VAFILIPI 2:7 - Chasu New Testament 1967

⁷ mira akakuosha iti tena ngazo, akaghuha fwanyanyi ya mzoro, akaketa fwani ya vantu;

VAFILIPI 2:7 Iomraidhean Croise

MATAYO 12:18

Rereha, uu ni mndima wangu nemsaghure, Mkunde wangu eye nemwizihirwe; Ninegera Mpeho wangu heye, Naye enebirikira Vakiisanga mburi ya mlaho.

MATAYO 20:28

ambu ni sa vuntu Mwana wa Nntu esizie kutumikiwa, esire kutumikia, na kuinkija moo wakwe uoke irivi la vajinki.”

MARIKO 9:12

Akavagharusha, akavati, “Ni chaidi, Elia erongeza na kuhundua vyose vushaa; mira wa hamwe na icho, Mwana wa Mntu eandikiwe ze kuti enerishwa mavasi majinki na kuberwa?

LUKA 22:27

Kanao, m’baha ni uhi, ni ula eikae si he kijo kana ni ula epipirikia.

YOHANE 1:14

Na uo Kiteto akaoka mwiri, akatua hetu; na uswi tukavona ngazo yakwe, ngazo sa ya Mwana ere mmwe efuma he Vava; eizue mbonea na idi.

VAROMA 1:3

eyo mburi ya Mwana wakwe, emoghiwe kimwiri he lukolo lwakwe Davidi;

VAROMA 15:3

Ambu Kristo naye tekuizihije ye mwenye; mira sa vuntu cheandikwe: “Viraro vya vala vekurarie vyanigura.”

VAROMA 15:8

Ambu nimutio, Kristo eokie mndima wa varatavanwa, nesa avonyeshe idi la Mrungu, na kukonesha vila viravo vaku veinkiwe;

VAROMA 8:3

Ambu vila vyeherire he viziomo kila vyegerirwe vusoka ni mwiri, Mrungu, he kumtuma Mwanawe mwenye he fwanyanyi ya mwiri wa mabanu, he vuntu vwa mabanu, akavija mabanu he mwiri;

2 VAKORINTO 13:4

Ambu evambiwe he msalaba kwa vusoka, mira ekalama kwa nzinya ya Mrungu. Ambu na uswi tu vasoka heye; mira tunekalama hamwe naye kwa nzinya ya Mrungu yeho henyu.

2 VAKORINTO 8:9

Ambu mwemanyije mbonea ya Mfumwa wetu Yesu Kristo, vuntu eokie mkiva vuntu vwenyu, nziaho neki mzuri, nesa unywi muidime kuoka vazuri vuntu vwa vukiva vwakwe.

VAGALATIA 4:4

Aho igheri lekinafike, Mrungu emtumie Mwanawe eye emoghiwe ni mche, emoghiwe kijusi ya viziomo,

VAFILIPI 2:6

eye aho kuvoka ekina fwanyanyi ya Mrungu, naye tevonie iti kula kufwanana na Mrungu ni kintu cha kukuguranya nacho;

VAEBRANIA 12:2

twekimrereha Yesu eye mrevokija na mrekolosha mwitikijo wetu; eye he vuntu vwa kuizihirwa kwevikiwe mozya heye egumirije msalaba na kusasikia soni, akaikaa he mkono wa kume wa kichumbi cha kifumwa cha Mrungu.

VAEBRANIA 13:3

Vakumbukeni vala vechungiwe sa mwechungiwe hamwe navo; na vala veketiwa vivivi, ni hala na unywi mwereho he mwiri.

VAEBRANIA 4:15

Ambu tetuna mtasi m’baha eherwa kutufwa mbazi he kusova vwetu; mira ye egheshijwe sa uswi he vintu vyose, neri esiketie mabanu.