SAN MATEO 7:14 - Juu³ tyʉ² ʼe gafaaʼ²¹ Dios tyaʼ tsá²

¹⁴ Pe cu'² áai¹ 'e 'ooca'nʉ́¹ tyi² fu ñʉ'fú² joon tii² 'e fu¹ 'e ngo'² fu ñʉ'fú². Joon xʉ tsá² 'in tsaa'²¹ 'e fu¹ 'e tsá¹a ñʉ'fú².

SAN MATEO 7:14 Iomraidhean Croise

SAN MATEO 20:16

La joon lí¹, 'in lɨ tséi¹ 'ii 'in nifu, joon 'in nifu 'ii 'in lɨ tyéi¹. Tsʉ itø'²ø Dios fúui¹ tsá² pe xʉʉ 'in gacwai'² jmáa¹a.”

SAN MATEO 22:14

Tsʉ itø'²ø Dios fúu¹mo tsá² pe xʉʉ 'in cwai'³ jee²¹² do‑o jmáa¹a.

SAN MATEO 7:13

’'Ii¹ 'naa' 'ooca'nʉ́¹ cu'² 'áai¹ tsʉ 'ú² 'áai¹ 'e 'ooca'nʉ́¹ si'² lɨ 'ii²¹ joon 'e fu¹ 'e tsá¹a lɨ 'ii²¹ 'áa¹mo 'ú² 'e fu¹ joon. Joon fúu¹mo tsá² tsalíin² fu¹ joon.

SAN MATEO 7:15

’Un'øø'¹naa' yaanaa' coon'¹³ 'in tsá² 'in jin'² 'e faa'²¹a cwáain¹ tya' Dios pe jo jo'¹. Jalíin²mo jee²¹² 'naa' lawa joo'saa'²¹ xuui²¹² 'in 'wo²‑tsi 'áai¹ pe 'yiia'¹ tsiinuu²¹ 'in 'lɨɨ'³mo 'ii.

SAN MARCOS 8:34

Joon gatø'¹ tún¹ Jesús tsá² tya'a coon'¹³ jileei'²¹ tsá² taain²¹² coon'¹³on joon gasɨɨ'²¹ɨ 'ido: ―Wana 'in 'iin²¹²in jalíin² coon'¹³ jna 'ná¹‑a cwo'íin²mo‑tsi 'wii²¹² tya' 'ña'o joon 'ná¹ tyaa¹ tyʉ́² 'ña'a 'e júun²in lagɨ ijúun²na. Joon 'ná¹ cwojmaa¹a la to² tyʉ'² jna.

SAN LUCAS 12:32

Faa'²¹gɨ Jesús: ―Tsá² tyiia, jo jmoo²gɨɨ' 'goo'²¹‑'oo'. Tsʉ xʉʉ 'naa' pe Ñʉ́²ʉʉ' 'áa¹mo 'yáai²‑tsi cwo'¹o 'naa' to² 'e 'oo¹o.

SAN JUAN 16:2

I'woo¹mo tsá² 'naa' caluu cwo'¹ sinagogas tya'a joon tɨ lɨ tyíia¹ jmɨɨ²¹² mo lɨ́ɨ²i 'in tsá² 'in jngaa'¹³i 'naa' 'e jmoo¹o to² tyʉ'² Dios.

SAN JUAN 16:33

Fuu²¹²uu 'naa' jilaa'²¹ 'elo 'e jo cu'³‑'oo' coon'¹³ jna joon coon'¹³ la joon seen²'naa' tyʉ́². La 'ɨɨ²¹² taan²¹²naa' jee²¹² tsá² 'in tɨ́²‑tsi 'e sá² juncwii²¹ imoo²oo' wúu¹. Pe tá² taain²¹²‑'oo' tsʉ nigalɨ'¹oo 'e sá² juncwii²¹ ―gajin'² Jesús.

HECHOS 14:22

Do‑o nigatyaa¹‑tsi 'in nigajai'² lɨ́ɨi² lɨ ningaliin¹ do. Gajin'²in sɨɨ'²¹ɨ 'ido: ―'Ná¹‑a jai'²gɨ liin²¹naa' júu³ tya' Jesús. 'Ná¹‑a nee²¹e' wúu¹ jiin'¹³ la joon lí²‑i tsatoo²o' lɨ tyʉ'² Dios to² ―gajin'² Poo² do.

ROMANOS 12:2

Joon jo seen²¹naa' jmaa²aa' jiin'¹³ la tyʉ'² to² 'e juncwii²¹ lo. Unsɨ²naa' 'e 'ɨ¹‑'oo' 'e coon'¹³ la joon lí² unsɨɨ²naa' 'e jmoo²oo'. 'E coon'¹³ la joon lí² liñí²ii' 'e 'iin²¹²in Dios 'e tyʉ́²‑ʉ, joongɨ 'e 'yaai‑tsi joongɨ 'e sɨtsiin¹.

ROMANOS 9:32

Tsʉ 'in tsá² Israel do gali'iin²¹²in wa'a untyúi¹ Dios 'ii 'wii'¹³i 'e jmoo¹o do jon' wa' 'wii'¹³i 'e jai'² líɨ²i. Tsʉ 'wii'¹³ joon gatyuun'¹³in tsaa'² cuun²¹² sii²¹ “cuun²¹² tyuuin'¹³ tsá²” 'e lɨ́ɨ¹i Cristo.