SAN MATEO 9:22 - Juu³ tyʉ² ʼe gafaaʼ²¹ Dios tyaʼ tsá²

²² Joon gajiin¹in 'ña'a Jesús gajǿø²i 'in tsamɨ́² do joon gajin'²in: ―Tya¹‑'o'o yú². Tsʉ niga'láa²mo'o tsʉ 'wii'¹³i jo'¹o galɨ́ɨ²u'u. Joon tsifu joon ga'láa²mo 'in tsamɨ́² do.

SAN MATEO 9:22 Iomraidhean Croise

SAN MATEO 15:28

Joon gasɨɨ'²¹ɨ Jesús 'ii: ―¡'Áai¹ fee'¹ jai'² lɨ́ɨ²u, rán³! Cwolí² jiin'¹³ la 'iin²¹²u'un. Joon tsifu joon ga'láa²mo jamɨ́ɨ¹ɨ 'in tsamɨ́² do.

SAN MATEO 17:18

Joon gatyʉ'² Jesús to² 'in 'lɨɨi'³ 'yuui² alma tya' 'in xuui²¹² do joon ga'wóo²mo. Joon tsifu joon ga'láa²mo 'in xuui²¹² do joon.

SAN MATEO 8:13

Joon gajin'² Jesús sɨɨ'²¹ɨ 'in tyʉ'² to² 'láa² do: ―Cwei'¹ fu tyi'i, 'e jo'¹ ni galɨ́ɨ²u'u ilí² tyi'i. Joon 'in tsa'leei'¹³ tya'a tsifu joon ga'láa²mo.

SAN MATEO 9:2

Joon gajée¹i tsá² jaain²¹ tsá² 'in 'ii'¹³ tá² cwoo²¹ tɨɨ²ɨ 'yuui² coon²¹ jmoo²¹. Joon mo ganí² Jesús xiiala jo'¹ lɨ́ɨ²i 'in jalíin² do gajin'²in sɨɨ'²¹i 'in tsatsaa'¹³ do: ―Tya¹‑'o'o yú², ni'iin²moo tsaa² tyi'i.

SAN MATEO 9:29

Joon gataan¹an Jesús cwoo²¹o unni² tsá² tiui² do joon jin'²in sɨɨ'²¹ɨ 'ido: ―Cwolí² jiin'¹³ la jo'¹ lɨ́ɨ²naa'.

SAN MARCOS 10:52

Jesús‑gɨ gajin'²in: ―Lí²‑i cwoo'²'o. Ni'láa²mo'o 'wii'¹³ jo'¹o lɨ́ɨ²u'u. Tsifu joon 'in tsatíui² do galɨ́²‑ɨ jǿø². Joon gangoo²¹o la caain²¹ tya'i fu lɨ ngóo¹ Jesús.

SAN MARCOS 5:34

Joon gajin'² Jesús sɨɨ'²¹ɨ 'in tsamɨ́² do: ―Yʉʉn²¹ tyiia, ga'láa²mo'o 'wii'¹³ jo'¹o lɨ́ɨ²u. Cwei'² júu³ røø²¹. 'Láa²mo'o coonti jmoowúu¹ lɨ́ɨ¹u'u.

SAN LUCAS 17:19

Joon gasɨɨ'²¹ɨ 'in tsañʉʉ'¹ do: ―Ráan²un no. Cwei'². Niga'láa²mo'o tsʉ jo'²o galɨ́ɨ²u'u.

SAN LUCAS 18:42

Joon gajin'² Jesús: ―Jǿø²o'o tsʉ 'wii'¹³ nigalija'²mo lɨ́ɨ²u.

SAN LUCAS 7:50

Pe Jesús‑gɨ gasɨɨ'²¹ɨ 'in tsamɨ́² do: ―Nigajmaa²¹²aa tiin'¹³mo'o tsʉ 'wii'¹³ ja'²mo galɨ́ɨ²u. Jløø'³mo'o cwoo'²mo'o.

SAN LUCAS 8:48

Joon gasɨɨ'²¹ Jesús 'ii: ―Niga'láa²mo'o, 'mí², tsʉ 'wii'¹³ nigalitsáa¹mo‑'o'o jna. Jløø'³mo'o icwoo'²mo'o.

SAN JUAN 4:53

Joon galili'³ jmii²¹ 'in xuui²¹² do 'e 'ii'²¹ joon mo gajin'² Jesús do: “Cwooi'¹³ fu tyi'i tsʉ yʉʉn²¹ tyi'i nityú¹mo.” Joon 'ña'a 'in tsá² 'oo¹o to² do jo'¹o lɨ́ɨ²i Jesús coon'¹³ 'in tsá² seein²¹ inʉʉ tya'a.

HECHOS 14:9

Joon 'in tsañʉʉ'¹ do nuu¹o jilaa'²¹ júu³ tya' Poo² do. Joon gajǿøi² Poo² do 'ii. Joon galili'³i Poo² do 'e 'ii‑o jo'¹o lɨ́ɨi² Dios 'e 'láa²mo.

HECHOS 16:18

Jiin'¹³ la joon ngɨɨ¹ɨ faa'¹a la coon²¹ jmɨɨ²¹² ce jiin'¹³ do‑o gata'¹gɨ Poo² nuu¹un júu³ tya' 'in tsamɨ́² do. Joon gajiin'¹³ níi¹i joon gajin'²in sɨɨ'²¹ɨ 'in espíritu 'yuui² alma tya' 'in sɨmɨ́² do: ―Coon'¹³ 'ii'²¹ tya' 'e sii²¹ Jesucristo, tyʉ'³ʉʉ to² 'e júu¹³'u alma tya' 'in sɨmɨ́² lo ―jin'² Poo². La tsifu joon gacwo'ɨ́ɨ¹ɨ 'in espíritu gó¹ do.

HEBREOS 4:2

Tsʉ la joon jon jna' niganʉ́³o' 'e júu³ tya' xiiala 'e tiin'¹³ tsá² la ganúu²un 'in tsá² do. Pe 'in tsá² do jo 'ee to² 'íi³in 'e ganúu²un 'e júu³ do tsʉ mo ganúu²un jo jo'¹ galɨ́ɨ²i.