VAFILIPI 2:12 - Chasu New Testament 1967

¹² Heicho vakunde vangu, sa vuntu mweokie varesikia misi yose, si igheri mi newaho du, mira iki muzike haiwa na ere aho mi nesiwaho, koloshani lukio lwenyu venye he kufoleka na kuzingiza.

VAFILIPI 2:12 Iomraidhean Croise

MATAYO 11:12

Kuvokia he misi yakwe Yohane M’batizi mhaka iki, vufumwa vwa wanga vuingiwa kwa nzinya, na venye nzinya nivo vevutaha kwa nzinya.

MATAYO 11:29

Kugereni igogolo langu, mukuchejije hemi, ambu mi ni mhoo, kangi nekuduishe he ngoro; niho mwenevona kuizihirwa he ngoro jenyu.

NDIMA JA NTUME 16:29

Akaenda iti taa jietwe, akajinka noko ndeni; ekizingiza kwa fole akavagwia Paulo ne Sila.

NDIMA JA NTUME 9:6

Mira vuka, uingie he muzi, unevwirwa kila chekutara kuketa.”

VAROMA 2:7

vala evo kwa kurimia he kuronga vyedi, veenda ngazo na shima na kusakondika, veneinkwa nkalamo ya kae na kae;

1 VAKORINTO 15:58

Heicho vandughu vangu vakunde, dindani, musiyungeyunge, muzikeronga ndima ya Mfumwa misi yose, ambu mwemanyije iti mabinuko enyu he Mfumwa si a sutwa.

1 VAKORINTO 2:3

Nami neikae henyu miikarire ya vusoka na fole na kuzingiza kubaha.

1 VAKORINTO 4:14

Siandika ivyo iti nimusonishe; mira nitamuchunda sa vana nevakundie.

2 VAKORINTO 7:15

Na lukundo lwakwe he unywi lweokie lubahisha kuvecha kiringanyo, aho ekikumbuka kula kusikia kwenyu unywi vose, vuntu mwenghuhie kwa fole na kuzingiza.

VAEFESO 6:5

Unywi vazoro, vasikieni vala e vazima venyu he kimwiri, kwa fole na kuzingiza, na kwa ngoro yerongeke, sa mwetamsikia Kristo;

VAFILIPI 1:27

Mira mitongire yenyu ioke sa vuntu chetara Mburi Yedi yakwe Kristo, nesa nekiza na kumuvona unywi, kana nesiwaho, nisikie mburi jenyu, iti muimuka na ndekero he mpeho mwe, kwa ngoro mwe mwekiomania mwitikijo wa Mburi Yedi;

VAFILIPI 1:29

Ambu mweinkiwe he vuntu vwakwe Kristo, si kumwitikija du, mira na he kurishwa vwasi vuntu vwakwe; mwekiketa mavoo ala ala mweavonie hemi, na husikia iti nirena nao na iki.

VAFILIPI 1:5

he vuntu vwa vumwe vwenyu he kutonja Mburi Yedi, kuvokia msi ula wa kuvoka mhaka yoo ili.

VAFILIPI 1:6

Nami cho neitikija ni iki, iti Ye evokie ndima yedi he ngoro jenyu, eneikolosha mhaka msi wakwe Kristo Yesu;

VAFILIPI 2:19

Mira niarira he Mfumwa Yesu kumtuma Timoteo amangeza henyu, nesa nami nitundanywe nekimanya vuntu mweikee.

VAFILIPI 4:1

Heicho, vandughu vangu vakunde, nimusikiwa nkwina, ni unywi kuirihirwa kwangu na ngoki yangu; imukani ndi vakunde vangu he Mfumwa.

VAFILIPI 4:15

Na unywi venye, Vafilipi, mwemanyije he kuvoka kwa Mburi Yedi nekifuma Makedonia, tehena kanisa lingi leketie sanga nami he kuinkija na kughuha, esire unywi du.

1 VATESALONIKE 1:3

Neri tetushigha kukumbuka ndima yenyu ya mwitikijo, na sa vuntu mwekubinusha he lukundo, na kugumirija kwenyu kwa ikuji leho he Mfumwa wetu Yesu Kristo, mozya he Mrungu Vava wetu.

2 TIMOTEO 2:10

Heicho nigumirija vyose vuntu vwa vala vesaghurwe, nesa navo vavone lukio lula lweho he Kristo Yesu, hamwe na ngazo ya kae na kae.

VAEBRANIA 12:1

Nirehuvo na uswi, kila twejungulukwe ni ijumbi ibaha la vaonwa mbare ii, natuvike na mondo kila mjigho weemee, na lila ibanu letulusa fiafia; na he ala makero evikiwe mozya hetu natudindike kwa kugumirija,

VAEBRANIA 4:1

Heicho kari kiravo cha kuingia he mhemijo wakwe kireho, natufoleke, hasireketa mmwe wenyu evoneka iti ausova.

VAEBRANIA 4:11

Heicho natukudindije kuingia he ula mhemijo, nesa hasireketa mntu neri mmwe egwa sa avo varebera.

VAEBRANIA 5:9

naye ekinakoloshwe akaoka kiusho cha lukio lwa kae na kae he vantu vose vemsikia;

1 PETRO 2:11

Vakunde, nimusemba sa vazavecha na vacharo, tesyani viherehere vya mwiri vyeomana na ngoro.

2 PETRO 3:18

Mira chani he mbonea, na he kummanya Mfumwa wetu na Mkija Yesu Kristo. Ngazo ni yakwe iki mhaka kisari na mwaka.