nana im asha tuk moma kʋt Chosef ibbak a̱ fohki tok: nana im a̱sha tuk ʋt achʋfa kia ithana keyu, amba pʋska ʋpa ak illa beka tok: mihma Chosef ʋt hatak aiokli nipi pisa achukma atok.

Genesis 39:6 Iomraidhean Croise

Genesis 39:23

Makátoko̱ atallakchi apísachimat Joseph at ná yómika̱ isht a̱yaka̱ nán isht ataklama ikimikshottók. Chihówa yat ibáfoyyoka hátoko̱, nána mihchikma̱, nána mómakat ittilawwit iyah achokmattók.

Genesis 39:4

Joseph at nána míchika̱ ayoppa̱chih átokósh Potiphar at imi apilachi ikbittók. Potiphar i̱ chokka hicha nánah im a̱shah mómaka̱ ishta̱ya tobattók.

Genesis 39:8

Hihókako̱ Joseph at iki̱haklottók. Hicha i̱ makachihmat, “Yaki, Potiphar hat a̱yi̱mmih átokósh i̱ chokka hicha nána ilap mo̱maka̱ isht ima̱yaláchi̱ho̱ si ánokchítokat isht ataklammah ikimikshoh.

Genesis 43:32

Joseph at iláp illásh bini̱lih ósh i̱pakma̱, ittiyápishi alhíha yat áyi̱pa naksika binohlit oklah ittibáyi̱pattók. Egypt alhíha yat oklah yimmikat Hebrew alhíha ya̱ oklah ittibáyi̱pa híkiyoh chátok alhpisa átoko̱ áyi̱pa naksika binohma̱yah ósh oklah i̱pattók.