VAFILIPI 2:1 - Chasu New Testament 1967

¹ Heicho, kakicha hena kutujwa he Kristo, kakicha hena luhembo lwa lukundo, kakicha hena vumwe vwa Mpeho, kakicha hena mbonea na mbazi,

VAFILIPI 2:1 Iomraidhean Croise

LUKA 2:25

Na hala Yerusalemu hekina mntu eitangwa Simioni, naye ne mntu ena kitea, emfoleka Mrungu, ekiinda ituja la Israeli; na Mpeho Wedi ekina naye.

YOHANE 14:18

Sikamushighe vakiva; niza henyu.

YOHANE 14:27

Mporere nimushighia; mporere yangu nimuinka; vuntu mi nemuinka, sivwo vuntu si ii yeinkija. Ngoro jenyu jisile vwasi, neri musifoleke.

YOHANE 17:13

Na iki niza hako; na ivi viteto niviteta he si ii, nesa vakete kuizihirwa kwangu kwekoloke hevo.

NDIMA JA NTUME 2:46

Misi yose vekiikaa he nyumba ya mtaso kwa ngoro mwe, na kubendua mkate he kila nyumba, vakala kijo chavo na kuizihirwa kwa ngoro yeelile,

NDIMA JA NTUME 4:32

Luvungano lwa vala veitikije vekina ngoro mwe na madunganyo mamwe, neri tehena mntu eti kila ena nacho chochose ni chakwe mwenye, mira veketie sanga he vintu vyose.

VAROMA 5:5

na ikuji telisonisha; ambu lukundo lwa Mrungu lwakenja kukufutwa na he ngoro jetu ni Mpeho Wedi uswi tweinkiwe.

VAROMA 8:26

Nirehuvo Mpeho naye etughenja he vusoka vwetu, ambu tetumanyije kuomba sa vuntu chetutara; mira Mpeho mwenye etuombia kwa kululuma kwesiveteta.

1 VAKORINTO 12:13

Ambu uswi vose twebatizwe he Mpeho mmwe, tukaoka mwiri mmwe, na ere Vayuda kana Vagriki, na ere vazoro kana nkombolwa; uswi vose twenweshijwe Mpeho mmwe.

1 VAKORINTO 15:31

Yee, vandughu, he uku kukutogola kwangu nena nakwo vuntu vwenyu he Kristo Yesu Mfumwa wetu, nifwa kila msi.

1 VAKORINTO 3:16

Temumaanyije iti mu nyumba ya mtaso ya Mrungu, na Mpeho wa Mrungu etue he unywi?

2 VAKORINTO 13:14

Mbonea ya Mfumwa Yesu Kristo, na lukundo lwa Mrungu, na vumwe vwa Mpeho Wedi, viikae na unywi vose.

2 VAKORINTO 2:14

Mira Mrungu natogolwe, eye etuinka mng’aro kila igheri he Kristo, na kufunyirija fungo ya kummanya ye kila hantu he ndima yetu.

VAGALATIA 4:6

Na kila unywi mwaoka vana, Mrungu emtumie Mpeho wa Mwanawe he ngoro jetu, eiagha: “Aba, Vava!”

VAGALATIA 5:22

Mira ntunda ja Mpeho ni: Lukundo, kuizihirwa, mporere, kugumirija, miikarire yedi, vwedi, kitengo,

VAEFESO 4:4

Mwiri mmwe na Mpeho mmwe, sa vuntu mweitangwe he ikuji imwe la mwitango wenyu.

VAFILIPI 1:8

Ambu Mrungu ni muonwa wangu, vuntu nemusikia nkwina unywi vose he ngoro yakwe Kristo Yesu.

VAFILIPI 3:3

Ambu uswi tu venye kitavani, twemtasa Mrungu he Mpeho, na kukukaza he Kristo Yesu, neri tetuarira mwiri.

VAKOLOSAI 2:2

nesa vatujwe he ngoro javo, vekiguranywa he lukundo, vakete vuzuri vwose vwa kutwarija nezo, vaidime kumanyisha nezo mpiso ya Mrungu, eye Kristo;

VAKOLOSAI 3:12

Heicho, kila mwaoka vesaghurwe va Mrungu, vakunde vezerire, kudokeni ngoro ya mbonea, vwedi, kukuduisha, vuhoo, na kugumirija.

VAEBRANIA 6:18

nesa he vintu viri vyesiveiwa kukoranyika, evyo hevyo Mrungu esiveiwa kuteta mongo, tuvone ituja ledindie, uswi twedindikie vila viariro vyevikiwe mozya hetu;

1 PETRO 1:2

sa vuntu Mrungu Vava erongemumanya hala ekimwelija kwa Mpeho, mukaveiwa kusikia na kunyinyirwa sakame yakwe Yesu Kristo. Mbonea na mporere naviongejwe henyu.

1 YOHANE 3:24

Ula egura maazero akwe eikaa heye, naye heye. Heicho tumanya iti eikaa he uswi, kwa uo Mpeho emtuinkie.

1 YOHANE 4:12

Tehena mntu anamvona Mrungu narini. Twekikundana, Mrungu eikaa he uswi, kangi lukundo lwakwe lwakoloka he uswi.

1 YOHANE 4:16

Na uswi twamanya lukundo Mrungu ena nalwo he uswi, na kuluitikija. Mrungu ni lukundo, ula eikaa he lukundo eikaa he Mrungu, Mrungu naye eikaa heye.