YOHANE 13:3 - Chasu New Testament 1967

³ Yesu ekimanya iti Vava emunkie vyose he mikono yakwe, na iti efumie ha Mrungu, kangi etonga ha Mrungu,

YOHANE 13:3 Iomraidhean Croise

MATAYO 11:27

“Neinkiwe vyose ni Vava wangu; neri tehena mntu emmanya Mwana, esire Vava, neri tehena mntu emmanya Vava esire Mwana, na kila mntu wose Mwana ekunda kumfunukurira.

MATAYO 28:18

Yesu akaza hevo, akateta navo, akavati, “Neinkiwe nzinya jose uko wanga na kunu si.

LUKA 10:22

Akati, “Neinkiwe vyose ni Vava wangu, neri tehena ye emmanya Mwana esire Vava, neri tehena emmanya Vava esire Mwana, na kila ye, Mwana ekunda kumfunukurira.”

YOHANE 1:18

Tehena anamvona Mrungu narini; Mrungu Mwana remmwe, eho he Vavee, niye emmanyishe.

YOHANE 13:1

Ingeri msi m’baha wa Pasaka wesinafika, Yesu ekimanya iti saa yakwe yafika, eyo enefumia he si ii kutonga he Vavee, naye kila evakundie vantu vakwe he si ii, akavakunda mhaka mginto.

YOHANE 17:2

Sa vuntu wemunkie nzinya he vyose vyena mwiri, nesa vose wevamunkie avainke nkalamo ya kae na kae.

YOHANE 3:13

Tehena mntu anakwea uko wanga, esire ula eseie kufuma uko wanga, eye Mwana wa Mntu.

YOHANE 3:35

Vava emkundie Mwana, naye emunkie vyose he mkono wakwe.

YOHANE 7:29

Mi nemmanyije kila nefuma hakwe, naye niye enitumie.”

YOHANE 7:33

Niho Yesu akati, “Heshele kakenda kadori nerena na unywi; niho nenetonga he ula enitumie.

YOHANE 8:14

Yesu akagharusha, akavati, “Mi nziaho nikutetia vuonwa mwenye, vuonwa vwangu ni vwa idi; ambu nemanyije hantu nefuma na hantu netonga; mira unywi temumanyije hantu nefuma neri hantu netonga.

YOHANE 8:42

Yesu akavati, “Kakicha Mrungu neki Vava wenyu mwekinikunda mi; ambu nefumie he Mrungu, nikaza; neri sikuzire mi mwenye, mira ye niye enitumie.

NDIMA JA NTUME 2:36

“Heicho nyumba ya Israeli yose, naikoneshe kumanya iti: ‘Uo Yesu mwemvambie he msalaba, Mrungu amghosha Mfumwa na Kristo.’”

1 VAKORINTO 15:27

Ambu: “Evikie vintu vyose kijusi he mavato akwe.” Mira ekiti, “Vyose vyavikwa kijusi heye, kimmanyika iti ula emvikiie vintu vyose, ye teho kijusi.”

VAEBRANIA 1:2

chakenjija he misi ii, etetie na uswi kwa Mwanawe, eye emvikie kuoka mpali wa vyose, kangi heye erumbie si ii.