VAFILIPI 4:8 - Chasu New Testament 1967

⁸ Cheshele, vandughu, vyose e vya idi, vyose e vya shima, vyose e vya kitea, vyose e vyedi, vyose vyeizihija, vyose e vya nguma yedi; na hena vwedi vwose, hena nguma yedi yoyose, vidunganyeni ivyo.

VAFILIPI 4:8 Iomraidhean Croise

MATAYO 22:16

Vakamtumia varateri vavo vena na vantu vakwe Herode, vakati, “Mcheji, twemanyije iti we u mntu wa idi, na nzia ya Mrungu uicheja he idi, tufoleka vubaha vwa mntu neri mmwe, ambu turereha vituho vya vantu.

MARIKO 6:20

ambu Herode emfoleke Yohane, kila emanyije iti ni mntu mwenye kitea ezerire, akamrinda; na ekinamsikije, akaketa matatanyi haiwa; mira ekinamsikija na kuizihirwa.

LUKA 16:15

Akavati, “Ni unywi mwekuinka kitea he vantu, mira Mrungu emumanyije ngoro jenyu; ambu kila chebumie he vantu, ha Mrungu kioka kivihijo.

LUKA 2:25

Na hala Yerusalemu hekina mntu eitangwa Simioni, naye ne mntu ena kitea, emfoleka Mrungu, ekiinda ituja la Israeli; na Mpeho Wedi ekina naye.

LUKA 23:50

Niho hakavoneka mntu mmwe, eitangwa Yosefu, e mntu wa chila, mntu wedi, mkitea;

YOHANE 7:18

Ula eteta vyakwe mwenye du, eenda ngazo yakwe mwenye; mira ula eenda ngazo ya ula emtumie, uo ni wa idi, neri heye tehena makombere.

NDIMA JA NTUME 10:22

Vakati, “Akida Korinelio, e mntu mwenye singisirya, emfoleka Mrungu, ena nguma yedi he mbari yose ya Kiyuda, eazerwe ni malaika ezerire kutuma vantu hewe, utonge kaa hakwe, nesa asikije cho weneteta.”

NDIMA JA NTUME 22:12

Mntu mmwe eitangwa Anania, emfoleka Mrungu he kuratera viziomongwa, ena nguma yedi he Vayuda vose vekitue uko,

NDIMA JA NTUME 6:3

Heicho vandughu, saghurani vantu mfungate he unywi vena nguma yedi, veizue ni Mpeho Wedi, vena kiugho, nesa tuvavike he iyo ndima.

VAROMA 13:13

Vuntu chetara he msi, natutonge na shima; si he kuliisha na kuengea, si he uvura na kushinda, si he mavoo a kiru.

VAROMA 13:3

Ambu vala vetetia tevefolesha vantu vuntu vwa mihiro yedi, mira ni vuntu vwa mihiro mivivi. Iki uenda usimfoleke mratetia? Ronga vyedi, nawe unekazwa niye;

VAROMA 14:18

Ambu ula emrongia Kristo ndima he vintu ivyo, emwizihija Mrungu, kangi ekundwa ni vantu.

VAROMA 2:29

mira ni Myuda e Myuda uko ndeni, na kitavani ni cha ngoro, cha kimpeho, si he maandiko. Echo nguma yacho yesifuma he vantu, esire he Mrungu.

1 VAKORINTO 4:5

Heicho unywi musilahe kintu igheri lacho lesinafika, mhaka Mfumwa ekiza, niye eneomika vila vyevisike he kija na kufunyirija mburi ja he ngoro; niho kila mntu enevona nguma yakwe he Mrungu.

2 VAKORINTO 13:7

Na uswi tumsemba Mrungu musihire kivivi chochose; si iti uswi tuvoneke iti twekundiwe, mira unywi muronge kila e chedi, nziaho uswi tweikee sa vesuiwe.

2 VAKORINTO 6:8

he kukazwa na he kuheijwa, he nguma mbivi na he nguma yedi; sa veisha, mira tu vantu va idi;

2 VAKORINTO 8:18

Tukamtuma hamwe na ula mndughu eye nguma yakwe he Mburi Yedi yegishije he makanisa ose.

2 VAKORINTO 8:21

twekirongadunganya vila e vyedi, neri si mozya he Mfumwa du, mira hata mozya he vantu.

VAGALATIA 5:22

Mira ntunda ja Mpeho ni: Lukundo, kuizihirwa, mporere, kugumirija, miikarire yedi, vwedi, kitengo,

VAEFESO 4:25

Heicho kuhambueni mongo, mutete idi kila mntu na mghenji wakwe; ambu tu marungo, kila mmwe irungo la mghenji wakwe.

