TITO 2:5 - Juu³ tyʉ² ʼe gafaaʼ²¹ Dios tyaʼ tsá²

⁵ Joon 'e'³'e jon 'in tsamɨ́² xuui²¹²gɨ 'e 'ɨɨ¹ jai'² joon jo sooin²¹ tsá². Pe unjii²i inʉʉ tya'a, joon ilíin² tsamɨ́² tyúi¹ 'in nʉʉ'¹³ to² tyʉ'² ñʉʉ'¹ tya'a. Coon'¹³ la joon jo lí² faa'²¹a tsá² 'laa'²¹ tya' júu³ tya' Dios.

TITO 2:5 Iomraidhean Croise

HECHOS 9:36

'E jmɨɨ²¹²joon jon galiseein²¹ jaain²¹ tsamɨ́² 'in jai'² lɨ́ɨi² coon²¹ fuu²¹ sii²¹ Jope. 'In tsamɨ́² lo sii²¹ Tabita. Pe coon'¹³ jmíi¹ griego sɨɨ'²¹ tsá² 'ii Dorcas. 'In tsamɨ́² lo jmoo¹o jilaa'²¹ 'e tyʉ́² tya' tsá². Uncoon'¹³o jileei'²¹ 'in sɨtyéen¹³ jmɨɨ²¹².

HECHOS 9:39

Joon ngoo²¹‑o Tʉ́³ coon'¹³ 'ii. Joon mo gatyíi¹a do ngajéei¹ tsá² 'ii lɨ raain¹ 'lɨɨ²¹² do. Joon jileei'²¹ tsamɨ́² 'nɨ́ɨi² néei¹ cɨ'²ɨ. Xuui²¹²‑tsi 'áai¹. Ga'e'²e Tʉ́³ jilaa'²¹ 'mɨ'² 'e nigajmaa¹a mo seein²¹.

ROMANOS 14:16

Tsʉ 'wii'¹³ joon jo cwoo²¹o' coon'¹³ 'e jmoo²¹o' 'e faa'²¹a tsá² 'e gó² tya' 'e sá² 'e tyʉ́² tyi'.

ROMANOS 2:24

Tsʉ ni jí² tya' Dios jin': “'In tsá² jo seein²¹ Israel faa'²¹a gó² tya' Dios tsaa² tyi'naa'.”

1 CORINTIOS 11:3

Pe 'iin²¹²na 'e li'øø'²¹mo‑'oo' 'e Cristo lɨ́ɨ¹i lawa'a mootyi² tya' jileei'²¹ tsañʉʉ'¹, joon tsañʉʉ'¹ do lawa mootyi² tya' 'oo²¹²o la lɨ́ɨ¹i Dios mootyi² tya' Cristo.

1 CORINTIOS 14:34

jo cwói¹ faa'²¹a tsamɨ́² jee²¹ lɨcaain²¹ tsá² jai'² lɨ́ɨ²i Cristo, tsʉ tsaa'¹³mo la joon. 'Ná¹ jmáa¹a nʉʉ'¹³ʉ jiin'¹³ la to² tyʉ'² ley tya' Dios.

EFESIOS 5:33

Pe fuu²¹²uu 'naa' jon 'e 'ná¹ 'iin²¹²naa' jilee'²¹naa' tsamɨ́² tyii' la 'iin²¹²naa' yaanaa', joon 'in tsamɨ́² do 'ná¹ un'goo¹o ñʉʉ'¹ tya'a.

COLOSENSES 3:18

Joon jileei'²¹ 'naa' tsamɨ́² 'in seein²¹ ñʉʉ'¹ tya'a jmaa²aa' nʉ́ʉ¹³ʉʉ' coon'¹³ ñʉʉ'¹ tyii'. Tsʉ coon'¹³ la joon 'ná¹ jmáa¹a 'in jai'² lɨ́ɨi² Ña'ñʉ'¹ʉ'.

1 TIMOTEO 5:10

Lí²‑i litaan¹u'un mo'jí² wa'a cwii¹in tsá² 'ii jiin'¹³ 'e tyʉ́² 'e nigajmaa¹a. Wa'a nigaunjíi²in jóon¹on joongɨ wa'a nigacwoo¹o 'nʉ́¹ lɨ joon¹ tsá². Joongɨ wa'a nigauncoon'¹³o tsaru'¹u'. Joongɨ wa'a nigauncoon'¹³o 'in seein²¹ fa'í³. Joon wa'a gacwoo'²‑tsi 'in 'yiia'nɨ́ɨ² do 'e jmoo¹o jilaa'²¹ 'e tyʉ́² lí²‑i taan¹u'un mo'jí².

1 TIMOTEO 6:1

Jileei'²¹ tsá² 'in jai'² lɨ́ɨi² Cristo 'in nitaai² tya' ñi'fii²¹²i 'ná¹‑a un'goo²¹o ñi'fii²¹²i la coon'²¹ jo cwofaa'²¹a tsá² 'laa'²¹ tya' 'e sii²¹ Dios coon'¹³ jilaa'²¹ 'e 'ee²¹e'.

TITO 2:4

Coon'¹³ la joon i'e'¹e 'in tsamɨ́² xuui²¹²gɨ 'e ngɨ¹ 'ido coon'²¹ tún², joon ili'iin²¹²in ñʉʉ'¹ tya'a coon'¹³ jóon¹on.