VAFILIPI 4:1 - Chasu New Testament 1967

¹ Heicho, vandughu vangu vakunde, nimusikiwa nkwina, ni unywi kuirihirwa kwangu na ngoki yangu; imukani ndi vakunde vangu he Mfumwa.

VAFILIPI 4:1 Iomraidhean Croise

MATAYO 10:22

Na unywi munevihiwa ni vantu vose vuntu vwa izina langu. Mira ula enegurumija mhaka msio niye enekia.

YOHANE 8:31

Niho Yesu akavati vala Vayuda vemwitikije, “Unywi mwekiikaa he kiteto changu mwaoka varateri vangu kweri;

NDIMA JA NTUME 11:23

Naye ekinafike na kuvona mbonea ya Mrungu akaizihirwa, akavarunga vose iti vagurane na Mfumwa kwa ngoro yose.

NDIMA JA NTUME 14:22

vekidindija ngoro ja varateri na kuvachunda vaikae he ula mwitikijo, na kuti kitutara kuingia he vufumwa vwa Mrungu kwa nzia ya mavwasi majinki.

NDIMA JA NTUME 2:42

Vakaikaa he michejire ya ntume na he vumwe na he kubendua mkate na kuomba.

VAROMA 2:7

vala evo kwa kurimia he kuronga vyedi, veenda ngazo na shima na kusakondika, veneinkwa nkalamo ya kae na kae;

1 VAKORINTO 15:58

Heicho vandughu vangu vakunde, dindani, musiyungeyunge, muzikeronga ndima ya Mfumwa misi yose, ambu mwemanyije iti mabinuko enyu he Mfumwa si a sutwa.

1 VAKORINTO 16:13

Yaeni kiavi, dindani he mwitikijo, somani ndaru, mukete nzinya.

2 VAKORINTO 1:14

sa vuntu mwetumanyije he vya kumwe, iti ni uswi kiusho cha kukukaza kwenyu sa vuntu na unywi mweho he uswi he ula msi wa Mfumwa wetu Yesu.

VAGALATIA 5:1

He vukomboli uvu Kristo etutaririe nkombolwa; heicho imukani, neri musiregurijwa kangi ni igogolo la vuzoro.

VAFILIPI 1:27

Mira mitongire yenyu ioke sa vuntu chetara Mburi Yedi yakwe Kristo, nesa nekiza na kumuvona unywi, kana nesiwaho, nisikie mburi jenyu, iti muimuka na ndekero he mpeho mwe, kwa ngoro mwe mwekiomania mwitikijo wa Mburi Yedi;

VAFILIPI 1:8

Ambu Mrungu ni muonwa wangu, vuntu nemusikia nkwina unywi vose he ngoro yakwe Kristo Yesu.

VAFILIPI 2:16

mwekigurisha kiteto cha nkalamo, nesa nivone kiusho cha kukukazia ula msi wakwe Kristo, iti sirekudundikira sutwa, neri sikurishije vwasi sutwa.

VAFILIPI 2:26

Ambu ekina nkwina na unywi vose, akasikia vukiva haiwa, kila mwekisikie iti ekiwaa.

VAKOLOSAI 4:12

Epafra, e mntu wa henyu, mzoro wake Yesu Kristo, emukezya, ekudoka misi yose vuntu vwenyu he maombi akwe, iti nesa muimuke mwekoloke, na kudinda nezo he kikundire chose cha Mrungu.

1 VATESALONIKE 3:13

nesa adindije ngoro jenyu, jisikete cho jeshaghwa, he kuzera mozya he Mrungu, Vava wetu, he igheri la kuza kwa Mfumwa wetu Yesu, hamwe na vezerire vakwe vose.

2 VATESALONIKE 2:15

Heicho vandughu, imukani mudinde ndi, mugure ala mwechejijwe na ere kwa viteto kana kwa barua yetu.

2 TIMOTEO 2:1

Nawe mwanangu, ukete lungufyo hena mbonea yeho he Kristo Yesu.

VAEBRANIA 10:23

Natugurishe mwitikijo na kiariro chetu, kisigharuke; ambu ula eturaviie ni mkitengo;

VAEBRANIA 3:14

Ambu twaoka vamwe he Kristo, aho twekigurana na kivokio cha ndekero yetu kwa nzinya mhaka he mginto;

VAEBRANIA 4:14

Kila twena mtasi m’baha eingie uko wanga, Yesu, Mwana wa Mrungu, natugurishe nezo mwitikijo wetu.

2 PETRO 3:17

Mira unywi vakunde, mwekirongamanya ivyo, kurindeni venye, musizetahwe ni iteshanyo la avo varekonda, mukagwa mukashigha mchumbaghio wenyu.