VAFILIPI 4:5 - Chasu New Testament 1967

⁵ Vuhoo vwenyu vumanyike he vantu vose Mfumwa eho hafuhi.

VAFILIPI 4:5 Iomraidhean Croise

MATAYO 6:25

Heicho nimutio, ‘Musibinukie moo wenyu iti mule ni, kana munwe ni, neri mwiri wenyu iti mudoke ni. Moo nhii teukelile kijo, na mwiri teukelile suke?’

MATAYO 6:34

Heicho musibinukie cha yavo, ambu yavo inekubinukia yo njenye. Ambu kila msi ukolokiwa ni mabinuko awo.”

LUKA 21:34

Heicho, kurindeni, ngoro jenyu jisiresindwiiwa ni kuliisha na vuengeji, na mabinuko a moo uu; ula msi ukaremuputukija, sa vuntu mtegho wegurija;

1 VAKORINTO 16:22

Kila mntu esimkundie Mfumwa Yesu Kristo, etufiwe. Maran atha: nikuti, “Mfumwa wetu eza.”

1 VAKORINTO 6:7

Heicho, uko ni kuduikiwa kwenyu do, mwekisatakana kivenye. Si keba kugumirija kurongiwa vivivi, kana si keba kughumbwa mari jenyu?

1 VAKORINTO 8:13

Heicho kakicha kijo kimkuvaja mndughu wangu, cha idi sikale nyama narini, nesa nisiremkuvaja mndughu wangu.

1 VAKORINTO 9:25

Na kila mntu ekanania ekuima vyose; heicho vo veketa huvo nesa vainkwe ngoki yekondika, mira uswi tuinkwe ngoki yesikondika.

2 VAKORINTO 10:1

Heicho, mi Paulo mwenye, nimusemba kwa vuhoo, na vumpoa vwakwe Kristo; mi ne mrekuisha nena na unywi; mira mina ni mndekero nesiho henyu.

2 VATESALONIKE 2:2

iti musiyunjweyunjwe fia na kushigha madunganyo enyu, neri musiitushwe ni mpeho, neri ni kiteto, neri ni barua yedunganywa iti ni yetu, kana iti msi wa Mfumwa wakenja kuza.

TITO 3:2

vasimrare mntu wo wose, vasioke vakwakwa, vaoke vedi, vekivonyesha vuhoo vwose he vantu vose.

VAEBRANIA 10:25

neri tusishighe kuvungana hamwezu, sa vuntu vangi vemanyere; mira tuchundane na kuzika kuketa huvo, sa vuntu mwevona iti ula msi wazengelela.

VAEBRANIA 10:37

“Ambu heimie kakenda kadorisha, Ula eza eneza, neri tekaikaishe.

1 PETRO 1:11

Vakasakisha iti ni igheri lihi, na iti ni igheri leikee ze elo levonyeshwe ni Mpeho wakwe Kristo eye ekiho hevo, eye erongeteta vuonwa vwa mavwasi eneremfikia Kristo, na ila ngazo yenereoka uko nyuma.

1 PETRO 4:7

Mira mginto wa vintu vyose wazengelela; heicho kucheieni, muyae kyavi mwekiomba.

MFUNUKURO 22:20

Ula etetia ivi vuonwa, eti, “Yee, niza fia.” Amen. Nzoki Mfumwa Yesu.

MFUNUKURO 22:7

Rereha, niza fia; mrela vwedi ni ula egurisha viteto vya vuroti vwa iki kitabu.”