VAEFESO 5:9

ambu ntunda ja kianga ni vwedi vwose, na kitea na idi;

VAEFESO 6:14

Heicho imukani, mwedokie idi he vikwidi, na kudoka he mpafu kibao cha kighera cha kitea;

VAFILIPI 3:1

Cheshele, vandughu vangu, izihirwani he Mfumwa. Kumuandikia mburi jila mi tekunifikija, mira munemuveia unywi.

VAKOLOSAI 4:5

Tongani kwa kiugho he vala veho uko nze, mwekisatesha igheri.

1 VATESALONIKE 4:12

nesa mutonge na shima he vala veho uko nze, neri hasikete cho mwesova.

1 TIMOTEO 2:2

he vuntu vwa vufumwa na vahaba vose, nesa tuikae na vumpoa na mporere, he kumfoleka Mrungu kwose na shima.

1 TIMOTEO 3:11

Nirehuvo, vache vavo navo vakete miikarire yedi, si varechungija mongo, vena kiringanyo, vakitengo he vintu vyose.

1 TIMOTEO 3:4

mntu etetia kaa yakwe nezo, eidima kutetia vana vakwe vakete shima;

1 TIMOTEO 4:12

Hasikete mntu efalaja vubwange vwako, mira aoke kivonyesho he vala veitikije, he kuteta na he mitongire, na he lukundo na mwitikijo na kuzera.

1 TIMOTEO 5:10

mira aoke etetiwa vuonwa he mihiro yedi, kangi kakicha ererie vana, kangi eghuhia vaghenji, kangi eojije vezerire maghu, kangi eghinjije vala verishwa vwasi, kangi eratere nezo mirongire yedi yose.

1 TIMOTEO 5:2

vache vekuie sa vamlala wenyu; vache va marika sa varumburyo; he kukuzerija kwose.

TITO 1:8

Mira aoke muori, mrekunda vyedi, ena kiringanyo, mwenye kitea, ezerire, ekuima;

TITO 2:14

eye ekuinkije ye mwenye vuntu vwetu, nesa atukombole he kukondika kwose; na kukuojija vantu vaoke va he kifumwa chakwe mwenye, vala vekudindija he mihiro yedi.

TITO 2:2

Vaghosi vaoke venye kiringanyo, vena shima, vechee, vegurishe mwitikijo, vena lukundo, vegumirija.

TITO 2:7

He vintu vyose ukuvonyeshe kuoka fwanyanyi he mihiro yedi na he michejire yako, wekivonyesha vukoloshi na shima,

TITO 3:14

Vantu vetu navo vakucheje kuikaa he mihoro yedi, he vila vyetara vasioke vantu vesina ntunda.

VAEBRANIA 11:2

Hena icho vazima vetu vetetiiwe vuonwa.

VAEBRANIA 13:18

Tuombieni; ambu tuitikija iti tuna izii ledi he ngoro, twekienda kuketa mitongire yedi he vintu vyose.

YAKOBO 1:27

Mitasire yedi, yesina mainkwe mozya he Mrungu Vava ni ii: Kukusha vana vakiva na vache vefwiiwe ni vome na kuvarereha he mavwasi avo, na kukurinda he maikwe a ili isanga.

YAKOBO 3:17

Mira kiugho chefuma uko wanga, cha kuvoka ni cheelile, kangi ni cha mporere, na vuhoo, kienda kusikija kila mntu, cheizue mbonea na ntunda jedi, tekina sombo, tekina lung’ong’o.

1 PETRO 1:22

Mwekinakuzerija ngoro jenyu he kusikia idi, na kufikia lukundo lwa kindughu lwesina lung’ong’o, huvo kudindieni kukundana kwa ngoro.

1 PETRO 2:12

Mukete mitongire yedi he Vakiisanga, nesa, nziaho vemuchunga iti muvarehira vivivi, vekivona mihiro yenyu yedi, vamkaze Mrungu msi ula enevazia.

1 PETRO 4:8

Kukela vyose zikani kukudindija he kukundana; ambu lukundo lufinikira mabanu majinki.

2 PETRO 3:1

Vakunde, barua ii ni ya keri neramuandikia unywi; he ijo jose mbiri nisoseja nkwina jenyu jedi nesa nimukumbushe,

1 YOHANE 3:18

Vana vadori, tusikunde kwa viteto, kana kwa lumi, mira kwa mihiro na idi.

1 YOHANE 3:3

Na kila mntu ena ilo ikuji heye ekuelija, sa vuntu ye eelile.

1 YOHANE 4:1

Vakunde, musiitikije kila mpeho, mira jighesheni ijo mpeho iti jifuma he Mrungu; amb varoti vanjiki va mongo vavoneka he ii si.