VAFILIPI 2:3 - Chasu New Testament 1967

³ Misironge kintu chochose kwa kukanana, neri kwa kukubaa; esire he kukuduisha, kila mntu namtare mghenji iti ni wedi kumvecha.

VAFILIPI 2:3 Iomraidhean Croise

LUKA 18:14

Nimutio, uu eseie kutonga na kaa hakwe, etaririwe kitea kuvecha ula ungi; ambu ula ekukweja, enesejwa, na ula ekuseja, enekwejwa.”

VAROMA 12:10

He lukundo lwa kindughu, mukundane unywi venye kwa venye; he shima, mwekivarongoja vaghenji;

VAROMA 13:13

Vuntu chetara he msi, natutonge na shima; si he kuliisha na kuengea, si he uvura na kushinda, si he mavoo a kiru.

VAROMA 2:8

na vala vena irenge, vesisikia idi, mira vekunda ibaa, venefikiwa ni oro na ibigho;

1 VAKORINTO 15:9

Ambu mi ni mdori he ntume, neri chesinifwenye kuitangwa ntume, ambu nekinyorinyorisha kanisa la Mrungu.

1 VAKORINTO 3:3

ambu na ere iki mu vantu va miikarire ya kimwiri. Ambu ukinakiche henyu hena luiso na irenge, h’ii! temu vantu va kimwiri, kangi muanga sa vuntu chetara kivantu?

2 VAKORINTO 12:20

Ambu nifoleka, iti aho nekiza nisiremukicha mweikee sa vuntu nesienda iti ninamukiche vwo, nikavoka kuvoneka henyu sa vuntu mwesekienda; nisirekicha hangi marenge na kiru, na oro, na mavoo, na machungijo, na matetano, na kukubaa, na mwulughiko;

VAGALATIA 5:15

Mira mwekiumana na kulana, rerehani musirekenjana.

VAGALATIA 5:26

Tusikukaze sutwa, twekivambajijana na kusikiana lwiso.

VAEFESO 4:2

he kukuduisha kwose na vuhoo, he kugumirija mwekitikiana kwa lukundo;

VAEFESO 5:21

mwekisikijanya he kumfoleka Kristo.

VAFILIPI 2:14

Rongani vintu vyose hesina kudengereta kana nkani,

VAKOLOSAI 3:12

Heicho, kila mwaoka vesaghurwe va Mrungu, vakunde vezerire, kudokeni ngoro ya mbonea, vwedi, kukuduisha, vuhoo, na kugumirija.

VAKOLOSAI 3:8

Mira iki, ivi vyose vivikeni hae na unywi: Oro, kuvihiwa, vuvivi, viraro, na viteto vya soni he myomo yenyu.

1 TIMOTEO 6:4

uo akubaa; neri tehena cho emanyije; mira vuwaji vwakwe ni kudunganya mburi ja mavwijo na kukanana he viteto, heo hefuma lwiso, na ivoo, na viraro, na midunganyije mivivi;

1 PETRO 3:8

Chakenjija ni iki: Mukete madunganyo mamwe, mwevoneiana, mwekundane sa vandughu, vena luserekana, vekuduisha;

1 PETRO 5:5

Nirehuvo, unywi vairika, vasikieni vaghosi, Yee, unywi vose dokani kukuduisha, nesa muveiwe kughenjanya; ambu Mrungu evakinda vala vekubaa, mira vala vekuduisha evavoneia.