VAFILIPI 3:12 - Chasu New Testament 1967

¹² Si iti nakenja kufika, kana iti nakenja kukoloka; hai! mira nisara, nesa niidime kugura kila echo cheshighie nekigurwa ni Kristo Yesu.

VAFILIPI 3:12 Iomraidhean Croise

MATAYO 5:48

Heicho unywi muneoka vekoloke sa vuntu Vava wenyu wa uko wanga ekoloke.’”

NDIMA JA NTUME 9:15

Mira Mfumwa akamti, “Kutongire, ambu uo ni ntanu neisaghure, atonje izina langu he Vakiisanga na he vafumwa na he vana va Israeli.

VAROMA 8:39

neri vyeho uko wanga, neri vyeho uko si, neri vingi vyovyose vyerumbiwe teviidima kunitanya na lukundo lwa Mrungu lweho he Kristo Yesu Mfumwa wetu.

1 VAKORINTO 13:10

mira kila chekoloke chekiza, kila chesikoloke kinevushwa.

1 VAKORINTO 13:12

Ambu igheri la iki tuvona mfwanano sa he kiyoo; igheri ilo tunevona vusho kwa vusho; iki nemanyije vya kumwe; igheri ilo ninemanya nezo sa vuntu nami nemanyijwe nezo.

1 VAKORINTO 9:24

Kana temumanyije iti vala vechwa makero vedindika vose, mira einkwa kitumulilo ni mmwe? Na unywi dindikani huvo nesa muinkwe.

2 VAKORINTO 13:9

Ambu tuizihirwa nziaho uswi tu vasoka, na unywi mwekiketa nzinya. Kangi tuomba na icho iti muoke vekoloke.

2 VAKORINTO 7:1

Heicho vakunde vangu, kila twena ivyo varavo, natukuzerije ngoro jetu he mainkwe ose a mwiri na a ngoro, kangi twekikolosha kuzera he kumfoleka Mrungu.

VAGALATIA 5:17

Ambu mwiri una tama, ulwana na Mpeho, na Mpeho naye elwana na mwiri; ambu ivi vikanana, neri temuidima kuhira kila mweenda.

VAEFESO 1:4

sa vuntu ye etusaghure tuoke vakwe too aho ii si yesinarumbwa, nesa tuoke vezerire, vantu vesina nzune mozya heye.

VAEFESO 4:12

nesa vezerire varinganywe, mhaka ndima ngwa ikoloke, mhaka wakwe Kristo ujengwe;

VAFILIPI 1:1

Paulo ne Timoteo vazoro vakwe Kristo Yesu, Ha vezerire vose he Kristo Yesu veho Filipi, hamwe na Vaaskofu na Vachungi.

VAFILIPI 3:16

Mira aho hantu twehafikie, natutongie aho aho.

VAFILIPI 3:3

Ambu uswi tu venye kitavani, twemtasa Mrungu he Mpeho, na kukukaza he Kristo Yesu, neri tetuarira mwiri.

VAFILIPI 3:8

Yee, kuvecha ivyo, nitara vintu vyose ni lutesho, he vuntu vwa vwedi vwesina kiringanyo, vwa kummanya Kristo Yesu, Mfumwa wangu; eye he vuntu vwakwe neteshije vintu vyose, nekivitara iti ni sa mkuku, nesa nimmaze Kristo;

1 VATESALONIKE 5:15

Rerehani, hasikete mntu emriha mghenji kivivi kwa kivivi; mira misi yose endani kila e chedi, unywi venye na venye na he vantu vose.

2 VATESALONIKE 2:13

Mira kitutara uswi kuvika mvera he Mrungu misi yose vuntu vwenyu, vandughu mwekundiwe ni Mfumwa, kila Mrungu emusaghure too kuvoka muvone lukio, he kuzerijwa ni Mpeho na kuitikija idi;

1 TIMOTEO 5:10

mira aoke etetiwa vuonwa he mihiro yedi, kangi kakicha ererie vana, kangi eghuhia vaghenji, kangi eojije vezerire maghu, kangi eghinjije vala verishwa vwasi, kangi eratere nezo mirongire yedi yose.

1 TIMOTEO 6:19

kangi vekikuvikia ndungu ioke msingi wedi he igheri leneza, nesa vavone nkalamo ya idi.

VAEBRANIA 12:14

Endishani kuketa mporere na vantu vose, na kuzera, ekwo hesina mntu enemvona Mrungu esina nakwo.

VAEBRANIA 12:23

luvungano lubaha na kanisa la vana va kikau veandikwe uko wanga, na Mrungu mrechwia vantu vose, na mpeho ja vantu venye kitea vakoloke,

VAEBRANIA 13:21

amukoloshe he kila ndima yedi, nesa muhire kikundire chakwe; naye aharehe he uswi cheizihe henaye, he Yesu Kristo; ngazo ni yakwe kae na kae. Amen.

YAKOBO 3:2

Ambu uswi vose tukwangwala he vintu vijinki. Mntu esikwangwala he kuteta, uo ni mntu ekoloke, eveiwa kukinda mwiri wakwe wose sa he lijamu.

1 PETRO 5:10

Mira Mrungu mwenye mbonea yose, eye emuitange kuingia he ngazo yakwe ya kae na kae he Kristo, mwekinarishwa vwasi kakenda kadori, ye mwenye enemuhareha, na kumudindija, na kumugera nzinya na kumujenga.

2 PETRO 3:18

Mira chani he mbonea, na he kummanya Mfumwa wetu na Mkija Yesu Kristo. Ngazo ni yakwe iki mhaka kisari na mwaka.