VAFILIPI 4:3 - Chasu New Testament 1967

³ Yee, nikusemba hata we mzoro mghenji wa idi, uvughenje avo vache; ambu veomanie Mburi Yedi hamwe nami, ne Klementi, na vala vangi verongie ndima hamwe nami, evo mazina avo eho he kitabu cha nkalamo.

VAFILIPI 4:3 Iomraidhean Croise

LUKA 10:20

Mira musiizihirwe iti mpepo jimusikia; esire izihirwani iti mazina enyu eandikwe uko wanga.”

VAROMA 12:1

Heicho vandughu, nimusemba he mbonea ja Mrungu, inkijani miri yenyu ioke itasi lena moo, lezerire, lemwizihija Mrungu, niwo mtaso wenyu weteghane.

VAROMA 16:12

Nikezijani Turfaina neTrifosa, verekudindija mno he Mfumwa. Nikezijani Persusi, mkunde ekudindija mno he Mfumwa.

VAROMA 16:9

Nikezijani Urbano, mndima hamwe nami he Kristo, ne Stakisi, mkunde wangu.

VAFILIPI 1:12

Mira vandughu, nienda mumanye iti mburi jose jeniziie, kukela jevonekie he kutonja Mburi Yedi;

VAFILIPI 1:16

Ava vem’birikira kwa lukundo, vekimanya iti nevikiwe nilwanie Mburi Yedi;

VAFILIPI 1:27

Mira mitongire yenyu ioke sa vuntu chetara Mburi Yedi yakwe Kristo, nesa nekiza na kumuvona unywi, kana nesiwaho, nisikie mburi jenyu, iti muimuka na ndekero he mpeho mwe, kwa ngoro mwe mwekiomania mwitikijo wa Mburi Yedi;

VAFILIPI 1:5

he vuntu vwa vumwe vwenyu he kutonja Mburi Yedi, kuvokia msi ula wa kuvoka mhaka yoo ili.

VAFILIPI 1:7

sa vuntu chenitara kuririkana ivi he unywi vose; kila unywi mweho he ngoro yangu; ambu he kuchungwa kwangu na he ndima ya kulwania Mburi Yedi na kuikonesha, unywi vose mweketie sanga nami he ii mbonea.

VAFILIPI 4:2

Nimsemba Eudia, nimsemba ne Sintike, vakete madunganyo mamwe he Mfumwa.

VAKOLOSAI 1:7

sa vuntu mwechejijwe ni Epafra, mzoro mkunde mgheji wetu, e mndima mkitengo wakwe Kristo he vuntu vwenyu;

MFUNUKURO 13:8

Na vantu vose veho he isanga veneidunkutia, kila mntu izina lakwe lesiandikwe he kitabu cha nkalamo cha Mwana Ng’onji ekomiwe too kidungo cha si ii.

MFUNUKURO 17:8

Ila nyama weivonie yekihoho, nayo teiwaho, nayo yekuringanye kukwea kufuma he gehena itonge he kukondika. Na vala vetue he isanga vesiandikwe mazina avo he kitabu cha nkalamo, too aho si ii yekidungwa kurumbwa, venemaka vekivona ila nyama, iti yekihoho, nayo teiwaho, nayo inereoka aho.

MFUNUKURO 20:12

Nikavona vefwie vabaha na vadori, veimuke mozya ya icho kichumbi cha kifumwa; na vitabu vikatambarurwa; na kitabu kingi kikatambarurwa, echo cha nkalamo; na avo vefwie venechwiwa mburi na ivyo veandikwe he vila vitabu, kiringanyo cha mihiro yavo.

MFUNUKURO 20:15

Na kakicha hena mntu esivoneke iti eandikwe he kitabu cha nkalamo, akaviritwa na he ila ndiva ya moto.

MFUNUKURO 21:27

Na hewo tehekaingie kintu chochose ekisoka, kana ula eronga vyevihija na mongo, mira nire vala veandikwe he kitabu cha nkalamo cha Mwana Ng’onji.

MFUNUKURO 3:5

Ula evota enedokwa suke nyewa, neri sikavushe izina lakwe he kitabu cha nkalamo, nami izina lakwe ninelitetia vuonwa mozya he Vava wangu, na mozya he vamalaika vakwe.