SAN MATEO 24:4 - Juu³ tyʉ² ʼe gafaaʼ²¹ Dios tyaʼ tsá²

⁴ Joon gajin'² Jesús sɨɨ'²¹ɨ tsá² tya'a: ―Jo cwoo²oo' wa'a coon'²¹ tsá² 'naa' tóo².

SAN MATEO 24:4 Iomraidhean Croise

SAN MARCOS 13:22

Jo jo'¹ cwoliin¹naa' júu³ tya'a tsʉ ijalíin² tsá² 'in jin'² 'e Cristo 'ii sɨ 'in jin'² 'ee 'e cwoo¹ júu³ tyʉ́² tya' Dios pe jo jo'¹. Jalíin² jajmaa¹a li² milagro 'a coon'²¹on tóo² ca 'in gatyii'¹³in Dios wa' ilí².

SAN LUCAS 21:8

Joon gajin'² Jesús: ―Tɨ́ɨ¹moo' jon. Jo cwóo¹³naa' yaanaa' 'in coon'²¹ 'naa' tóo². Tsʉ lɨ́ɨ¹ fúui¹ 'in jaliin¹ 'in jin'² sɨɨ'²¹ɨ 'naa': “Jna‑a Cristo.” Joongɨ jin'²in: “Nano gatɨ́² 'ii'²¹ ilí² sá² 'ii'²¹.” Pe 'naa' jo unjii²ii' júu³ tya'a.

GÁLATAS 6:3

Tsʉ coon'²¹ tsá² tóo² yaai wa'a lɨɨi² tsá² 'e tsá² 'in tyiin² 'ii, pe jon'gɨ 'in tyiin² 'ii.

EFESIOS 4:14

Joon jo lɨ́ɨ¹gɨ' la lɨ́ɨ¹ xuui²¹² 'in unsɨɨ²i 'e 'ɨ¹‑tsí jmoono tsʉ jo ñii¹ joon tsalíin²mo coon'¹³ 'ido jmoono mo jalíin² tsá² 'in jmɨɨ¹‑tsi 'e'²e 'ido jilaa'²¹ júu³ xiia'²¹. Joon coon'¹³ júu³ to'² tya'a coon'²¹on tóo² tsá² 'in jo lɨ́ɨi¹ tsá² 'in nicøøi'¹³ coon'¹³ 'e jai'² lɨ́ɨi².

EFESIOS 5:6

Jo cwoo²oo' wa' coon'²¹ tsá² 'naa' tóo² coon'¹³ júu³ 'e jo 'ee to² tí¹, tsʉ Dios i'e'²e wúu¹ 'in tsá² 'in jmoo¹o jilaa'²¹ 'e gó² lo, 'in jo nʉʉ'¹³ʉ.

COLOSENSES 2:18

Jo cwoo²oo' 'e cón² 'in tsá² do 'naa' tóo² 'e jo 'ii'¹³naa' jilaa'²¹ 'e sá² tyii' coon'¹³ Jesucristo. 'In tsá² do jmaai'²¹ yaai lawa tsá² 'wéi¹ joon un'goo²¹o ángeles. Faa'²¹a 'e jo 'øøi'²¹‑tsi. Joon jløøi'³ 'ña'a coon'¹³ 'e 'ɨ¹‑tsi xʉfiin'¹³ 'ɨ¹‑tsi jiin'¹³ la 'ɨ¹‑tsi tsá² 'in jo cwii¹in Dios.

COLOSENSES 2:8

Tɨ́ɨ¹moo', jo cwóoi¹ yaanaa' 'e caain¹ 'naa' wíin² 'in tsá² tajuui²¹ 'in tɨ́ɨi² júu³ 'e jóoin²‑tsi tsá². Joongɨ jo cwo'²o 'ido júu³ ruu'²¹i coon'¹³ 'e júu³ 'e jo jai'². 'In tsá² do jo cwoo¹o júu³ tya' Cristo. Cwoo¹‑o jmai'² júu³ 'e la tɨɨsi'² tya' tsá², jiin'¹³ la 'e 'øøi'²¹‑tsi yaamo.

2 TESALONICENSES 2:3

Jo cwoo²oo' 'in coon'²¹ 'naa' tóo² jiin'¹³ coon²¹ cwáain¹. Tsʉ jéei¹gɨ jmɨɨ²¹² joon itíui² tsá² Dios joongɨ ijnéi¹ tsá² røøi²¹ tsaa² 'in jo tiin'¹³gɨ.

1 JUAN 4:1

Tsaru'¹u' 'in 'iin²¹²na, jo jai'² cwolíin²¹naa' jileei'²¹ 'in jin'² 'e faa'²¹o cwáain¹ tya' Dios. Cóon²oon' cwáain¹ coon'¹³ ce tún² 'ee 'e faa'²¹a 'ido. Nuu²uu' wana faa'²¹a cwáain¹ tya' Dios owa jo faa'²¹a 'ee. Rǿø²mo cwoo'¹³ juncwii²¹ coon'¹³ 'in tsá² tajuui²¹ 'in jin'²in 'e faa'²¹o cwáain¹ tya' Dios pe jo jo'².